صعوبة الحياة

بقا عندى شعور غريب بانى خلاص مبقتش قادر اتعامل او اتكلم مع حد شعور بانى خلاص لا بقيت قادر اعمل حاجة او حتى اتحرك من مكانى حرفيا مبقاش عندى رفاهية انى ابدء من جديد نهائى بعد الوقعة دى شكلها كدا النهاية االى مفيش وراها بداية لأى حاجة تانية ابدا ...!!! للآسف مبقاش فيه حاجه اقدر اراهن عليها دلوقتى بقلب جامد .. لا ناس بتحبك وواثق أنها هتفضل تحبك ، ولا ناس متعشم فيها وواثق إنها هتطلع قد العشم ، ولا ناس مستني منها التقدير وبتلاقيه فعلاً دا حتي صبري وثباتي مبقتش قادر أراهن عليهم من كتر الضغوط وإللي الواحد بيشوفه بجد الحياه بقت صعبة جداً وبقينا عايشين في زمن مفيش حاجه فيه مضمونه أو علي الأقل نبقي متطمنين لفتره من ناحيتها .. الدنيا والظروف غيرت القلوب والنفوس ! مش بتهم الظروف ولا الدنيا بس خلاص مفيش فيه طاقة ان الواحد يغير اى حاجة بقيت حابب اتفرج ع المشهد من بعيد وبس حتى لو بتفرج ع كل حاجة وهيا بتتهد ..!!!!

مفيش حاجة سهلة كله ليه ضريبة لا السفر والغربة سهلة ولا سحلة الشغل جوه البلد بسيطة ولا قلة الشغل مريحة ولا الجواز سهل ولا العزوبية جميلة ولا خلفة العيال والتربية بسيطة ولا عدم الخلفة مريح ولا إنك تفتح شركتك سهل ولا كونك موظف بسيطة ولا الحفاظ علي العلاقات سهلولا قطع العلاقات مع الناس شئ جميل ولا تجميع الفلوس بيشبّع ولا قلتها موتت من الجوع فيه ناس كانت بتوهمك بالمحبه وهي اصلا فعلا مش كده الدنيا كلها شقى وتعب وكل واحد حر في إختياره خليك راضي عن نفسك وقراراتك وقول الحمد لله وتوكل و كمل مشوارك

في حد مره قالي اختاري الناس اللي ميصعبوش عليكي الدنيا لانها صعبه لوحدها بس السؤال هنا ازاي و هي الدنيا اللي بتصعبها علينا فالتالي احنا بنصعبها ع بعض يعني ف النهايه كل الطرق تؤدي الي مالطه

عارف انت لما توصل لنقطة انو خلاص بقت ضلمه ومش حاسس بحاجه ولا عايز حاجة الواحد مننا وهو صغير كان عنده كمية احلام وحجات عايز يعملها رهيبه وبمجرد ما كبرنا بقي كل همنا ف الحياه اننا بس نبقي مطمنين معدناش عندنا حاجه نحلم بيها لان كل الطرق بقت صعبه ومفيش حاجه بتيجي بالساهل بس رغم كل ده مينفعش تقف ولا تبطل سعي عشان لو وقت هتتهرس ومش هتحس ب قيمة نفسك الا وانت ضايع اكتر ما انت اصلا ان شاءلله العوض يكون علي قد الصبر والحمدالله ان الدنيا دي مش دايمه وان الاخره هي دار الخلود و ان شاءلله نحقق كل اللي نفسنا فيه واحنا في الجنة اللهم آمين ❤️‍🩹❤️‍🩹

نور الشريف قال فيه ناس ارق من الحياه لان الحياه قاسيه طب هنبقا كويسين امتي طيب هنحس اننا عايشين امتي بجد ليه الحياه كدة وهتفضل لحد امتي كدة طب ليه الناس بقت كدة ليه ليه كل حاجة صعبه وليه كل حاجة بنخيب آمالنا انا مش عارفه انا لوحدي اللي كدة ولا لا بس انا تعبت من الحياه

بصراحة مش عارفة ابدأ منين غير ان الانسان ضعيف وهش من جوا وأي كلمة وأي ذكرى قادرة تهلكه، وإن احساس العجز دا أوحش وأقذر احساس ممكن تحسه، وبجد مفيش حاجة بتعدي مفيش حاجة بنعرف نتخطاها ولو حصل بيبقا مجرد وهم لكن الجرح نفسه معلم والذكرى نفسها مش بتختفي والألم مش بينتهي هو بس بيتسكن، أنا حزينة خالص من الدنيا ونفسي، زعلانة إن مجرد كلمة بتهدني، مخنوقة عشان مش ببطل استنى ولا ببطل اتعشم ولا بعرف اتخطى او اتصالح مع أي حاجة، ا الدنيا طلعت صعبة بجد صعبة أوي

الحياة بقت صعبه و الناس بقت اصعب حتى يوم ما بتختار حد و تميزه عن الناس بيخيب و يوم ما تحب واحدة لازم كل حاجه متبقاش واضح ولو كنت راجل دوغري و و واضح تحس ان المشكلة من عندك و انك لازم تكون مش واضح و صريح في مشاعرك و اللي بتحس بيه لازم تلعب و تلف و تدور و كأن ده بقا العادي و الموضوع مهلك و بيستنذف وقت و طاقة و مجهود و الحياة فيها من اللي يكفي من استنزاف الطاقة و المجهود و المشاكل ليه مبنقاش سلسين في التعامل مع بعض و نسهل الدنيا على بعض ليه لازم لعبه الكر و الفر دي

طيب نتخطى ازاي بحس كل الكلام اللي هيتقال كلام إنشاء محفوظ بناخده كوبي بيست نقوله لبعض اهتمي بنفسك اتعملي حاجه جديده شوفي حياتك ما هو أنا مش عارفه أنا حياتي واقفه عند نقطه و الحقيقه ان مفيش حل ايوه مفيش حل ما هو أنا لو بقيت مع حد غيره عمري ما هنسى و هفضل برضو أفكر فيه أنا كده هكون بخون الشخص اللي ملهوش ذنب دا و بأذي نفسي معاه ليه الدنيا صعبه كدا

انا تايهة ومحدش فاهمني خالص انا مريضه ثنائي القطب وحقيقي بعاني ومحتاجة مساعدة ازاي اتعايش حياتي بقت صعبة جدا جدا بجد في حد هنا زيي ولا انا لوحدي انا كمان رافضة اخد العلاج حاسة أنه مش بيخليني كويسه

جماعة انا زعلانة أوي بجد هو ليه كل حاجة ف الحياة صعبة وتقيلة ليه كل حاجة محتاجة مجهود انا عارفة ان دي طبيعة الحياة بس ليه كمان الناس بقت تزايد ع بعض بطريقة توجع وكل واحد بيتكلم بدون ادراك هو هيجرح التاني ولا لا؟ ليه لما تبين لحد عيوبك او نقط النقص عندك. يدوس عليها بدون مراعاة بجد هو ليه الناس بقت مؤذية كدا؟ وهل هما مش مدركين انهم مؤذيين؟ بجد هل ممكن انسان يأذي حد بدون ميحس بكدا؟

زمان كنت فاكره ان الطلاق حاجه ساهله ..فيها ايه لما الست تطلق. بس للاسف لما اتجوزت عرفت ان الموضوع معقد جدا . انك تتفق مع شريكك علي الطلاق شئ معقد .. وانك تقنعي اهلك بالقرار ده شئ اصعب واصعب بالذات لو السبب نفسي لان الاهل مبعترفوش بالاسباب النفسيه فنفضل زي محنا عايشين ومش عايشين . فعلا البشر معقدين جدا والحياه صعبه جدا جدا ..ويمكن احنا طماعين عايزين كل حاجه. اسفه بس حبيت اشارك اللخبطه اللي في دماغي يمكن حد عنده نفس المشكله يحكي تجربته ونستفيد من بعض.