صحبة

قرأت بوست لبنت هنا بتتكلم عن أول تجربه ليها تتكلم مع ولد على إنهم صحاب وفي تلميح وحوارات كدا الندم مسك فيا وخلاني مش طايقه نفسي رغم إن الموضوع عدى عليه أكتر من سنتين وخلاص اتخطيت بس الي مش بيفارقني هو الندم كان نفسي أفضل طول عمري منغير ما اتكلم مع أي ولد حتى لو كأصحاب (عشان محدش يفهم غلط، كنا بس صحاب سوشيال لأقل من شهر وقطعت معاه، بس نفس السيناريو اتكرر مرتين وانتهى بالنفس الطريقه) أنا مبسوطه جداً إن ربنا خلاني أتوب قبل ما يحصل أي تعمق في الكلام أو يبقى الكلام أكتر من مجرد صداقه اونلاين بس مفيش حاجه مديقاني غير إحساس الندم ادعولي بالثبات وإن ربنا يسامحني

انهارده نزلت بدري شويتين قبل الأذان بتلت ساعه المهم لما رحت المسجد لقيت واحد من صحابي بتوع زمان كان قاعد بيقرأ قرآن ف انا بيني وبين نفسي الصراحه فرحتله وافتخرت بيه جدا لان انا زمان كنت كويس ومحافظ علي الصلاه في الجامع اغلب الوقت ومحافظ علي ورد كل يوم من القرآن بس اتلميت علي ناس خلتني ابعد عن ربنا وحده وحده لحد ما فجأه بقى مفيش صلاه ولا قرآن واوقات بيبقى طول الاسبوع مفيش غير صلاة الجمعه المهم اني بقيت فرحان علشان صاحبي دا وفي نفس الوقت زعلان علي نفسي وفي نفسي حمد ربنا ان حصلت ظروف وبقيت مبقابلش الصاحب دا لما اتغير للوضع بتاع دلوقتي لاني كان ممكن اسحبه بالغلط ف ربنا يهدينا جميعا و صاحبي دا يختم القرآن بإذن الله

الصُحبه غيرتني خلو نظرتي لنفسي فيها ثقه وثبات كدا بقيت بشوف نفسي بعنيهم بفرح وبحس قد اي انو ربنا أكرمني بيهم في حياتي علشان يساندوني ويقوو مني لما ببقي محبطه وزعلانه علي حاجه يقولولي مبتقفش يا بنتي متزعليش من من قيمتك متتعلقيش دا مش انتِ أنتِ غاليه عن أن الدنيا اللي ملناش مكان فيها تزعلك احنا جينا نزرع بس وهنحصد قريب متتعلقيش بيها لا بصحاب ولا علاقات ولا بأماكن متتعلقيش

يا جماعه المفروض اتعامل ازاي مع احساس الوحده انا حاسس اني لوحدي اوي ونفسي يبقا عندي صحاب بجد وياريت لو جروب ونخاف علي بعض ونبقا سند لبعض ونطمن بعض ياريت لو حد حاسس بنفس الي انا فيه ده يقولي اهو نلحق بعض