منذ 5 ساعاتيشعر بـ آسف
محدش يقولي “إنت شاب وانشف” عشان الموضوع ملوش علاقة راجل أو بنت… المشاعر ملهاش دعوة بالنوع. أنا بمر بتجربة صعبة ومحتاج أكون صريح شوية… أنا متعلق بشخص بشكل تعبني نفسيًا، وبحاول أفك التعلق ده ومش عارف. بفكر فيه طول الوقت، بحاول أبعد وبرجع تاني، وعندي دوشة في دماغي وتعب مش سهل. قررت أواجه بدل ما أفضل في الدايرة دي… فلو حد مرّ بنفس اللي أنا فيه: عرفت تتخطى إزاي؟ أخد معاك وقت قد إيه؟ وهل فعلًا الإحساس ده بيهدى وبيعدي؟ محتاج أسمع تجارب حقيقية من غير تنظير… يمكن ده يساعدني أكمل. وشكرًا لأي حد هيشارك 🤍
احذف كل حاجة ليها علاقة بيه من حياتك سواء صور أو فيديوهات أو حتى شات دى اول حاجة تانى حاجة اشغل وقتك مع أهلك وصحابك وشغلك وصحتك ومستقبلك مش هيبقى عندك وقت انك تفكر فى اى حاجة وافتكر دايما ان ربنا كاتبلك الخير وهو دا الخير أن الشخص دا يبعد عنك حتى لو انت كنت شايفه احسن شخص فى الدنيا ممكن لو كنتو من نصيب بعض تكتشف ان فى حاجات مش قادر تتعايش معاها