رياضة

جماعه محتاجه اي حاجه تزود الحرق ارجوكوا وزني ثابت مش بيقل وبيزيد بمعدل طبيعي بس انا عايزه اخس مهما عملت دايت ولعبت رياضه مش بنزل خالص على الميزان ولا ف الشكل لان حرقي ضعيف..لو حد عنده حل او حاجه اعملها بجد قولولي لاني تعبت

الواحد زهق بجد من الدنيا معدش في حاجه عندي سعف اعملها حتي اكتر حاجات كان بيبقي نفسي اعملها وابقي مبسوط وانا بعملها معدش عندي شغف اعملها بقا الحاجه الوحيده الي نفسي تحصل اني ارجع زي الأول أو اموت واستريح من كل دا من الصحاب الوحشين ومن الانسانه الوحيده الي بحبها وهي لا ومن فشلي في الدراسة ومن فشلي في الرياضه ومن فشلي في الحياه عموما بقيت بحس أن الموت هوا الحل الوحيد للراحه من كل حاجه

انا في تاني سنة تالته ثانوي معايا اربع مواد كنت ماجلاهم هشرح حالي فيهم ب اختصار وعايزة رد منطقي وحقيقي منكو . من غير بقا تعاطف و تحفيز انا عاوزة اعرف هل ب وضعي الحالي دا. وانا قدامي بالظبط ع امتحاناتي 35 يوم لما اشيل اسبوع قبل الامتحان يعني ... يعني اي اقصي نتيجة ممكن اوصلها ؟ واي مستحيل ولا مش ممكن بصراحه ف وضعك دا ا الحق اظبط اللي فايتني واخش الامتحانات انقص ف كل مادة من درجة ل درجتين بس مثلا ؟ الفيزيا 4 فصول كهربية و 4 فصول حديثه فايتني نص الفصل 2 و نص 3 . و4 كاملا وفايتني فصل 7 و 8 يعني مزاكرة اول فصل و 5 و 6 والنص الاول من الفصل التاني والتالت الكيميا حالها احسن ..مزاكرة 70ف الميه منها لكن ناسيه بس ومش حله كتير بدات مراجعه وراجعت الباب 4 و نص الباب 5 ناقص باقي الباب 5 والابواب 1 و 2 و3 واللي يعتبرو اخف شويا الاحياء مزاكرة كويس فصل 1 و 2 ... 3 نص نص 4 متراكم ... 5 كويس و 6 متراكم الرياضة البحته نسياها .. وفايتني زي اربع دروس مثلا محتاجين سماع شرح لكن الباقي عاوزة مراجعه كدا لكل فرع وهتبقا الدنيا تمام التطبيقية كلها ع بعضها 12 درس مزاكرة منهم زي 3 او 4 دروس بس مش شايلة همها بصراحه لانها هتكون اخر مادة همتحنها وقبلها فاضي 10 ايام بالظبط يعني حرفيا عندي الشجاعه اسيبها اخلصها ف 10 ايام لانها مش اصعب حاجه يعني عادي

حقيقي معنديش مشكله بس زهقان ملان قرفان مخنوق تعبان عايز انزل و اخرج اطلع من البيت عموما بقا نفسي ارجع اعمل رياضه تاني او على الاقل اجري زي زمان نفسي ارجع اصلح الماضي كنت معمي أو مبسوط بزياده فمشوفتش حاجة أنا جيبت أخري

مش عارفه اذاكر رياضة😭😭😭 معرفش ليه كتبت هنا بس ممكن يكون معانا دحيحة رياضة يشاركونا نصايحهم بفهم الشرح وكله تمام بس مبعرفش احل لوحدي ول استوعب المسئلة عايزة ايه بالظبط خصوصا الهندسه. انا اولى ثانوي كنت بحب الرياضة جدااااا بس السنه دي كرهتها موت

انا جسمي تخن عن الاول و الموضوع دا مسببلي اكتئاب و بقيت باكل اكتر او اوقات مكلش خالص شايفه نفسي وحشه و اللبس كله وحش عليا مع ان انا مش تخينه الي هو تخينه لا انا ٩٠ ك و انا اصلا طويله و تخينه من مناطق الانثويه و دا مخليني مس عارفه البس براحتي و مخنوقه و بكره شكل جسمي و كل ما اعمل دايت مبخسش نزلت الجيم بعد فتره من ان مبطله رياضه مبخسش بردو مش عارفه اعمل اييه و كل الي حواليا يقولو تخنتي. تخنتي و الموضوع مأثر ف نفسيتي جدا و تعليقاتهم بجد سخيفه

بكل بساطه انا مفتحتش كتاب من اول السنه وانا اصلا مأجل تلته ثانوي هخش تلت امتحانات بس فيزياء وكيمياء ورياضة وانا زي ما قولت مفتحتش كتاب وفاضل تلت شهور وعايز نصيحة في الوقت دا عشان متشلوحش

الفشل اكتر كلمه بتطاردني في حياتي.. انا فاشل تقريبا في كل حاجه عمري ما نجحت في اي حاجه الا دراستي و نجحت كدا بصعوبه.. طول عمري في أي حاجه واحد ضد واحد خسران مفيش مره حسيت فيها انني مميز او ناجح في حاجه سواء رياضه لعبه موهبه حياه عاطفيه حب صداقه دايما الفشل حليفي لحد ما كرهت نفسي و قاطعت الناس بسبب انهم بيتعاملوا مع فشلي باستهزاء و بطريقه فجه مبحبهاش حد عنده نفس المشكله و ياترا حلها ايه