دوشة

كل شوية بتخانق معاهم ف البيت لاني مش عارفه اعمل اي حاجه كلنا قاعدين ف مكان واحد عشان معندناش غير تكيف واحد و هما بينامو متأخر و بيصحو متأخر و بيشغلو التلفزيون و صوت عالي و بيتكلمو وانا ببقا عايزه انام بدري عشان اصحي بدري و اذاكر او اشتغل و اشوف الي ورايا يعني و طبعا مع كل دا مش بعرف انام خالص و هما بيصحو الضهر و لو صحيت قبلهم اقعد اعمل اي حاجه مبيخلونيش افتح النور ولا اذاكر ولا اعمل حاجه و طبعا و هما صاحيين بردو الصوت بيكون عالي و بجد الموضوع معصبني لانه مأخرني جدا انا المفروض دلوقتي بحاول ادور علي شغل و بطور من نفسي بس مش عارفه بسبب الدوشه دي و لو روحت اذاكر ف مكان تاني مينفعش حتي اشغل المروحه عشان الكهربا

عندي مشكلة كبيرة جدا ومش عارف احلها ( محصلش أو حصل عادي ) انا مبطــيقـش الس..تات بجد، رغايين ودوشة وصداع وشكوى طول الوقت وضحك على حاجات مش بتضحك ودمهم تقيل اوي، مش عارف هما ازاي بيحبوا نفسهم مفيهمش حاجة تتحب بصراحة رغايين بطريقة بجد مقرفة يارب يسكتوا ادعولي اخلص من اللي انا فيه دة واروح

بتعملوا ايه لو حاسين ان دماغكم مشغول وفيه حاجات كتير مش منظمة وفي نفس الوقت لو حاولتوا تركزوا شوية بتحسوا انكم لا مفيش حاجه ف دماغكم معينة ومش بتفكروا في حاجه واحده لا هي دوشة وكركبة مش مفهومة دي ايه

محدش يقولي “إنت شاب وانشف” عشان الموضوع ملوش علاقة راجل أو بنت… المشاعر ملهاش دعوة بالنوع. أنا بمر بتجربة صعبة ومحتاج أكون صريح شوية… أنا متعلق بشخص بشكل تعبني نفسيًا، وبحاول أفك التعلق ده ومش عارف. بفكر فيه طول الوقت، بحاول أبعد وبرجع تاني، وعندي دوشة في دماغي وتعب مش سهل. قررت أواجه بدل ما أفضل في الدايرة دي… فلو حد مرّ بنفس اللي أنا فيه: عرفت تتخطى إزاي؟ أخد معاك وقت قد إيه؟ وهل فعلًا الإحساس ده بيهدى وبيعدي؟ محتاج أسمع تجارب حقيقية من غير تنظير… يمكن ده يساعدني أكمل. وشكرًا لأي حد هيشارك 🤍