مساء الخير مش عارف ابدأ منين بس هحاول اختصر انا شاب في العشرينات معندوش حاجة يخسرها لانه فعلا خسر كل حاجة بالمعنى الحرفي لكل حاجة والحمدلله المهم انا بيتقال عليا فاشل وعديم مسؤولية وشخصية هشة وما إلى ذلك لمجرد مثلا اني مبلتزمش بالجيم او بقول على خروجة اني جاي ومجيش وكلام اهبل زي ده صحابي اللي بيقولوا كده وانا بعديها عادي ، المهم جينا من يومين انا كان عندي فكرة بيزنيس من فترة ف قولتها لحد يعتبر اعز صحابي قال لا في الاول قولتله تمام خلاص بعدها قالي تمام انا معاك قولتله ماشي هنجيب صاحبنا التالت عشان التكاليف تبقى اقل ولو فيه خسارة تبقى على تلاتة وكلمنا الراجل فعلا وبعدها بفترة قالي بلاش وخلينا اتنين بس قولتله تمام جينا كلمنا صاحب لينا يعملنا السايت بتاع المشروع ومشينا واتفقنا على كل حاجة وانا مظبط نفسي على كل حاجة الراجل عمل جروب واتس ودخلنا فيه وكان بدأ في الكودينج وهو وراه مشاغل وشغل بس حاول معانا عشان الصحوبية والعشرة وبعدها طلب مننا اننا نتقابل عشان ياخد اسماء المنتجات لقيت صاحبي بيقوله لا استنى شوية انا ورايا كذا وكذا وممكن اروح مش عارف فين ف انا شوفت الكلام وكلمته قالي بصراحة يسطا انا متوقعتش انك هتكمل في الحوار ده قولتله يعني ايه قالي معرفش انا قولت انك مش هتكمل زي مابتعمل في كل حاجة قولتله يعني انت قايس شيلي للمسؤولية بخروجه مجتش فيها او معاد لعب ملتزمتش بيه قالي مش القصد وفضل يتكلم شوية وكان معانا في الكول شوية من صحابنا ف واحد دخل منهم وقالي ايه المشروع وبتاع وبعدين قالي فكرة فاشلة ومش عارف ايه وقلبها عليا وانا مبردش عشان مش عاوز اخسر حد فيهم في الاخر انا دخت وكنت شبه هيغمى عليت مش عارف ايه اللي حصل وسبت "اللعب" وقمت بعدها بشوية رجعت تاني لقيت اعز صحابي ده بيقول عليا اكتر شخصية هشة عرفها في حياته واكتر شخصية مبتعرفش تشيل مسؤولية عشان سبت اللعبة وقمت وهو حرفيا معترفش انه غلطان ولا ان هو اللي مشالش المسؤولية يعني هو مرضاش يدخل معانا تالت مع ان ده لو كان حصل كان لو هت خلع زي ماعمل كنا هنبقى اتنين وكمان صاحبنا اللي بدأ في المشروع كودينج وفضلنا على نفسه برده محطوش في الاعتبار وانا اللي قولتله وقالي لا وبعدها قالي ماشي وظبطنا الدنيا على اتنين ولا اي حاجة وفي الاخر انا اللي شخصية هشة ومش قادر اشيل مسؤولية وكان تبريره انه مكانش متوقع اني هكمل في الحوار ده يعني عذر أقبح من ذنب ورمى جملة وسط الكلام واحنا مع صحابنا انه لما يسافر ويمسك فلوس هيعمل المشروع ده لانه حلو مع اني صاحب الفكرة وصاحب الاسم وصاحب العلامة كلها ومردتش عشان فعلا كنت هخسره فيها وعملت مش واخد بالي وبعد ده كله انا اللي مش مسؤول وانا اللي مش راجل وشخصيتي شخصية هشة وصاحبنا اللي قال المشروع فكرة فاشلة دخل الكول بيناديلي يقولي يافاشل يافاشل وانا عملت نفسي قافل عشان ممكسش فيه ولاخر لحظة بحاول مكونش شخص تاني ممكن يشوفوا الكلام ده وممكن لا بس انا فعلا هكون شخصية فاشلة وهشة لو اتعاملت معاهم نفس المعاملة تاني