شعور

تظل العدو الاول و الغريم الازلى للانسان هى الوحده مهما كافحت و حاولت و سعيت و جيت لو انجازاتك دى معندكش حد يفرح بيها مش هتحس بحلاوتها مهما أنكرت و حاولت تبان صلب فى يوم من الايام مقاومتك هتنهار و تقع لان الوحده دى العدو الوحيد للانسان اللى فى الاخر مهما عمل هتخليه يرفع الراية البيضاء و الوحده مش شرط انك تبقى لوحدك بالمفهوم التقليدي ممكن تبقى وسط ناس كتير و انت لوحدك و محدش حاسس بيك ولا فاهمك فالموضوع يبقى اصعب الوحده قاتله و ياريت كل واحد يلاقى الشخص اللى يقتل الوحش ده عنده

عارفين ي جدعان احساس الغربه اللي الواحد بيحسه ونظرات الاستغراب اللي بيشوفها في عيون ناس كتيره كأني جاي المريخ 😏 ي جدعان منا شخص عادي جدا اهتمامتي انتوا فاهمينها عشان انتوا بعيد عن اللي زون بتاعتي يقولك شيخ لمجرد ان محافظ ع صلاتي مش بشيير حاجه فيها موسيقي بحاول اكون ملتزم حتي لو مقصر ما بيني وبين نفسي بس ع الاقل مش لازم اوضح للناس اني عندي السوء وعندي الذنب ده يقولك انت بوشين بتابع مؤثرين خليجيين يقولك مالهم المصريين منا بتابع مصريين بردو بس كترفيه وانا شايف ان المعلومه دي مهمه عشان كدا مشييرها بتعلم مهارة خط عربي يقولك ايه الشخبطه دي سحر الواحد بقي حااااسس انه الناس كلها غريبه اللي هو تحس انهم مش فاهمين او بيحاولوا يستنقصوا انا معدتش فاهم

بلعب في جيم و في واحد بقاله كتير بيتمرن قابلته جوة أنا بقالي تلات شهور بتمرن صحابي الي في الجيم قالو نتعارك برة ونشوف مين هيكسب ، لو كنت قولت لا كان هيبقى شكلي وحش ف قولت مش مشكلة أديني بختبر نفسي ،سكة و دوغري يجدعان أنا خسرت الواد اكبر مني بستنتين وبقاله سنة ونص بيتمرن ، المشكلة اني مروح مضايق اصل طب و التلات شهور الي عمال اتمرن فيهم دول مفيش اي نتيجة ازاي ،المواقف دي بتخلي الواد يشك في قوته ، ازاي بتتعاملو مع شعور الخسارة

انا متاكد ان فيه جزء اساسي من الرحلة اسمه "الشعور بالضياع" ال هو بتقف كدا out of nowhere مش فاهم انت بتعمل ايه هنا وليه كل دا واخرتها ايه فعلا ولا اي جابك هنا وانت مين وبتعمل تي واحساس غريب مستفز

عارفين اوقات كتير بحس اني لوحدي جداا رغم ان ممكن دا ميبقاش صح بس اغلب الوقت بقي دا الشعور الي ديما في بالي وبجد حاولت اتغلب عليه كتير لكن للاسف بلا فايده مبلاقيش حلول بحاول اسحل دماغي اوقات

عندي شعور دائما اني مش محظوظ اني طلعت دكتور وهادي ومحترم ومؤدب ومليش في العلاقات! كان الاحسن اعرف بنات كتير عشان منخدعش لما اتجوزت ،، ودكتور مفتري عشان محدش يستغلني ويحترموني! شعور بالظلم يحولني من حمل لذئب؟؟

عارفين شعور انك وحدك نفسك تلقي حد يهتم ويحسسك اظك مرغوب فيك بس حرفيا كل مده يحصل تحس وانت معاي انك عاوز تبقي وحدك الاجابة بحس ان الوحده خدت جزء كبير من شخصيتي بقي انا مش حببها بس مجرد محد يخش حياتي احس اني مش مرتاح مبقتش فاهم بجد انا محتاج ايه

جماعه اعيش ازاي او اتاقلم ازاي لو شعور الوحدة مسيطر عليا انا اغلبيه الوقت لوحدي وبجد. زهقت وجبت اخري اتصرف ازاي. ربنا يرضي عليكو بعمل اللي عليا سواء من دراسة وصلاة لكل.اجي الفجر زي دلوقتي ودماغي تسوحني بتفكيرها

محتاج اعرف ازاي اعوض شعوري بالفقد وعدم الأمان اللي دايما حاسس بيه، الحمدلله انا قادر ادافع عن نفسي وده مش مأثر علي شخصيتي وشخصيتي مش ضعيفه وبقدر اتكلم واعبر عن كل حاجة، بس بردو جوايا مشكله كده اني حاسس اني لا أنتمي لأي حد ومش حاسس بالأمان مع أي حد ولا في أي حته ..

انا محتاج اعرف ايه حل الشعور بالوحده الدايم اللي انا حاسه ده، بغض النظر علي اني مع حد او قاعد لوحدي دايما حاسس اني لوحدي ممكن ابقي قاعد، طول اليوم برا البيت وبقابل كذه حد في يومي مش عارف ايه السبب في كده

شعور اني دايما تايهه و مش وسط الناس اللي اكون انا فعلا وانا معاهم 😖 كل ما ادخل مرحله جديده في حياتي اقول اكيد هلاقي شخص واحد شبهي ملاقيش وجودي محبوب بس غيابي مش فارق و دي اكتر حاجه بتخليني احس اني مش موجوده اصلا

كل ما اتعود علي اني لوحدي برجع اتخنق تاني كل مره بقول عادي و ايه يعني هو انا الوحيد ما في ناس كتير كدا برجع احس اني خلاص انا تعبت من الاحساس دا و عادي بصلي و بشتغل و بخرج بس برضو الاحساس بتاع اني لوحد مش عاوز يسني في حالي بقت بتعصب علي حجات تفها و سعات عصبيتي بتطلع علي ناس ملهاش زنب بمعني تأتي مبقتش اعرف اتحكم في عصبيتي في الوقت الي بحس فيه با الوحده الي هو معظم الوقت اصلا بجد انا تعبت

ماذا تعرف عن الوحدة وانت مقعتش لوحدك قبل كدة ف ناس تقولهم وحدة يقولك ياريت ياعم اقعد لوحدي واريح دماغي احب اقولك ورب الكعبة انتا متعرفش ياعني اي وحدة اعتقد اني وصلت لمرحلة من كتر الوحدة منهشت فية بعد اخر مرة اعتقد اني مبقتش نفس الشخص اعتقد الشخص الي كان قلبة رقيق دة مبقاش موجود Lost

انهاردة عايزين ناخد رأى بعض فى مشكلة الوجع والتعلق انا كنت الطرف الغير مرغوب فيه في نهاية القصة هي مش علاقة سطحية ولا علاقة عميقة بين الحاجتين كان فالبداية الهدف منها هو حل مشكلة وبسبب الجفاف العاطفى اللى بمر بيه كان سبب كفاية اني أطمع أكثر وأكون أناني واعمل إشباع للجانب العاطفى "اللى انا مفتقده" فبالتالي اتحولت من شخص بيحل مشكلة لشخص عايز شعور معين من الطرف الثاني ومن اللحظة دى اصبحت الطرف المؤذى

اوصفولي يجماعه اي هو الحب الحقيقي وازاي بيكون شعوره واصفولي ازاي الرجاله بتحب لان كل الرجاله اللي شوفتهم ف حياتي محبوش بجد زي بابا واجوازات اخواتي كلهم بحسهم انه لا واني مش عايزه اعيش واتحب كده...ياريت توصفولي ازاي الرجاله ممكن تحب فعلا وايه هو شعور الحب الحقيقي

كل الي كان نفسي فيه حد يحبني زي ما بحبه عمري ما لقيت حد حبني زي ما بحبه حتي البنت الي حبيتها اكتر من نفسي بتكرهني ومش عارف السبب حتي اهلي الي المفروض يكونوا الأمان ليا بيكرهوني وبيتريقوا عليا لأن مفيش عندي أصحاب أو حد يحبني انا بجد تعبت من الشعور دا

معقوله ممكن يتوصف الشعور اللي ما بداخلنا (اي ان كان) ب الكلام ...... انا شايفه أن مش كل حاجه ممكن يوصفها الكلام يكفي ل اب او ام او اخوات أو (حبيب) ينظر لتلك العيون ليري ما يسكنها من كآبه وحزن وكسره ، لكن للاسف اللي معندوش اي حد من دول ف يلجأ ل البكي ف الخفاء ليستطيع مواجه الحياة المخزله بكل ما فيها لكن الفضفضه ي اصداقائي لا هتغير شي بل ب العكس هي بتتعب لما بتعرف اللي قدامك تعبك وتحس بشفقته عليك سواء بقي انت معروف مين أو هويتك مجهوله زي دلوقت كدااااا معقول ممكن الانسان عاش وبيكمل لمجرد عدم وجود روح واحده تحس بيه من كل الناس دي ؟؟

صعبه لما تحب حد. ويجي واحد ليه سلطه عليك يفرض رائيه وانت واقف مش عايز تتكلم عشان متخسرش اللي حوليك كلهم وفي الاخر بتطلع خسران نفسك واللي حوليك محدش بيحس بيهم. شعورك ده بيشبهك بالشمعه بتحرق نفسها عشان الباقي يشوف

التناقض ياجماعه مش شايفين أنه موضوع مسكوت عنه شويه انك تحس بكل حاجه وعكسها مقدره أن فيه احاسيس كتيره اوى ابشع من ده بس احساس أن الحته الحاجه الحلوه لازم فى نفس اللحظه تحس بوحشتها وتقعد تفصص فى كل حاجه لحد متبقى مقرفه وزباله فى عينك

الواحد حاسس بوحده جدا اوقات كتير جدا بحتاج لونس صوت معايا حد جمبي الواحد بيهرب من الوحده للشغل مش علشان حبا في الشغل لا عشان فيه ونس وصوت انا محتاج لما ارجع البيت الاقي حنيه احتواء حضن هدوء البيت جاهز مقمش اعمل حاجه حلمي معملش حاجه الاقي كل حاجه جاهزه اي حاجه اه والمصحف 😄 محتاج احتواء حنيه لطف وجود تواجد وانا بنام ولما اصحى وفي نص اليوم محتاج شريكة حياه من بتوع زمان ايام المسمى ده واكون ليها موجود ابادلها ده كل حاجه الوحده كتير بغباء مش حلوه بس الواحد بيتأقلم... بحاول لسه لحد دلوقتي

مخنوق ومضايق من نفسي واني اتعشم في ناس غريبة لسه معرفهوش وازعل من ردت فعلهم شعور بالخذلان من نفسي ومن اهل ومن الناس تعبت من الوحدة وقعدتي مع اي مجموعه وابقا شارد دماغي مش في راسي