رضا الله

Badry..❤️‍🩹🥀 البوست اللى مستنية أنزله من زمان، آخر بوست فى رحلتى، مجمعة فى حاجات محتفظة بيها فى نوت الفون، عارفة انك مش فاتح اصلا ف هحاول ألغى الفكرة اللى بتمناها و هى انك تبعتلى..❤️‍🩹🥀 (توثيق ليوم من ايام البعد لرضا ربنا).. 9.11.2025.. "هل نلتقي فالبعدُ مزّق خافقي هل نلتقي من بعدِ شوقٍ مُحرقِ صدقا توقفت الحياة وما لها في ليلِ هجرك أي فجرٍ مُشرقِ أذهبت نفسي حسرةً يا مُوجعي والقلبُ شتّ وتاهَ بين حرائقي بالله أقبل إنني من يومها في جُبِ حُزني غارقٌ لم أنطقِ❤‍🩹🌱 *مقولة كتبتها ليك بقلمي.. ((و شوقي اليك يؤلمني ف متي نلتقي و تطيب النفس يا بدري💔🌱)) اقتباس من روايتي المفضلة، كنت بدعي ربنا تبعته ليا فى فترة من الفترات اللى مكناش بنكلم فيها، قد اى كنت كل يوم بنام ونا بتمنى اصحى ألقيك باعته ليا..❤️‍🩹 أعلم أن نسمات الهواء تحمل لكي كلماتي وأن قلبي يكتم أهاتي وألامي طال البعاد ولكن الموعد آت لتكوني فيه حوريتي وحلالي أما لاولادي عربية الأجيالي فاصبري يا ملاكي ورابطي علي قلبك من الأهات حتي يجمع الله بين الشتات لنكون تحت رضا ربنا الرحمن المنان عندها سأخذك إلى مدينة احلامي بعد أن تكوني حلالي لأملء قلبك بكل أمالي وتكوني أما لأولادي فيا حوريتي أصبري وصابري فالموعد قريب كما وعدني ربي وهو علي جمعهم إذ يشاء قدير و أخيرا،و لعل من بعد بُعدٍ نلتقى يا بدرى..❤️‍🩹🥀

السلام عليكم و رحمة الله و بركاته.. بما ان بوست المذاكرة كان السبب ف تقييدى لمدة 6 أيام، بسبب ام الأب ده🙂 ف انا معتش هتكلم على المذاكرة تانى، و هى كده كده مشكلة جماعية، ف اللى عاوز يبدا هيبدا و الكلام ده مش ليا لأن للاسف عندى برود و تنحة وامتحانى بعد بكره و المادة كبيرة و لسه مذاكرتش😭 بس هتكلم معاكم عن حاجات تانية.. أولها ان امبارح كان فى محاولة لتظبيط النوم و للأسف فشلت لأن ده مش بالساهل بس تعرفوا ان الدافع ورا الخطوة دى هى ان الوقت بتاع بليل اتعودت ان كنت بعمل فى حاجة معينة، بس حاليا فكرة ان الروتين ده اتسحب او انا انسحبت منه بنفسي، فكرة صعبة فكرة ان قاعدة فى نفس المكان بس اللى ناقص ان مش هعمل الروتين ده تانى فكرة جايبة ليا خمول و مود اكتئاب مش عارفة اكسره غير ببعدى عن المذاكرة و هو ان اعمل أكل و اتفرج على فيديوهات علشان تخليني مشغلش عقلي ب حاجة تانية ممكن توجعنى، عارفة ان الكلام مش مفهوم بس ده الافضل يعني💔 حاجة تانية مهمة جدا و الله و ممكن تفيد.. لما تجيلك فرصة على طبق من دهب ربنا بعتهالك علشان تبعد عن حاجة معينة غلط او حرام، استغلها من غير ما تفكر ف اى حاجة غير دى تعتبر الفرصة الوحيدة علشان تبقى صح و تحاول تحسن من حياتك، هى صعبة و موجعة بس استحملها و صدقنى وقتها بيتولد شعور جواك انك مبسوط.. انا بعدت و نفذت فكرة الهروب من غير تفكير لما لقيت فرصة ربنا بعتهالى، من غير ما اقدم اسباب، عارفة ان ممكن تكون العواقب توجعنى اكتر بعدين، بس المهم ان من ترك شيئا لله عوضه الله خيرا منه، ده المهم و المريح، انك تحاول بس ترضى ربنا..

الحمدلله والشكر لله انا واحد بجد عمري مكنت طماع او ابص علي حاجة مش بتعتي بلعكس عندي حتت الفلوس دي عادية جدا لاني الحمدلله بعرف اجبها انا حرفيا مش بهمل حاجة تزعل ربنا مني غير في حاجة واحدة بس وانا شايف ان حلها الجواز بجد انا محتاج للجواز جدا ومتهيقلي لو اتجوزت هبق عايش حياة حلوة مع ربنا ومش هغلط تاني نفسي اتجوز عشان ابطل اعمل حاجة تزعلو مني بجد

عارفة إن البُعد عن طريق 'مش في النور' بمعنى أصح العلاقات المحرمة بيبقى تقيل على القلب، وإنك بتبقي حاسة إنك بتقطعي حتة منك.. بس صدقيني، مفيش حاجة بتطفي نور الوش وبتاخد من بركة اليوم زي العلاقات اللي بتبدأ وتستمر في الضلمة. الوجع اللي هتحسيه وإنتي بتبعدي عشان 'ترضي ربنا' أهون بكتير من الوجع اللي هتحسيه لما تكتشفي إنك كنتِ بتبني في الهوا، وتلاقي نفسك فجأة لوحدك في عز البرد والخِذلان. اللي بيحبك بجد هيخاف عليكي من 'نظرة' ربنا قبل ما يخاف على زعلك، وهيدق الباب في النور مش هيستنى فرصة يكلمك فيها من ورا الناس. سيبوا لله.. والي بيفوت حاجة عشان ربنا، ربنا بيمسح على قلبه ويبرد ناره، وبيرزقه بعوض 'حلال' يخليه ينسى هو كان بيبكي على إيه أصلاً."

إزاي بنقدر نجمع بين قوة التخلي عشان نرضي ربنا، وبين رقة القلب اللي بتخلينا لسه بندعي بالخير للي وجعونا؟ حد جرب العوض يحكيلي عنه؟ ازاى بتعدى البرد اللى بتحس به من شخص كنت شايفه أمان ليك، اااا🥀💔

اني افضل زي ما انا سنين ومغيرش اي حاجه ف الواقع بتاعي عايزه اخس وعايزه ابني حياه لنفسي جديده لاني معنديش حياه غير الشغل والبيت وعايزه اتخطي واتشافي من كل اللي عدي ف الماضي وعايزه ابطل صرف واكل بطريقه مرضيه وعايزه احقق احلامي اللي مرعوبه اموت قبل ما احققها وعايزه ربنا لو مت ف اي لحظه ميكنش غضبان عليا ويدخلني الجنه من غير ما يعذبني ولا انا ولا اهلي

مساء الخير 🌸 "ويل للعرب من شر قد اقترب، فتنا كقطع الليل المظلم، يصبح الرجل مؤمنا، ويمسي كافرا، يبيع قوم دينهم بعرض من الدنيا قليل، المتمسك يومئذ بدينه، كالقابض على الجمر" حقيقي كل ما بكبر وبقابل حاجات وناس كتير أوي بفهم قد ايه صعب ان الواحد يحافظ على أخلاقه وعلاقته بربنا في الزمن ده .. زمن كله فتن وشرور وتسهيل للحرام بكل أشكاله زمن بيتقال فيه للمحترم انه معقد يمكن كمان يسخروا منه ويتجنبوه .. فيفضل وحيد منبوذ وكأن الأية اتقلبت زمن بقى الصح فيه أقلية .. زمن قاسي والرزق الحلال صعب وشاق لأقصى حد بس يكفينا اننا بنجاهد ..حقيقي جهاد النفس بكل طرقه حاجة كبيرة أوي يكفينا ان كل ابتلاء وكل لحظة صعبة وكل احساس مؤلم في ميزان حسناتنا لعله شفيع لنا يوم الحساب 🤲 الدنيا فانية وكلنا رايحين وأتمنى بجد يكون ربنا راضي عني اللهم اقبضني إليك وأنت راض عني وأحسن خاتمتي وأعني على نفسي 🤍🤍

الحقيقي الانسان دا ضعيف لرغباته اوي و القوي بس هو اللي يقدر يسيطر علي دا أنا متجوز الحمد لله و عندي اطفال كمان و في نعمة و مع ذلك اوقات الشيطان بيدفعني اعمل حاجات غلط و لما بقدر و بقاوم دا بحس براحة و بركة كبيرة ف ايا كان وضعك حاول متضعفش لرغبة موقوتة و اسعي دايما ل رضا ربنا و دي نصيحة عن تجربة لاني عملت الغلط و الصح

بتمنى من ربنا يصلح حالي و يراضيني بقالي كتير اوي بدعي من ربنا انه يهديني و يصلح حالي و يساعدني اقرب ليه اكتر ، لكن دايماً ببعد تاني و اكتئب و بحس ان ربنا مش قابلني ، حتى في حياتي معظم اللي بطلبه من ربنا مش بيحصل ، و دي حاجة محسساني اكتر اني مقصر ، التفكير في كل حاجة بقى يتعبني ، ياترا ربنا مش حاببني او أنا هوصل للي بتمناه من ربنا ولا لا ، مبقتش عارف اعمل ايه