رجوع

جايه اخد رايكم فى حاجه هل لو انا و حبيبي كنا متخانقين و بعتله الرساله دى هيرجع...؟؟ 🥺🥺 عارف انا لى مبستحملش بعدك عنى يوم واحد حتى مهما كان اى اللى حاصل بينا عشان حبيتك من قلبى بجد ي أحمد متبعدش عنى ي أحمد مش عايزه اعيش اللى باقى من عمرى ع ذكرياتنا متبعنيش بالسهوله دى أحمد اللى بينا يستاهل نحاول عشانه شويه كمان متمسكش فى الكلام اللى بيتقال وقت الزهق احنا عدينا صعب كتير سوى ف لى معنديش اللى جاى كمان سوى بتمنى من ربنا تفضل معايا طول العمر لانك دايما كنت كل حاجة في حياتى و مازلت كل حاجة فى حياتى برضو ف اعقل ي أحمد كدا و انسى اليومين اللى فاتوا دول لان انا نفسيتى فيهم كانت زى الزفت وللاسف جت فيك أنتَ، جت فى اغلى حاجة عندى و انا ما مستعده اخسرك انا اسفه ع الكلام اللى قولته و ضايقك بس حقيقى انا بحبك والله و كل دا كان بسبب انى زهقانه و معرفتش اتحكم فى نفسي، حقك عليا ي أحمد.

السلام عليكم من فتره كبيره كنت بكلم شاب ك صحاب عادي و كنا بنلعب جيمز سوا و هكذا . كنا برنتاح ف الكلام يعني علاقتنا سطحيه صحاب و بس . بس هو كان بيعاملني حلو اوي لدرجه اني بقيت احس ب مشاعر اتجاهه غصب عني انا عارفه ان ده غلط . و بعدين من شهر قالي انه رجع للاكس اتكلمنا ساعتها و ضحكنا و هزرنا و عمري ما بينت اني حاسه ب حاجه و هو كان عايز يكمل يكلمي حتى بعد ما رجع للاكس ف انا قولتله لا طبعا انا هوقف كلام و مش هبعت تاني مش ينفع اكلم واحد اصلا مرتبط ب واحده. كان ف البدايه البعد صعب بس بعد فتره اتعودت على غيابه . من يومين بعتلي و كلمني و بيقولي مش بتسألي ليه عليه و عامل نفسه عبده العبيط انا مضايقه اني رديت عليه عامة لاني رجعت احن تاني انا قرفانه و زهقانه اقسم بالله منه بس مش قادره ابعد تاني محتاجه حل حاسه انه تعلق مرضي بجد

انا كنت مع شخص لفترة كبيرة اوي اوي اذيته واذاني كتير بس برضو شيلنا بعض كتير، بس طول الوقت فيه خناق سيبنا بعض فترة كبيرة كذل مرة ونرجع واخر مرة رجعنا وسيبنا بعض تاني حاليا العلاقة كلها توكسيك واحنا الاتنين عارفين بس مش عارفين نسيبها؛ اخر مرة كنت خلاص تأقلمت على عدم وجوده وبردو حصل سبب ورجعنا تاني وبردو سيبنا بعض تاني تنصحوني بايه بعد ما رجعت لنقطة الصفر

انا شاب في اولي كليه قربت اخلص اول سنه ونا في ثانويه عامه كنت ملتزم ودنيتي تمام حصلتلي انتكاسه بعد النتيجه ولحد الان مش عارف ارجع حاسس بخنقه كبيره اوي اوي انا بمر باوحش فتره في حياتي مش عارف ارجع ازاي كل لما ارجع نش قادر مش عارف كل حاجه حوليا بتوقفني عندي امتحانات نفسيتي في الارض حرفيا وفي امتحان حليت فيه وحش وخايف منه مش عارف اعمل اي لا بقيت بصلي ولا عارف ازاكر ولا عارف اعيش ومش عارف اعمل اي لو حد مر بنفس التجربه وخرج منها ياريت يفيدني

بقالى فتره نفسى ارجع احفظ قرآن زى زمان فا ممكن اقتراحات لناس بتحفظ اون لاين نفسى ارجع زى زمان يمكن ده من اغبى القرارات او اغبى القرارات اللى اخدتها فى بدايه مراهقتى كان عند بين أهلى كانت اول حاجه امشى كلامى عليهم فيا حاولو بكل الطرق وانا عندت معاهم بس حاليا ندمانه جدا الحمدلله

انا بنت تعرفة على ابن صديق بابا عجبني ارسلتله من فيك فيسبوك طلع هو كمان معجب فيا رتبطنا بعدها قرر ينفصل نحنا هلا عم نحكي اصحاب بدي يرجع يحبني من جديد ما بعرف كيف اتصرف لو ما ارسل اناما يرسل

مبسوطه بإن ربنا بيدينا فرص دايماً علشان نرجع ، ممكن تدعولي معاكم كتير الله يكرمكم وخصوصا بالتوفيق في الدعاء النهارده والاخلاص وحضور القلب والانشغال بالعباده وإن ربنا يفتح عليا وأقدر أدعي بكى اللي نفسي فيه ولكل اللي وصاني بالدعاء ويكون فيه بركه في وقتي ومتنسوش أهل غزه من دعائكم وكل المسلمين من دعواتكم . ونحاول نستغل اليوم النهارده علشان الله أعلم هيتكرر تاني ولا لاء ، نستغله في الأعمال الصالحه " الصلاه ع وقتها ، الذكر ، الأذكار ، الصدقه ، كثرة الإستغفار ، بر الوالدين، حسن الخلق " إلخ وخليكم طماعين وانتوا بتدعوا علشان إحنا بندعي رب كريم قادر ع كل شئ قادر إنه يغيرلك حياتك في لمح البصر محتاجين يكون عندنا يقين تام واحنا بندعي ومحتاجين نُقبل ع ربنا حتى لو مش قادرين أو مش حاسين عند ربنا كبيره والله فانحاول علشان منندمش .

قصتي بدات وانا في ثالثه كليه تعرفت على بنت جميله وحبيتها هي اللي كانت معجب بيا الاول وقعدت توضح لي لغايه لما رحت قلت لها ان انا معجب بيها وارتباطنا وقعدنا 10 ايام بعد كده حصل شويه مشاكل وكشف بتخوني مع اخويا بعد ما سبته ارتبط باخويا وفي المعهد انها تطلع عليها بتاعه حوارات كنا في المسرح بتاع المعهد ولكن الماسك المسرح اشتكيته في اداره المعهد وقالت اللي هو قال لها ابعتي لي صوره لك بلبسه مش محترم وبعد كده كلام الناس بلبس مش حلو فالناس بصتله  بصه غريبه وبعد كده راحت بعد كده بلبس الكابتن بتاع المسرح قالت له البس ده حلوه ولاه ايه دنيا بس كله ده كلام الناس عليه وانا اصحابي معظمهم بيقولولي مترجعش بس في واحدبيقولي ارجع عشان شيفني بحبه بيقولي بيداك ممكن تغيرها بصراحه بفكر ارجع لها اساسها الفتره دي خدت جنب لوحديها ما بقتش تقعد مع حد بقت تقعد لوحديها خرجت من المسرح اخر مره كنت شايفاها لقيتها قاعده لوحديها يوم الاثنين انتم رايكم ايه وبعدين رجعن نتكلم بس المفروض كنت هقبله يوم الاحد بعد ماتفقنا وقالت ماشي لقته بتقولي انا مش فاضي معلش برغم انه فاضيه عشان هي جي امتحان وانا هخلاص امتحان وكنت هقعد معاه فكتبله تمام خلاص براحتك شفته ماردتش.

من سنة تقريبا حصلتلي مشكلة زي ما بيقولوا كانت صحوة مش هيفرق احكيها المهم تعرفوا انها صحتني حرفيا بعد سنين كتير معاناة و مشاكل جوايا و رجعت بعدها بشوف الحياة من نظرة احسن كتير حقيقي من نواحي كتير اتغيرت حرفيا تماما لشخص احسن كتير كنت قريبة جدا للنسخة اللي حابة اكون عليها فعلا من نواحي كتير اتغيرت كفكر و كعادات و لكن واحدة واحدة انا معرفش حصلي ايه خالص ولكن انا بقيت ببعد عن اللي وصلتله يمكن لسة ماشية حابة عليه سواء اني بطبق حبة من الافكار اللي نتجت عن تعلم او العادات اللي الافكار دي ساعدتني ابنيها و هنا بتكلم عن عادات روتينية اساسية بالنسبالي بس دا لان كنت متدمرة لدرجة مكنتش بتحرك اصلا و لكن مش عارفة ايه السبب بدات ارجع تاني زي الاول و هنا انا في دماغي كام افتراض لكن مش متاكدة ان بيقولوا ان العقل بيقاوم اي حاجة جديدة او كمان اني كنت بصراحة فعلا بحمل علي نفسي و شغفي وقتها حملني حاجات مش من طاقتي او يمكن اي سبب تاني معرفش

صاحبتي فسخت الخطوبه قبل الفرح بأسبوعين بقرار متهور ولكن علي العريس دي كانت الضربه الاخيرة اللي هيتحملها منها لأنها طول الوقت كانت بتضغط عليه وبتعامله بجفاف ووصف دا بعدين انها كسرت رجولته وقفلته تمام حتى من الزواج فالمطلق مش منها بس وهي اعتذرت وحاولت كتير وكل اللي حواليها حاولو يرجعوه لأنها اعترفت بغلطها وقالت انها مش هتقدر تعيش من غيره وقال مش هتقدر تصلح اللي عملته في قلبه وهي نفستها زفت ودخلت المستشفى كتير بهبوط سكر وارتفاع ضغط حاد ومش عارفه تفوق هل في نصيب يرجعلها ولا لما الرجاله بتقول كدا بتكون فعليا تقصد دا ؟

حاسة اني اتغيرت اوي عن زمان للاوحش في كل حاجة يعني سواء دراسيا او اخلاقيا او دينيا حتى و كل حاجة و علاقاتي و كل حاجة حقيقي و عايزة ارجع للبرايم يعني انا كان معروف عني دايما اني محترمة جدا و شاطرة وكويسة و مليش في الحوارات و ف نفس الوقت علاقاتي مع الكل حلوة و اي حد بيتعامل معايا بتعامل معاه كويس وومحدش في علاقاتي بيقدر يمسك عليا غلطة و بيتي و اهلي كانوا خط احمر لو بيني و بينهم مصانع الحداد محدش يعرف و مشاكلي نفس الوضع محدش يعرفها غيري ولا يحلها غيري انا دلوقتي بجد كل شوية اتغير لباسوء بقى و نفسي ارجع تاني و مش عارفة اعمل ايه ابطل اشتم و ارجع اقرب ل ربنا و ارجع اذاكر و ابعد عن اي حوارات و اهتم ب صحتي و كل ده و اكتر حاجة ان اخباقي و مبادئي ترجع زي الاول و مش عارفة اعمل ايه

جماعه انا اللي سبت الاكس وعايزه ارجعلوا بس هو كان موبايلو مسروق وماشي بموبايل اي كلام وعرفت بطريقتي انه غير موبايلو من شهر ٢ وكل الاكونتات اللي معايا قديمه ومبقتش معه ف حاولت اكلم حد من صحابو بس مش عاوزه اقول انه انا ف قولت انه بابا كان بيتعامل معه بس بردو محدش منهم راضي يديني اكونته اعمل ايه

كنت بستغرب لما الاقي بنات بتقول أن الاكس بيرجع بعد مدة كبيرة زي ٤-٥ كده ومكنتش ببقى مستوعبة ازاي بيفضلوا فاكرين بعضهم اصلا لحد النهارده ما دا حصل معايا ولقيته بيكلمني بعد ٤ سنين تقريبا ولسه مش فاهمه هو عايز ايه برضو! ومش قادره ابطل افكر أن اللي انا عايزاه ممكن يرجع بس هيكون الاوان فات

انت مش فاهم انتوا رجعتوا بس احنا مرجعناش انتوا رجعتوا حبايب يعني بقا فيه بحبك ووحشتيني واول صباح الخير ياحبيبتي واخر تصبحي على خير ياروحي وشكلك حلو اوي النهارده وخليني اشوفك عشان وحشتيني ومشاعر اكتر بكتير وغيرتك عليها وغيرتها عليك وحااجات كتير عمرك مهتفهم انا جوايا اي بس انا معاكي انتي وبنتكلم كتير بردوا مش فاهم احنا بس رجعنا اصحاب يعني ازيك وعامله اي وبس، بيبقا جوايا اقولك وحشتني ومبقدرش اقولها وحتى لما بقولها مش بلاقي عليها رد دا حتى الريأكت عندي بقا 👍🏻 او🤍 انما طبعاً عندها غير عارفه هيتقال انا تافهه وعقلي صغير بس انا قولتهالك قبل كدا هي دي انا ودي طريقة حبي اصلا انا عارفه ان كلامي مفيهوش فايدة ومش هيصلح حاجه انا بس عيزاك تعرف اني كنت متعشمه فيك اوي😭💔 شوفت الفرق بقا