دوخة

بتعملوا ايه لو دقات قلبكم بتزيد بجد وبتحسوا انك هيحصلك حاجه من الخوف انا مش عارف اتصرف ولو دي حاله بتيجي لناس ياريت المساعده وضغطي بيوطي كمان وبحس بدوخه انا خايفه ومش عارفه ده طبيعي عادي

هفضفض بس مش اكتر كنت مخوقه وستيل بس اقل شويه منغير سبب مفيش اي حاجه حصلت المهم كنت رايحه اغسل وشي دوخت جامد اوي وحسيت بهبوط ولقيتني بعيط منغير سبب معرفش حصلي كده ليه وانا اصلا مخنوقه من ايه دلوقتي اهدى شويه بس لسه حاسه بخنقه وكنت فاكره ان لو حكيت لحد قريب مني هبقى كويسه المهم حكيت بس محدش فهم وبردو لسه زي ما انا

انا مش كويس بقالي 3 ساعات تقريبا ضربات القلب سريعه و دوخه بسيطه مع صداع كل دا عشان اتخانقت مع خطيبتي امبارح و النهاردة حاولت الم الموضوع تاني ولا كأن حاجه حصلت بس لقيت رد منها مش دا الي المفروض ترد بيه ف حاولت ابين مفيش حاجه قدامها بس انا تعبان و لحد دلوقتي في نفس الاعراض و اخاف ادخل اقولها توزد عليا بدل ما تقف جمبي

ازيكم كنت وقعت علي دماغي قبل كدا وجالي اشتباه ارتجاج تقريبا ولحد دلوقتي لسة عندي دوخة وضعف تركيز والذاكرة دا عادي؟ والحوايا بيقولولي اخد اوميجا ولا محتاجة دكتور ؟ انا مروحتش بعدها لاى دكتور اعتمد اني فايقة وكويسة بعدين عرفت انو غلط

انا بتعب بسرعه جسديا من أقل مجهود حرفيا و مش بقدر أعمل حاجه كاملة لازم أريح في النص لأني بكون تعبت جامد و مش بأفور لا بكون تعبت اوي و مش قادرة أقف و بدوخ ولا بقدر اتنفس كويس، و روحت لكذا دكتور بيقولوا ده مجرد stress و توتر و خدي فيتامينات بالرغم اني معنديش أنيميا او اي نقص في الفيتامينات. حد عندو حل او علاج للموضوع ده؟ لأن أهلي بقيوا بيتخانقوا معايا كتير بسبب الموضوع ده و اني باخد وقت كبير لحد ما اخلص حاجه بسبب اني بريح في النص.

هو اي مبرر اني لنا بقعد اشتغل بحس بدوخة ودماغي بتصدع جزء من مخي بيقلي عدم جدوى الشغل رغم انه شغل مهم جدااا ولازم انجزه عشان فيه حيزبون 😂😂 جوا مستنيني اخلصه فجأة ببقا عايز اشرب سجارة فجأة عايز اعمل اي حاجة عشان اسيبه مخلصوش

انا حاسه ان مامتي مبقتش تهتم بيا أو شايفه أن اي حاجه تحصلي عادي و في نفس الوقت بتعامل اخواتي ب اهتمام زياده يعني في موقف من المواقف كنت بدخل اختي الصغيره للحمام الفجر و جاتلي حاله من الدوخه الشديده و وكنت واقفه مع اختي الصغيره قلتلها تقف معاها عشان حاسه اني هقع رحت و ماما خلصت مع اختي و خرجت مسألتنيش عن اي حاجه و اختي التانيه قالت لماما إن عندها صداع ماما فضلت كل شويه تطمن عليها و خرجت من الغرفه مخصوص عشان تشوفها و دي مش اول مره تتعامل معايا بتجاهل في موقف تاني ماما اتعصبت عليا عشان اتأخرت شويه على اخويا و مجبتوش من الدرس و في نفس اليوم باليل انفعلت على اختي هي هي و والله مكملتش عشر دقائق و نادتها من قططنا قلتلها لأ لإن بتعامل مع القطط كتير و حاسه ان السبب نفسي و مش عايزه اقلها

اعمل ايه فى مشكلة القلق و التوتر انا شخصية متوترة جدا و بفكر فى كل حاجه حرفيا و مبقدرش اكل و لا لشرب و لا انام غير لما الموضوع اللى موترنى ده يخلص ده غير انى ف العلاقات عرفت انى متعلق قلق و ده بيأثر على نفسيتى جدا بفكر اخد ادوية تهدى التوتر و القلق بس خايفة انه يأثر عليا بالسلب و معنديش إمكانية انى اروح عند دكتور نفسى ..ف حاجة مهمه اوقات من كتر التوتر ضغطى بيوطى جامد و بدوخ و بحس بغثيان ..لو ف حد مر بنفس المشكلة و اتحلت ياريت يفيدنى

كنت عاوزة اعرف لو حد عنده نفس الحالة دي واتعامل معاها ازاي انا من ١٠ شهور كدة جالي تعب وهبوط شديد ووقعت في الشغل كزا مرة .. وبعد لف كتير وكشف وكدة لقيت ان ضربات قلبي بتتسارع جامد جدا حتى لو مجهود بسيط عملت هولتر مفيش حاجة بس ضربات قلبي بتوصل لأرقام عالية جدا من غير مجهود ..فحاليا ماشية على أدوية تهدي ضربات القلب دي بس كل فترة الدكتور بيزودلي الدوا لانه مش جايب نتيجة ولسه بنهج ونفسي بيضيق حتى مع الكلام الكتير وبتجيلي دوخة وارهاق أغلب الوقت فمش عارفة هفضل كدة لغاية امتى .. ومتابعة مع الدكتور بس لسه مش عارفة حاجة فلو فيه حد مر بنفس الحالة .. ممكن يقول تجربته انا عارفة كل واحد وليه حالته بس يعني اعرف اكتر . لان الموضوع مزعج جدا بجد

بلشت عندي هذي النوبات فعام كان مليء بالضغط والحزن والكسر فبقيت اكبت فنفسي ما اتكلم ولا افضفض ولا ابكي فكانت تجيني على شكل نوبت بكاء لمدة تقل عن 5دقايق وتروح وتجي مع دوخة فشل مبشوفش منيح دنية بدور ومتضببة لكن اقوى نوبة حصلتلي فلمدرسة لما رحت اركض للمدرسة ووصلت الهث وبقيت الهث لساعات حتى بلشت ما اشوف ولا رجليا قادرين يشيلوني ولا اعمل خطوة مكنتش عارفة اتعامل معاها كانت مدتها طويلة حوالي 45دقيقة لكن الحمدلله تعلمت اتعتمل معاها شويا وصارت لما تجيني اقول لنفسي انتي مش بتموتي انتي بتخرجي كل لي كنتي مخبياتو جواكي واعمل تمرين 12345ولي هو ابحث عن 5اشياء مثلا بعيدة عني اشوفها واعدها بعدها 4اشياء قريبة 3اشياء حاسة بيهت 2حجات بسمعها وحاجة بشمها وماحاولش اسيطر عليها ولا على تنفسي ابدا لانو هذا يزيدها وبس كذا اتمنى افدتكم