سوشيال ميديا

انا شاب كنت بشتغل بليل بعدين غيرت المجال فبقيت بشتغل الصبح وصحابي كلهم بدون استثناء بيشتغلوا بليل فعشان اقعد معاهم ممكن ع ٣ الفجر مثلا وكنا بنعمل كدا يومين او تلاتة ف الاسبوع بس حاليا لما الحظر دا اشتغل طبعا مفيش كافيهات بعد ١٠ بليل و مبقتش بقعد خالص مع حد باجي من الشغل انام ساعة اصحي افضل ماسك التيك توك والانستا طول اليوم وحاسس بملل رهيب محتاج افكار بتعدوا يومكوا ازاي

عندى سؤال قد يكون غريب وممكن يتقال كرينج والشغل ده وبراحتكم عادى ولكن بجد ايه احساس انك تتحب بعيدا عن وهم السوشيال ميديا وفيديوهات الكابلز ال تحرق الدم 😅😂😂 ايه احساس انك تتحب من محيطك اهلك اصحابك اخواتك او حتى الحب *الحلال* وهل هو شئ فعلا مميز ويستحق نتعب عشانه ولا الامر عادى 🙂

في حد هنا فوق 40 سنة؟ انا 35 ؟ معظم الناس اعمارهم كام؟ اعتقد غالبا هيكونوا من اللي بيستخدموا سوشيال ميديا كتير؟؟ انا بدرس حاليا دبلومة ارشاد نفسي واسري والحقيقة استفدت كتير وممكن احيانا افيد غيري

جماعة ازاي يكون عندي سرعة بديهة أو مثلا إن لو حد سألني سؤال يحضر في بالي الإجابة البديهية مثلا مثلا الطبيعي إن لو الطماطم أحمر انا لو حد سألني السؤال ده مش بييجي في بالي الأحمر بييجي في بالي إن ممكن قصده الطماطم اللي مش مستوية اللي لونها اخضر مثلا وهكذا ( طبعا موصلتش للمرحلة دي من الغباء بس ده مثال للمشكلة و بتعرضلها اكتر في الكلية لما بتسأل خصوصا في الشفوي مش بييجي في بالي الإجابة البديهية اللي ممكن تكون سهلة جدا و لما افنن في الإجابة و تطلع غلط ف اقول الإجابة البديهية على هيئة سؤال اللي هو ( كذا؟) ف يقولي اه صح ف اكتشف إنه طب ما اه ده الطبيعي اللي اي عيل صغير هيجيبها انا مش عارفة دي صفة مكتسبة ولا بتولد بيها بس انا عايزة اخلقها فيا وسؤال تاني عايزة اختفي تماما من السوشيال ميديا و ممسكش الموبايل بس كليتي تحتم عليا اكون متابعة علطول ف احلها ازاي لو مثلا نقلت الاكونت على التاب ساعات بيبعتوا حاجات واحنا في المحاضرة عشان نتابعوا منها يعني ف انا مش دايما باخد معايا التاب ف اعمل اي بقى

حاسة اني عايزة اتعرف ع ناس سوشيال بدل صحابي الواقعيين الي واخدين وضعية بط بلدي عارفة ان الاب دا للمشاكل بس حاسة نفرفش شوية كلنا هنموت يجماعة الحياة قصيرة مش بقول كدا عشان معنديش مشاكل لا انا براكم🙂 (تقريبا انا اتجننت) دي حاجة الحاجة التانية الي عايزة اقولها انا ساعات بحب اعمل الحاجة وعكسها ساعات بكون عايزة اتعرف واتكلم كتير واخرج واهزر وابقي اجتماعية وساعات بنطوي للعزلة ومش عايزة ولا قادرة اتكلم مع حد ومقفولة من كل الناس دا يبقي اسمه ايه ياخواتي؟ حد كل فسيخ النهاردة ولون بيض؟ لو حد عنده اي activity مسلية يقولي اعملها

ايه حل مشكلة التسويف علشان انا حياتي واقفة حرفيا بسس الموضوع ده يعني بدفع فلوس كورس و مكملهوش بزهق بسرعة من كل حاجه و برجع سكرول علي الموبايل يومي كله سكرول و مش بعمل حاجه مفيده و لما بحاول ب التزم يومين او ٣ ايام ب الكتير و ارجع تاني للسوشيال تيك توك و انستا حاسس عمري بيضيع مني ازاي اجبر نفسي اقلل التسويف دا لو في حد مر بنفس التجربة ينصحني

بتتصرفوا ازاى لما بتلاقوا انكم مش قادرين تنجزوا اى حاجه ف حياتكم ومقضيين اليوم كله سكرولينج ع السوشيال الموضوع عاملى ازمة نفسية ومش عارف اكمل حياتى انصحونى يخواتى اطلع من الزون دى ازاى بوست بطيخة 😂

كان عندي اصحاب بنات ع السوشيال ميديا وبحبهم جداا بس اهلي مكنوش هيتقبلوا الفكره فمعرفتهمش المشكله ان من قريب بدأوا يشكوا فيا وكل شويه يفتشوا الموبايل وبقيت حاسه اني متراقبه مع اني مش بعمل حاجة غلط تفتكروا اتصرف ازاي؟

الناس بقت بجحـ/ـه اوي اليومين دول ومش دول بس من بدري وهم كدا ، تنزل بوست على فيسبـ/وك تسأل فيه سؤال عادي عشان مستني اجابه ، ولمجرد ان السؤال دا اتسأل كزا مره بس انت مشوفتوش عشان مش بتفتح الفيـ/ـس مثلا كتير او تقريبا مش بتفتحه خالص عشان الامتحانات او ايا كان ، تلاقي واحد يقولك انتوا مبتفهموش يا جدعان ، يعني تخيل واحد زي ده عامل مجهول هويه وبيتكلم ورا الشاشه هيقدر يقول كدا قدامي وجها لوجه ، الفكره ان كل واحد قاعد ورا تلفونه مستخبي وبيطلع اسوأ ما فيه ، زمان الكلام بين الناس كان بحدود حتى لو عالنت وكان معمول عشان يربط الناس ببعض انما دولقتي معمول عشان كل واحد يستخبى ويطلع قله الادب وقله الاحترام اللي جواه واللي تقريبا اتربى عليها ، زي ما البلوجرز بقت حياتهم مكشوفه ومتشافه ، زي ما اصحاب التعليقات في كل تعليق بيظهروا طبيعتهم والبيئه اللي جايين منها

بقيت حاسه بالبلاهة اوي و حاسه ان اهتماماتي اتغيرت و بقيت انجرف للتفاهات اكتر و انشغل بتفاصيل ملهاش لازمه ازاي اطلع نفسي من الوضع ده و ابدأ ارجع اعتمد على نفسي و أستخدم دماغي. وهل ممكن ده يكون ليه علاقة باستخدام السوشيال ميديا حوالي ٤ او ٥ ساعات فاليوم؟

حابه افضفض بحاجة هنا وحد يدينى حل او يهون عليا فى اللى انا فى كنت بكلم واحد من على السوشيال ميديا وحبيته واتعلقت بى كنت اعرفه من 3 سنين كل فترة كنا بنتكلم وحد فينا يسيب التانى بس هو كان بيسيب اكتر اكتشفت ان انا اضحك عليا فعلاً وكان كله كلام وكدب انا عارفه دلوقتي انه خلاص وهو مش بيحبنى بعد خناقات ومشاكل كده كتير و حوارات وقالى انه بيحب حبى لى وانه لسه بيحب حبيبته القديمة وبتاع بنات وانه مينفعنيش وكده المهم انا دلوقتي مش قادرة انساه وكل فترة بفتكرو وبعيط وبزعل اوى انا عارفه انه شخص مؤذى وميستاهلش حبى ولا دمعتى بس انا بجد مش قادرة اتخطاه بقالى شهر ونص يعتبر سايبين بعض بعد ما قولتله ان متقدملى عريس وقالى ربنا يسعدك وقالى ان حبيبته القديمة ماتت وبيروح لدكتور نفسى انا طبعاً مش مصدقه اوى الكلام ده بس استوعبت أخيراً ان كل ده كان بيلعب بيا وبمشاعرى يعنى وشوية كلام ووعود كله كان كدب انا دلوقتي مش قادرة امسك نفسى بجد تعبانه جدا من جوايا وكل لما اقول انى فوقت خلاص وان انا تمام برجع تانى احنله وافتكر ذكريات معاه ومواقف وكلام كان فى ايام حلوة والحقيقة هو وحشنى جدا وخايفه اروح ابعتله بس ده مستحيل مينفعش يحصل اصلا لانى خسرت كرامتى اكتر من مرة معاه تعبت ومبقتش عارفه اعمل ايه محدش يقولى اتلهى فى حاجة او اشغلى وقتك لانى شغلت وقتى كتير اوى وحالياً انا بفتكرو وانا بذاكر وعندى امتحان ومنهاره ونفسى اسمع صوته او اشوفه لانه عامل بلوك من كله معادا الفيس بس الصورة مش واضحه خايفه أضعف زى كل مرة لما يبعتلى وارجع تانى فى نفس القرف انا عاوزه بس مينفعش مش عارفه حد هيفهمنى ولا ايه بس فى صراع بين قلبى وعقلى بس كل اللى اعرفه دلوقتي ان اضحك عليا وانا حبيت واتعلقت وكنت فى وهم وبحاول انساه واركز مع نفسى مش قادرة مش شايفه غيره فى احلى منه واحسن منه واشطر بس هو بس اللى فى دماغى

مش عارفه اذا كنت انا لوحدي كدا بس انا بموت في حاجه اسمها fake account على اي موقع لازم يكون عندي اكونت اساسي واكونت fake بحس ان دا ال safe space ايلي بجد بعرف اعمل عليه ريبوستات وفيديوهات بتعبر عني من غير مخاف ان حد اعرفو يشوف الريبوستات بحس اني هناك ببقا حره

مهما قولنا انو الجمال جمال الروح راح يظل الجمال الجسدي هوا المعيار لتنصنيف وتعامل الناس لك البشر الله سبحانه وتعالى فطريا خلاهم يحبو الجمال الناس تحب تتزوج ترتبط تتعرف تصادق ناس جميلة تحس ان الجملين عندهم الحق في كلشي والناس تحاول تتقرب منهم وتكسبهم بس الي معندنم نفس مستوى الجمال مكتوب عليهم يعانو والناس لا اراديا راح تحس بشعور الفوقية اتجاههم والشفقة خصوصا في وجود السوشل مديا والفلاتر والتجميل والمكياج والسكن كير كل شيى سهل ليش الانسان راح يرضى بالقليل ان تكوني بائسة وجميلة افضل من تكوني بشعة وحزينة وبائسة حتى الحزن تحسه حرام على الجملين

مساء الخير أنا في بنت اتعرفت عليها من فتره علي السوشيال ميديا وطبعا العلاقه اتطورت وبقي في وعود بينا بالجواز وكدا .المهم أن البنت دي كلامها وحش جدا هيا من نوع الناس الي بتحدف كلام مش عارفه بتقول اي وانا بزعل جدا والكلام دا بيأثر عليا جربت ابعد عنها لقيتها بتعيط ومش عايزاني امشي وفي تناقض كبير في شخصيتها خصوصا أنها حد منعزل ومش بتعرف تتعامل مع الناس أنا دلوقت محتاج نصيحه بجد اكمل ولا امشي علشان مش قادر اخد القرار دا لوحدي محتاج دعم كل وكل اخت هنا يقدملي نصيحه وشكرا ليكم

هاى انا احمد من الشرقية مدينة الحسينية ٢٩ سنة بكالوريوس تربية فنون محدش يعرف طريقة الواحد يرتبط بيها يعنى اعمل ايه اروح كافيهات فيها بنات مثلا ولا اعمل ايميل على موقع او تطبيق معين كمان نفسي ارتبط فى الحقيقة بقيت بتخنق من حب السوشيال ميديا لانه بيروح بسرعة والبلوكات على ودنه .نفسي ارتبط واخطب ضروري

انا انسان غريب انا داخل البرنامج ده واى برنامج سوشيال علشان اهرب من ربنا انا مش بصلى ليا فترة ولا بقرا فى الكتاب المقدس ومن اول ما نزلت البرنامج ده احيانا بكدب علشان محتاج تفاعلات علشان احس نفسى انى مهم وانا فى الاساس ( الواقع ) مهم الحمد لله بس مش بحب الواقع اللى انا فيه وبحب حياة الموبايل انا عارف ان ده غلط ومش بحياة السوشيال هبقى كويس ولكن بعمل زى السجائر لما بتتشرب ده علشان الفرحة المؤقته انا حياتى كده فى السوشيال انا اتمنى من ربنا أنه ياخدنى أو يلمنى أنى اقعد معاه بس زى زمان. انا نفسى ابكى ونفسى ابقى كويس انا عارف ان الموبايل بالنسبة إلى وحش ولكن بستعمله علشان بهرب من وجه الله ( من الصلاة والكلام له ) انا مش هقدر ارد علشان معمول بأن بكرة هرد أن شاء الله

احساس ان الواحد مش كفاية دى احساس وحش اوى والفكرة انى عارف سببه بسبب السوشيال ميديا الى خلت الواحد دايما حاسس انه فى سباق وانه مهما حقق حاجة فدى مش كفاية وللاسف الواحد مش عارف يستغل دا بشكل مفيد كنوع من انواع المنافسة لا بالعكس بقا مصدر احباط مخلى الواحد مش عاوز يعمل حاجة

إيه أكتر حاجة حاسين إنها مأثرة على نفسيتكم أو تركيزكم الفترة دي؟ السوشيال ميديا؟ ،الضغط والتوتر؟ ، الاعتماد على الـ AI؟ ولا في حاجة تانية؟ كمان لو تقدروا تقولوا إيه المشاكل اللي بتواجهكم بسبب ده؟ (قلة تركيز – أرق – قلق – تضييع وقت -حاجه تانيه) بكتب انفجراف توعوي عن تأثير المشاكل دي علي المخ وحابه اسمع تجاربكم بليز❤️🙏

الواحد دخل الجيش حس ان في عالم تاني برا كنا متعلقين بالسوشايل مبقاش ليها لازمه حجات كير اتعلمتها الدنيا مش زي ما احتا فاكرين خالص عاوز اخلص الكليه وانا في الجيش عاوز اطلع من الجيش اقف علي رجلي و لسا هبدأ من الصفر

انا عايز ابكى لانى بعمل فى نفسى كده انا انسان كنت زمان حلو خالص كنت بصلى كنت بصوم من قلبى كنت حكيم كنت راجل كان ربنا مدينى نعمة فى كل حاجة كان الكلام ده مش من بعيد ممكن من ٥ سنين. دلوقتى انا انسان مش احلى حاجه وحاسس بتعب من نفسى انا عايز ابكى لانى مش لاقى نفسى وبدور على نفسى فى السوشيال ومش لاقيها برضو .السوشيال ده حاجة موقته زى السجائر فرحه مؤقته . انا عايز اترمى فى حضن حد واقعد ابكى. انا حاليا وحيد بدون أسرة . الحمد لله على كل حال ارجوكم الدعاء ليا ربنا ياخدنى ويريحنى

مشكلة الحب والعلاقات ولا تزال تلك المشكلة حتي النهاية ولكنها تطورت معي ظهور معضلة السوشيال ميديا فااصبح من السهل التعرف والارتباط او مايسمي (العلاقات الالكترونية) حب مزيف كل شخص يحاول اظهار الجانب الافضل به ليجذب الاخر وعندما يتم الجواز وهذا بنسبة 5 في المئة من العلاقات التي تتم او اقل فغالبا ما تنتهي العلاق. ببلوك او Blacklist وان تمت فتحدث هنا العقدة الشخص الذي كنت تراسله ليس هو الذي تعيش معه وتبدا تكتشف اشياء اخري كنت لاترها خلف الهاتف فتبدأ الصدمات. نصيحتي الواقع اجمل واضمن من المواقع والسلام ختام. منتظر رأيكم

اتعرفت ع واحد سوشيال كان لطيف جدا وكنت مبهوره ان بتكلم معاه ليل نهار ودماغه متناسبه مع دماغي واسلوبه لطيف حكالي عن كل حاجه تخصه في حياته كل حاجة حرفيا احنا للاسف علاقتنا تجاوزت الحدود حبه بالذات لما اتقابلنا اخد فتره بيقولي ضغط شغل ومش عارف يكلمني وبقيت انا اللي ارن وانا اللي ببعت هو بيرد بصراحه بس بقيت حاسه انا اللي بقيت ببذل مجهود انا كنت خلاص تأقلمت ان الشخص دا هو اللي هعيش معاه باقي حياتي لحد للاسف من يومين قولت بما انها اجازه العيد يبقا اهو هيكلمني انا اللي كنت ببعت لا وبالعكس هو كان بيرد بعد ساعات ويقول اصل معاهم لحد ما استنيت يمكن يخلص معاهم راح نام ملقتش نفسي غير ان بكتب رساله عريضه وبعمل بلوك رده فعله بهرتني انا شخصيا مرنش كل مره كان لما يحصل خناقه يرن ويراضيني المره دي معملش اي حاجة لحد ما ايقنت ان طلعت ولا حاجه غصب عني من قهرتي بعتله ماسدج تاني بعاتبه ان ميستاهلش اي حاجه عملتها معاه وان غيرت مبادئي عشانه كنت بردو قراها ومردش انا حاسه هيجرالي حاجه الي هو طب ليه انا معملتش حاجه وحشه وف نفس الوقت بقول يمكن زهق من كل شويه يبررلك مش عارفه انا متلخبطه اوي ومخي تعبني اوي

مخنوق وزهقان من وحده والفراغ وعدم فهمك لنفسك واللي حواليك وانا شخص موذي لكل شخص داخل حياتي وعلي طول قاعد علي موبايل وسوشيال ميديا تعبت اوي مش عارف اعمل ايه

انا حاسه اني معنديش شغف لمذاكره الكليه وفنفس الوقت ببقي محتاسه اوي لما بلم الدنيا فليالي الامتحان وسعات بطلع بماده او مادتين سمر رغم انوا مكنش مستوايا فالعادي وبقي وقتي كلوا بقلب عالسوشيل ميديا ومش عارفه اطلع من الدوامه دي