منذ ساعةيشعر بـ مكسور القلب
ازاي يكون عندي ثقه بنفسي؟ انا مش ببين للناس اني معنديش ثقة بنفسي لما حد يمدح حاجه بعملها بحسها مجامله ومش بحس اني موهوبه مع ان كل الناس بتقولي بحس بالعكس بزعل عشان كأني بيجبرو بخاطري وخلاص ولما حد بينتقدني بتعقد يعني ف مره كنت لابسة طرحه بطريقة معينه وصاحبتي قالتلي متزعليش مني بس شكلك تيته اوي وضحكت ودايمًا صحابي بيتريقو على طولي لأني اقصر منهم + لما حد بيطلب نصيحتي بتكلم بكل عقل وعارفة كل حاجه الحمدلله بس بستغرب من نفسي وانا بقول كلام انا مش قادرة اعمله وصعب عليا
عشان انتي مش عارفه نفسك كويس ف مش بتحبيها بجد بالتالي بتتأثري وحبك ل نفسك مش هيجي من نصيحه ولا من يوم وليلة دا نتيجة افعالك اللي بتتراكم وبثبتي للبنت دي اللي هي انتي انك بتحبيها شوفي لفات طرح احلا ع وشك، اهتمي بشكلك، نضافتك، عشان تبقي واثقه خليكي مع الناس اللي بتحبك اي حد يضايقك او تحسيه بيقلل منك خرجي برا حياتك، حتي لو مش هيبقا عندك صحاب خالص دلوقتي اهتمي بنفسك وركزي ع نفسك انتي وبس شوفي بتحبي اي، نفسك ف اي، لاحظي التفاصيل الجميلة فيكي والصفات الحلوة، وابدإي جربي حجات جديدة عشان تكتشفي مواهبك وبالتالي يظهرلك انك مميزة.. وعادي لو ملقتيش نفسك مميزة ف حاجه حاليا اتعلمي حجات واتميزي فيها. حبك ل نفسك زي طفل صغير بتديه كل يوم جرعة حب واهتمام، ساعتها هيثق ف نفسو ممكن ياخد معاكي شهور او حتي سنين بس هو بيبان عليكي.. بيبان عليكي جدا التغيير والفرق.
حبي روحك نفسك كل شغلة صغيرة فيك اي شيي نفسك حبيها قولي انا مللللاكة انا احسسسن وهوما غيرانييين مني