سخرية

عايزه اعرف للناس دايما عندها مشكله مع شغل الست او انها تقول مثلا عايزه احقق ذاتي عايزة احقق ذاتي عايزة أنجز رغم ان ده كلام كويس ليه بناخده بسخريه او مثلا يقول لك لما الست تمسك فلوس في ايديها البيت يبوظ وان كده غلط رغم ان انا حاسه ان دي حاجه كويسة لان البيت مش بيقف بان الست الست مش معاها فلوس فمعتمدة على جوزها ليه حتى دينيا لازم مش ست تشتغل لما تكون محتاجه بس

مثير للسخرية تخلي شخص ما يشوف الامل والشغف بينما انتا ما تلقاه تماماً اليوم خطيبتي فتحت درج صياغه الفضه وصنعتلي حلقه منها ، وعموماً هذه الحرف اليدوية تقليد في ديانتهم ، ماذا لو درت اني ادخن؟

ممكن اسال الناس الي ليه دايما الحياه بتبقي معانده معانا كدة لية دايما بتقف قدامنا وفي حلمنا لية دايما بتستخسر فينا كل حاجه حلوة انا مش بقول كدة عشان مش راضي بحياتي لا هوه عشان اخلص البوست بس 😂

هو بالنسبة لأن انا شخص بيلعب رياضات قتالية عنيفة وفيها خطورة، هل أنا غلطان اني بعمل كدة، وحاليا وانا بكتب البوست دة، انا جاى من التدريب أجزاء من جسمي فيها ألم بسبب إن تدريب النهاردة كان عبارة عن أننا بنتضرب بس عشان نتعود. قبل ما تقولوا غلطان ولا لا انا نفسي فالموضوع دة من زمان لان كنت بخاف احمي نفسي وحاليا ما بقتش خايف وانا ماشى، وأنا شخصيا حابب الموضوع. وكمان عشان اكون ماشي مع حد من اهلي اكون قادر احميهم ويكونوا متطمنين وهما معايا، وزوجتى مستقبلاَ. وكمان حابب انى افتح مدرسة مستقبلاً عشان أنشر الموضوع دة، وادرب عيالي مستقبلاً من سن صغير عشان السخــرية او التنــمر. فانت اى رايك حابب اسمعه، ودى كانت وجهة نظرى الشخصية فياريت تقولي رايك يا بطل❤️

من اكتر الحاجات الي بضحكني ع الآب هنا هي ان الآب معمول على انه شوية فواكه،ة وخضرو،ات عشان نفضل مجهولين ومحدش يعرف التاني وقال يعني حفاظا ع اسرار الي موجودين هنا عشان كل واحد ياخد راحته في الكلام بس مع ذلك ناس كتير هنا اتعرفوا ع بعض وعرفوا بعض لا وكمان ينادوا بعض كأنهم تايهين انت فين يافلان علان راح فين الشات بتاعنا اتعملوا بان والخصوصية هنا بقت في ذ،مة الله وحاجة ضحك والله بجد يامصر بتعمليها ازااي؟

ازاي يكون عندي ثقه بنفسي؟ انا مش ببين للناس اني معنديش ثقة بنفسي لما حد يمدح حاجه بعملها بحسها مجامله ومش بحس اني موهوبه مع ان كل الناس بتقولي بحس بالعكس بزعل عشان كأني بيجبرو بخاطري وخلاص ولما حد بينتقدني بتعقد يعني ف مره كنت لابسة طرحه بطريقة معينه وصاحبتي قالتلي متزعليش مني بس شكلك تيته اوي وضحكت ودايمًا صحابي بيتريقو على طولي لأني اقصر منهم + لما حد بيطلب نصيحتي بتكلم بكل عقل وعارفة كل حاجه الحمدلله بس بستغرب من نفسي وانا بقول كلام انا مش قادرة اعمله وصعب عليا

من اربع او خمس سنين كنت لسه فى ثانوى وكنت راجع من درس وماشى فى الشارع بكلم نفسي وبرد بصوت الى حد ما كان عالى فا لقيت كذا شخص خايف منى وبيبعد وال بيغير طريق فاكرنى مجنون 😂😂 من ساعتها بقيت اركز انا ماشى ازاى وبكلم نفسي ولا لا 😂 واه صح اشتريت ايربودز بحيث يبقوا فاكرنى بتكلم مع حد 😂😂😂😂

لي انا منبوذ من المجتمع هو أنا وحش ☹️ مش عارف افضفض ولا حتى هنا مش عارف لي خايف افضفض تقريبا لحد يتريق عليا انا مش عارف انا مش منبوذ من المجتمع اللي في الشارع أو المدرسة بس لا من مجتمع الاهل حتى

كل الي كان نفسي فيه حد يحبني زي ما بحبه عمري ما لقيت حد حبني زي ما بحبه حتي البنت الي حبيتها اكتر من نفسي بتكرهني ومش عارف السبب حتي اهلي الي المفروض يكونوا الأمان ليا بيكرهوني وبيتريقوا عليا لأن مفيش عندي أصحاب أو حد يحبني انا بجد تعبت من الشعور دا

انا بكره يوم عيد ميلادي بشكل غير طبيعي بعيد اني لما كنت طفل عمري ما اتعملي عيد ميلاد ابدا أو حتي حد جابلي هديه كان دائما اهلي بيعملوا لأخواتي حفله ويجيبوا بقيت العيله عشان عيد ميلاد اخواتي وبيجيلهم هدايا كتير جدا ولكن اهلي مكانوش بيوافقوا يعملولي عيد ميلاد ابدا في في مره وافقوا كنت فرحان جدا وعزمت اصحابي 3 أشخاص تقريبا ووصلي خبر أن في اصدقاء تانيين ليا هيجوا تقريبا كمان 8 أشخاص فرحت جدا وروحت جهزت كل حاجه مع اني كنت كبير بس كنت فرحان كأني طفل صغير وروحت جبت تورته كبيره عشان تكفي ال11 شخص الي هيجوا كلهم وجبت مشروبات وجهزت كل حاجه وكنت مستني بفارغ الصبر وقزلت لأهلي أن كل صحابي جايين فجأه لقيت واحد ورا التاني بيتصل عليا وبيعتذروا انهم مش هيعرفوا يجوا انا من الصدمه قولت ممكن يكونوا بيضحكوا عليا وهيعملوا مفاجأة وهيجوا واستنيت ساعه ونص كدا بس للأسف اقتنعت أن مفيش حد جاي بعد ما جهزت كل حاجه التورته الكبيره الي كنت جايبها من مصروف حوالي شهر او من الفرحه الي كنت فيها ولما اهلي عرفوا بدل ما يطمنوني يتريقوا عليا ويقوليلي أن مفيش حد بيحبك عشان كدا محدش جه ليك ومفيش حد بيحبك منهم قلبي يومها اتكسر وقررت اني معملش عيد ميلاد تاني في حياتي

لما اللى كانت صديقتى المقربة كانت عارفه انى انا وبابا بنتعالج نفسية وبعدين كنت بحكى عن حاجه وعرفت ان اختى كمان طلع عندها اضطراب قلق ف قالتلى دا انتو عيله عاوزين العباسية من وقتها متعاملتش معاها تانى بس بجد الموضوع دا وجعنى جدا

حصلي موقف من كام يوم لازم أشاركه بجد مش عارف اتخطاه كنت بحب بنت عملت معاها كل حاجة وحاولت اتقدملها واخد خطوة مع ان ده عكس طبيعتي الجبانة البنت كانت محترمة بصراحة ورفضت اني اتقدم بس كنت حاسس ان عادي مش مشكلة لحد ما كنا في خطوبة واحد زميلنا لقيتها واقفة هيا وصاحبتها بيبصولي ويضحكوا من تحت لتحت في الاغلب بيتريقوا عليا بجد دي من اكتر المواقف الصعبة الي عدت عليا مش عارف اتخطاها لحد دلوقتي

أنا إنسان فاشل نوعا ما هناك أشخاص أعتبرهم أصدقائي يؤذونني نفسيا بحيث أنهم يتظاهرون أنهم ينصحونني لكنهم في الحقيقة يدسّون السخرية في النصيحة و يتعمدون تذكيري بفشلي و ينظرون إلي نظرة استهزاء و يتظاهرون بصداقتهم لي ،بسبب هذا لا أستطيع أن أنام بل أفكر فقط فيهم لا أستطيع التوقف عن التفكير في معاملتهم لي والله لا أستطيع النوم بسبب ذلك ،يا ليت أحدكم يدلني على خلاص من هذا الأمر .والسلام عليكم