رأي الناس

في ناس عايشة عمرها كله مستنية تسقيف الناس… ولو الناس سكتت، يحسوا إنهم ولا حاجة. او يحطوا ف اعتبارهم رأي الناس وشكلهم قدامهم. او شايفين ان لو حد سابهم او بعد يبقى هما وحشين ويقللوا من نفسهم!! مع إن الحقيقة، أغلب الناس مشغولة بنفسها أصلًا، واللي بينتقدك النهارده، غالبًا هينسى كلامه بكرة. الثقة بالنفس مش إنك تبقى عندك كل حاجة او كامل او الناس تبقى حواليك، ولا إنك تكسب كل مرة، الثقة الحقيقية إنك تبقى عارف قيمتك حتى وأنت بتغلط ولوحدك، وإنك ماتخليش رأي حد يهز صورتك عن نفسك مش قدام الناس لا يهز يثقت ف نفسك!. مش كل اللي يضحك عليك أحسن منك، ومش كل اللي يقلل منك شايف الحقيقة، في ناس بتهاجم أي حد عنده جرأة يعمل اللي هم خافوا يعملوه. اتكلم، جرّب، اغلط، ابدأ حتى لو صوتك بيترعش. لأن أسوأ سجن، إنك تعيش حياتك كلها بتحاول ترضي ناس… مش هترضى أصلًا. لو حد عايز يتكلم يتكلم ويقول اللي جواه ، حتى لو غلطت مش نهاية الدنيا ،ارجع تاني واتعلم من غلطك وهتبقى أحسن ،مش معنى انك غلطت انك وحش او كدا تقلل من نفسك ، احكي اللي جواك♥️

انا ف الكلية الحربية بصراحة كنت عايزها و الحمدالله جت بس كان ف سوال بيدور ف دماغي علي طول يتراا اية رأي الناس فينا و التعب ال احنا بنتعبة دة كلو حد حاسس بية و يترا هلاقي بنت اعرف اتعرف عليهااا وانا طول الوقت هنا ف الكلية وانا لسة طالب ف كمية اسألة بتيجي ف دماغناا كتير بس لازم نتأقلم .

عاوزه اقولها انك مش لازم تعملي كل حاجه عشان الناس هما كده كده مش هيرضوا فأعملي اللي انتي عايزاه واللي هيرضي ربنا بس رأي الناس ارميه في الزباله هما كده كده هيتكلموا ، وحبي نفسك وتقبليها مش محتاجه تتغيري عشان حد انتي حلوه وجميله ذي ما انتي ، و الوحده شعور طبيعي وجميل مش مؤلم ذي ما انتي متخيله مش محتاجه تدخل في علاقات ملهاش لزمه عشان بس متحسيش بالوحده وتثبتي انك شخص كويس فعلا .. مش محتاجه تثبتي حاجه لحد ..

أني نبقى عايشة في نفس البيئة المؤذية مع والدين ما يهتموش و ما يحموش مع اخوات انانيات. و أني ما نقدرش نكون حرة و مستقرة و نجرب اي حاجة بلا خوف من اللوم أو رأي الناس. أني اني ما نقدرش نحقق احلامي.

اكيد لأ، انا أكثر اشي مأثر علي هو رأي الناس عني و اكثر شي أفكر فيه قبل ما اسوي اي شي و رغما عني حتى لو ما بدي بلاقي نفسي أفكر هل ذا شي طبيعي بالنسبة لمعظم الناس لي بمجتمعي ولا لا ، و هل بيشفوه طبيعي لو سوتو وحدة زيي (لأني محجبة و عائلتي متدينة و محافظة)، طيب على الأقل الأشخاص المقربين مني بيشوفوه طبيعي و عادي؟ ذا كلو افكر فيه قبل ما اسوي اي شي ، او على الأقل الأشياء لي ماني مقتنعة في اني اسويها و ذا الموضوع مرة متعبني

عاد اليكم من جديد الطعمية الي مسوي فيها شاعر 😂 ناس كتير قالت ع الغزل احب اقول اني يعتبر اول ابيات غزل اكتبها و كتبتها من زمان قرابة السنة مثلا وقصتها عبيطة ومضحكة بصراحه فمحدش يسأل بقا 😂 ي رب تعجبكم وعرفوني رأيكم❤️ ولقد رأيتك بين جمعٍ هائمًا فعجبتُ أني في ضياءِ نهارِ أيَطلعُ البدرُ في نورِ الضحى أم أن عقلي ذابَ في الإبهارِ فكأنّ قلبي قد تخبّط نبضُهُ في لُجّةٍ لا تنتهي بقرارِ إذا بسمت خفَتَ الضياءُ تواضُعا فكأنّها شمسٌ بغير مدارِ يا نوراً أضاءَ عتمةَ خافقي يا جميلَ لطائفِ الأقدارِ Doc

سؤال صغير، هو انا الوحيدة اللي شايفة ان الحياة لعبة؟ يعني انا شايفة ان الحياة لعبةو ان الوقت بتاعي هي العملات بتاعتي ف اللعبة و انا الشخصية الرئيسية و انا اللي بختار مدارها و كدا، اللي خارج عن ارادتي زي برمجه و سيستيم اللعبة كدا، و انا ممكن اختار ابقا بطل او شرير او حتي npc ماشي و الحرب بتحصل وراه بياكل كيس شيبسي، يعني الحياة تبقي زي اللعبة و كدا كدا هتخلص و هزهق كنها و هموت فيها ف اعمل اللي عايزاه براحتي، حاسة ان قبل كام شهر مثلا او كده كنت بخاف من راي الناس اوي و كنت بحس اني مقصرة في كل حاجه، دلوقتي لسه حاسة اني مقصرة في كل حاجه بس انا اللي بقدر اتحكم وقتي هبذله في ايه و كدا، و ايه المشكلة مثلا لو سقطت او مذاكرتش او بقيت "فاشلة" علي راي المجتمع (ملحوظه انا ناجحه جدا في مذاكرتي و بجيب درجات كويسة و بستغل وقتي كويس و يعتبر بالنسبة لمعايير المجتمع انا بعمل اكتر من اللي عليا كمان) بس انا شايفه ان ف اللعبة دي انا لو استغليت حاجات تانية اكتر ممكن ابقي احسن ، و ان المفروض ان يكون مش من الطبيعي اننا نسيب كل الناس عمتا يضيعوا وقتهم ع الفاضي كدا ، و ف نفس الوقت مش لما يبقي حد بيحاول بس حاسس انه بيخسر في اللعبة دي و مش قادر منبقاش شديدين عليه و نقوله انه كسول، ممكن نديله بريك ف اللعبة و نعملله revive تفتكروا وجهه نظري منطقية شوية ولا لا؟ ولا انا اللي تقريبا مريضه؟ ୧⁠(⁠＾⁠⁠〰⁠⁠＾⁠)⁠୨

أنا بحس أن أنا أوقات كتير جدا عندي شخصيتين: شخصية طيبة وما بتحبش حد ياخد عندها عليها انطباع سيء، وفي نفس الوقت بحس أن أنا شخصية تانية يعني صعبة قوي لدرجة أنها مش فارق معها أي حد في الدنيا ومش فارق معها أي حد ياخد انطباع سيء عليها أو لأ. طز في الناس، طز في رأيهم، طز في أي حاجة في الدنيا كده كده الناس بتتكلم وانا مش محتاجه رأيهم في حاجه لانه مش هيأثر . بس بحس أن الشخصية الصعبة دي اوقات بتبقي أحسن ودي اللي ممكن تنطبق مع الواقع أو تعرف تتأقلم مع الدنيا ومع الواقع أكتر. وبحس الشخصية الطيبة دي أوقات كتير بتبقى هبلة أو بتبقى عفوية بزيادة لدرجة أن ممكن حد يفهمها غلط أنها مش بتعرف تفكر أو أنها بتتصرف بطفولة أو غباء. فا انتم إيه رأيكم وشايفين إيه؟