خيانة مشاعر

هي مش خيانة بشكل مباشر بس حسيت انها صدمتني وكسرتني هي كانت زميلة ليا في الجامعة قريبة مني جدا نعرف عن بعض حرفيا حاجات كتير اوي بنحكي لبعض مشاكلنا ونحلها سوا حرفيا كانت مساحتي الآمنة اللي بقدر اقول فيها كل اللي جوايا من غير ما اقلق الصراحة حسيت ناحيتها بمشاعر حب وتعلق ومبقتش شايف غيرها مرة واحدة بعتتلي مش هينفع نكمل كلام عشان حصل مشكلة عندي في البيت والجو ده وانا عشان معملهاش مشكلة وعشان متتئذيش بسببي فا فضلت متابعها من بعيد وهي كل ده متعرفش اي حاجة عن مشاعري ناحيتها بقيت براقبها على السوشيال ميديا من بعيد في الجامعة في مكان شغلها من بعيد لبعيد المهم بس اني كنت اشوفها فا لما جت فرصة عشان اروح اعترفلها واروح اتقدملها واحدة اعرفها جريت وقالتلها اخر كلمة ممكن تتقال لبنت حسستها انها بنت مش كويسة راحت تقولها انتي بترتبطي قالتلها انتي بتقولي اي راحت تقولها اني عايز ارتبط بيها مع ان ده عكس كل اللي انا عايز اقوله اكيد كنت هقول بطريقة اشيك من كده فا طبعا جالي الرفض وانا معرفتش اصارحها بكل اللي جوايا يمكن كانت تفهم صح فا حتى السلام من بعيد اللي كان بينا انتهى وبعتت لواحدة نعرفها سوا قالتلها قوليله ميفكرش في حاجة زي دي تاني ولو الموضوع اتفتح بينكم وبين بعض حتى هتزعلوا مني فا قفلت الموضوع وانا قلبي بيتقطع حرفيا ولحد دلوقتي مش مستوعب بس بعدها بفترة لقيتها بعد ما قالت انها ملهاش كلام مع شباب خالص عشان ثقة باباها لقيتها قاعدة مع واحد انا اعرفه وبتتصور معاه وبيهزوا سوا ويضحكوا وبعدها لقيتها قاعدة على طرابيزة في كافيتيرا الجامعة مفهاش بنت غيرها مع خمس شباب طبعا انا اتصدمت ومصدقتش عارف انها متتصنفش خيانة اوي بس ده الاحساس اللي وصلني واحساسي بالصدمة لأني مكنتش اتوقع منها كده الموضوع ده عدى عليه اكتر من سنة لحد دلوقتي وانا لسة متعلق بيها بفكر فيها علطول وبحلم بيها وبشوفها دايما في احلامي بسيناريوهات مختلفة فا بجد كسرتني ومشيت ولا همها

انا مش زعلان انك مشيت ولا زعلان ان حكايتنا خلصت خلاص انا بس زعلان منك علي الطريقة اللي شوفتني بيها رغم كل اللي كان بينا ده كنت فاكرك هتشوفني علي حقيقتي مش هتتعامل معايا كأني شخص عادي وكأن انا السبب في وجعك انا حقيقي كنت بحبك وبهتم بيك من قلبي بس من الواضح ان كل ده مكنش كافي ليك، وصحيح كان ممكن العلاقة تنتهي احسن من كده والصفحة تتقفل ونحترم بعض ونحترم الكلام اللي كان بينا في يوم. بس للأسف النهاية وجعتني اكثر من البعد نفسه🖤

الحاجة الوحيدة اللي هفضل دايما مش قادره استوعبها ان ازاي حد يتغير ف يوم وليلة مشاعر كاملةة وحاجات كتيرة وعشرة تهون وكل دا ف يوم وليله بس ليت الانسان قلبه مثل قلب اللذي يظلمة حتى لا يتألن من افعالة ❤️‍🩹

من سنتين كنت بحب واحدة جدا و هي كانت كتير بتلمحلي بس اما مكنتش جاهز اقولها بعدها مرة واحدة اختفيت شهرين و انا كان ورايا شغل كتير جدا لدرجة إن كان في ايام مش بنام و هي مرة واحدة اختفيت غير متاحة و مفيش حساب من حساباتها متاح افتكرت انها عملتلي بلوك عملت حساب تاني و بعتلها لقيتها اصلا مش لاقتها لا من ولا شبكة خفت حبة قلت ممكن تلفونها حصله حاجة ربنا يستر و بعدها شعر ٨ الي فات ظهرت كانت زي ما هي محستش بتغير قلت مفيش حاجة حصلت بس يومين و لقيت تعاملها معايا اتغير بقت تعمل مش شايفاني و بعدها في شهر 9 قلت هقولها علي الي جوايا انا كنت متكهرب لاني خفت انها ترفض و قلبي كان بيرج و بعدها في لحظة لفت وشها و مشيت و قالت و هي مش باصالي مش عايزة ولا كاني موجود لحد دلوقتي اللحظة محفورة في دماغي كل ما افتكرها بحس بكسر جوايا و مش عارف الزقها بايه و بعدها بيومين قابلتها عملت مش عارفاني و بعدها و بعدها و كل ما تكلمني كاني غريب يعني بقت شغل حضرتك و كدة و كل ما برد بقت حاسس اني ادامي نفس الجسد بس مش نفس الروح بقي حد تاني من يوميها لحد النهاردة حوالي 7 شهور حاسس ان في كسر جوايا طريقتي بقت مختلفة و كل ما اشوف حد اشوف وشها فيه و بعدها في شهر 10 اعرف انها حبيت واحد تاني و ان انا كنت مجرد لعبة عابرة تسلية وقت

انا شغال في مكان و اعرف حد جنبه مكان شغلي دا علي طول في وشه بعد فترة كدا حبيت اختها جدا مع اني رافض الموضوع دا و رافض أن يكون فيه اي حاجه في حياتي دلوقتي بس اللي حصل المهم قربت شويه و كان نفسي اعملها اي حاجه بجد مش عشان تحبني لا عشان حبيتها و كنت بستني اني ابسطها باي شكل من الأشكال و كنت مستعد لأجل كل خطط حياتي في سبيل اني اخد خطوة بجد معاها و اعترفتلها و عرفتها هي مردتش عليا بأه أو لا اتبسطت و خلاص معاملتها اتغيرت معايا جدا و كذا موقف منها عدم التقدير خلاني ابعد خاالص و مكلمهاش ولا هي ولا اختها بعد فترة حصل موقف اختها رنت عليا عشان فيه مشكله و محتاجه مساعده قومت بدوري و اللي اقدر عليه و حليتها الحمدلله و هي كلمتني تاني و قالتلي انت بعدت ليه شرحتلها قالتلي ابدااا و أنها مكنتش اقصد كدا و رجعنا نتكلم تاني بس هي طريقتها اتغيرت جدااا معايا رد متأخر و اعذاار كتيير و اعدي و اعدي كتير جدا و الفكرة هي اصلا مش مناسبه لحياتي خاالص بس قولت عشانها هي عشان بحبها و بعد مواقف كتير منها أنها بتقولي بطريقة غير مباشرة امشي مشييت و انا مختار نفسي مشيت وانا مش عايز من الدنيا غيرها بس لو قلبي هيقل مني و من كرامتي ييجي تحت رجلي ميشغلنيش بس اللي نفسي اساله هي ليه عملت كدا و حببتني فيها و تثبتلي أنها بتحبني طب ليييييه!!!! انا عملتلها ايه بأمانه يلا الحمدلله علي كل حال بس الفكرة انا كااره المكان حرفياً و خايف اشوفها حتي لو صدفة غيرت شفتي و بقيت اجي بليل و عامل مشاكل عشان مشوفهاش ولا صدفة كاره المكان مع أنه كويس و مفيد بالنسبالي بس انا قررت اني امشي عشان اعرف اعدي المرحله دي و اشوف حياتي اكتر.