اللي يقولك تخنتي قوليلوا اتنيل انت مش بتفهم في الكيرڤي

بصي اولا جسمك طخين ف اماكن الأنوثة دي ميزة ناس كتير بتحلم بيها ماشاء الله وغيرك ممكن يعيب فيها عشان مش عندو ثانيا متديش مساحة ل اي حد يعلق اصلا وال يقولك رد سخيف قوليلو رد أسخف عادي

هقولك على حاجة طول مانتي بالعقليه بتاعت الناس شايفاني ازاي عمرك ما هترتاحي. ليه متقوليش لنفسك انا عايزه اخس عشان صحتي ؟ ليه لازم انا عايزه اخس عشان شكلي قصاد الناس. الناس دي آراهم ارميها ورا ودانك لو مش هتطورك في حياتك. لو عايزه تخسي خسي عشان نفسك وصحتك بس

بصي هقولك على حاجه اهم حاجه تبيني انك واثقه في نفسك يعني حتى لو شكلك مش عاجبك Trust me لو بينتي انك واثقه من نفسك الناس هتشوفك قمر و حتى لو قررتي تخسي متقوليش لحد و اعملي ده بسكوت و غالبا انت ممكن تكوني بتاكلي بسبب نفسيه مش احسن حاجه او فراغ ف انت الاول لازم تعالجي السبب لو روحتي لدكتور تغذيه هيديكي دايت و خلاص و غالبا ده مش هينفع اوي لو انت معالجتيش السبب الأصلي

دا اكتئاب او فراغ كل ما الاكتئاب والزعل زاد كا ما هتزيدي في الاكل حاول تتكلمي مع حد قريب ليكي او حتي انزلي جيم وهتبقي كويسة اهم حاجة متسلميش نفسك للكتئاب

بصي انا معرفش طولك كام بس انا كنت زيك كنت كرهت جسمي و كنت شايفة اني تخينة لكن كذا حد قالي ان شكلي حلو و ان جسمي كده مظبوط و ان شكلي lady و صاحبتي قالتلي اني وسطي محتاج يتنحت شوية كمان و هكون perfect و اني لما اتجوز لو لبست فستان هيبقي شكلي تحفة فبجد حاولي تشوفي كده و حتي اللي كان مضايقك هتحبيه شوفي ايه الحلو و حبيه اكتر و اعرفي انه من غير الباقي مش هيكون شكلك مظبوط بس المهم نحاول نحافظ علي صحتنا و علي الاقل نتمشي و انت قمر في كل حالاتك

فاهمه احساسك وشعورك عامه كنت زيك وردودي البارده علي التعليقات السابقه والمستفزه مع الوقت خلتني عندي ثقه ف نفسي اكتر حتي وانا مليانه وكيرفي وشكل جسمي كان حلو مش الأوفر برضو بس الناس مش بتسيب حد ف حاله بالنسبه للهدوم بقا ..تابعي ناس بتنسق هدوم حلو وجربي علي شكل جسمك وشويه شويه هتعرفي ايه اللي بيكون عليكي حلو وايه اللي مش بيليق علي شكل جسمك وهتعرفي تختاري اللي يمشي مع زوقك وشكل لبسك اهم حاجه تفكك من الناس خالص وقابلية كلامهم ببرود حتي لو هو جعي اخر اليوم تعيطي لوحدك شويه شويه هتلاقي نفسك احسن ومش بتتاثري بكلامهم كمان حاجه مهمه لو هقولك تاخدي بالك من وزنك ف ده علشان حاجه واحده بس علشان صحتك مش اكتر محدش هيعوضك صحتك صدقيني واللي بيقع مش ليلاقي حد يسنده غير نفسه واهلك ده غ حاله أنهم كويسين وبيقدروا بجد غير كده مفيش ملحوظه: انا مريت بكل العك ده ف بنصحك علشان متمشيش كل الطريق ده زيي

بصي يا عيوني البنت حلوة في كل حالاتها انت بس عايزة شويه عزيمه في نفسك يعني مثلا ابسط حاجه تقوليها لنفسك انا حلوة بس لما اخس شويه هبقي احلي وعززي من نفسك ومره علي مره هتخسي