ليا واحد زميلي ايام ٣ ثانوي بتاعته جاله مرض عفانا الله و عافاكم خلاه مش قادر يتحرك و بقي عضم ع لحم حرفيا واجل السنه و خد ٣ ثانوي ع سنتين وتعب فيهم بعدها دخل كلية هندسة واتخرج بعدنا كلنا بسنتين وسبحان الله ربك كان ميسرها له ان وقت تخرجه شركه كبيره كلنا كان نفسنا ندخلها ومش عارفين تطلب خارجين جدد للتدريب ويدخل فيها و يتمرن تحت ايدهم وحاليا شغال ف اكبر شركه انشائات ف مصر تفتكر ربك كان بيعوضه عن اللي حصله ، ولا سبب له المرض ده عشان ياخر تخرجه ويوصل للي هو فيه دلوقتي؟ ربك مبينساش حد اعمل اللي عليك وخلي ثقتك ف ربنا كبيره

فكك من اي حاجه تحسسك إنك اتاخرت او الفرصه ضاعت عليك وافكس لكلام اي حد. طالما أنت لسه فيك النفس وعايش يبقى لسه بدري على اي حاجه عادي وقدامك العمر ان شاء الله. حقك تماماً ونش عيب تحس بتعب او حتى خوف من اي حاجه حصلت لك عادي جداً لأنك عديت بحاجة صعبة وده طبيعي بس متستلمش له. حاول تروح ل سايكاتريست او طبيب نفسي يعني عشان يساعدك في حوار البانيك اتاك ده... ولو حسيت بتوتر أو بانيك اتاك جرب تركز على نفسك شوية خد نفس 4 ثواني واحبسه 4 ثواني وطلعه ببطء في اربع او ست ثواني وكرر كده كام مرة.وبعدين بص حواليك وعد 5 حاجات شايفها و4 حاجات تقدر تلمسها و3 أصوات سامعها و2 ريحة تقدر تشمها و1 طعم حاسس بيه حتى لو بس الطعم إلي في بوقك نفسه(فمك)الحاجات دي بتساعد المخ يهدى ويركز في الواقع بدل دوامة الهلع. واكيد مش هيبقى حل سحري وحده يعني دي بس حاجات بتساعد بس جرب تروح لطبيب نفسي مختص. وجرب تشجع نفسك وتقوي نفسك.

أنت مريت بظروف قاسية وظلم كبير وطبيعي تسيب أثر، بس السنتين دول مش ضياع طالما نجيت بنفسك، وركز دلوقتي في ثانوية عامة وحاول تستشير طبيب عشان نوبات الهلع وعشان تقدر تتجاوز الصدمة دى

ولما الدنيا تضيق بيك خالص جرب تقعد على مصليتك تكون متوضى وتصلي وتكلم ربنا أكتر حد هيريحك بجد لأنه أكتر حد حاسس بيك... ربنا الوحيد إلي عمره ما هيحكم عليك وهيهون على قلبك أكيد..جرب تبكي وكلمه من كل قلبك وادعي كتير جدا ان ربك يحسن حالك وانك تكون احسن.

إن شاء الله خير ثق في ربك وخلي يقينك بيه كبير

ولا تشغل بالك اقسم بالله العظيم لما تخرج للدنيا وتشوف مواقف يشيب لها شعر راسك من ناس كانوا مفكرين انهم جاتلهم الفرصة بدري عن ناس وانهم كدة كسبانين في حين أن اللي جاتلهم الفرص متأخر سبقوا التانيين بمراحل تخليك تستعجب وتتمني لو كنت انت اللي جاتلك الفرصة متأخر لو هي بالشكل ده

مالك بس فضفض🥺

طب اهدى واحكى موضوع