صدمة نفسية

دلوقتي انا شاب و مريت بمشاكل كتيرة في حياتي معظمها بسبب اكبر اخواتي و لما وعيت عرفت انو مضطرب عقليا بس عقلو شيطان لو حط حد في دماغو و ام متوفيه و ابويا رمينا و انا اصغر اخواتي و احنا 5 بيا و كل واحد من اخواتي ساب البيت بشياكة بس اخواتي الولاد بيرجعو عشان الفواتير بس انا الوحيد اللي عايش معاه و صحيح انا كل شوية عملل استوعب اكتر و اكتر انو بيتلذذ في انو يأذيني ، انا مش فاهم بردو تفسر بي اي واحد عرف عن اخوه الصغير غلطة لا مش يجي يواجهو و يقولو انك غلط و واحد اتنين تلاتة ، لا ياذيه الاول و يخليه يشد في شعرو من اللاعيب النفسية اللي بيعملها و بعدين يقولو بعد 7 شهور او سنة من الجنان انك غلط في الحاجة الفولانية دي حاجة بسيطة من اللي كان بيعملو معايا و معلومة عني ناس كتيرة من صحابي و معرفي بيقولو انك متوتر بدون سبب طول الوقت و وشك في علامات الفزع و متضايق ، بالله عليكم اتصرف ازي عشان بجد اخويا عقد اخواتي كلهم و شغال عليا و مع العلم انو 32 سنة و مش شغال

انا ف نوبة اكتئاب حاد بقالها عشر أيام ومعنديش مكان غير دا اتكلم فيه معنديش صحاب او زمايل واخر مرة روحت درس فيها كانت من سبع سنين ومن وقتها قعدت حتي من المدرسة ومبقتش اروح غير ف الامتحانات وانعزلت عن الدنيا كلها وحتي بخرج كل فين وفين اتمشي شوية وارجع .. انا زعلان اوي من امي وزعلان اوي من نفسي وزعلان من كل حاجه .. وبعد فترة علاجي ولما روحت لدكتور قولت بقي خلاص الدنيا هتتغير بس بعد الفترة دي كل حاجه ساءت أكتر مشاعري بقت متلخبطة اكتر بطريقة بشعة بقيت بتعلق بالناس بسرعة عشان كدا بخاف اقرب وف نفس الوقت انا محتاج لحد جنبي مقدرش اكابر اكتر من كدا .. والغريب اني كويس بس مش كويس ومش فاهم حاجه حرفياً محتاج معجزة ومقدرش اقوم بمجهودي او لوحدي .. وطول السنين دي امي كملت عليا بطريقة بشعة ودلوقتي عايزين نصلح وبتاع بس بعد ايه بعد كل الاذي والتشويه النفسي دا هنصلح ايه ولا ايه .. قبل كدا حضن امي كان كفاية يقومني تاني بس دلوقتي حضنها مليان شوك مقدرش اقرب .. وعزلتي مرعبة وبشعة طول السنين دي مقدرتش اخرج منها ف مبقتش قادر استحمل فكرة اني لوحدي عشان انا بشر والبشر متقدرش تعيش لوحدها بالطريقة دي بس انا عشت ودفعت التمن دا بروحي حتي وانا مغصوب اني اكون لوحدي عشان دا احسن ف مش عارف المعجزة دي فين واتأخرت لية ولية انا لوحدي كدا واسئلة كتير ملهاش اجابة

حد يعرف سبب ليه الواحد ساعات بتردد ف ذهنه افكار و مشاكل حزينه بشكل متكرر و يتعصب كأنها لسه حاصله و يتخانق و يتكلم و بعدين يهدي شويه ، تعدي فتره يرجع يفتكر و كأن الموقف لسه جديد معرفش ده ليه تفسير و لا الواحد مش متسامح حاسه الموضوع اكبر من فكره عدم تسامح و ياريت الردود تكون ب لين لو سمحتم

كان عندي مشكله كبيره من تلت سنين و كنت هتحبس ظلم و كنت في تالته ثانوي و اجلتها سنتين و ضيعت سنتين من عمري و حاليا عندي 20 سنه و لسه في تالته ثانوي و الموضوع دا مأثر فيا نوعا ما دا غير الضرر النفسي و الجسدي الي تعرضتلو بسبب الموضوع الي حصل معايا و بقا يجيلي (panic attack) . و لحد دلوقتي مش عارف اتعامل مع الموضوع دا