منذ 3 ساعاتيشعر بـ عاطفي
طيب نتخطى ازاي بحس كل الكلام اللي هيتقال كلام إنشاء محفوظ بناخده كوبي بيست نقوله لبعض اهتمي بنفسك اتعملي حاجه جديده شوفي حياتك ما هو أنا مش عارفه أنا حياتي واقفه عند نقطه و الحقيقه ان مفيش حل ايوه مفيش حل ما هو أنا لو بقيت مع حد غيره عمري ما هنسى و هفضل برضو أفكر فيه أنا كده هكون بخون الشخص اللي ملهوش ذنب دا و بأذي نفسي معاه ليه الدنيا صعبه كدا
بالنسبه ليا كنت بتخطى لما بعرف واحده تانيه رغم فى الاول ببقي عايزها تتكلم زيها و تلبس زيها و تهزر زيها و كل حاجه لحد ما بتعلق بالشخصية الجديده و بحس انها بتحبنى بجد مش زى اللى فاتت ساعتها بحبها و معلش برده لازم تكون حلوه زيها أو احلى منها علشان مفضلش حاسس ب انى مش مقتنع بيها بس ببادلها نفس الشعور علشان متزعلش و هى بتبقى حاسه انك مش بتحبها بس بتصبر يمكن تحبها هنا انت ظلمت نفسك و ظلمتها
الوقت
الوقت بينسي لكن لو متمسكه بجزء ولو بسيط بالعلاقة دي هتفضلي تفتكري طول عمرك انا قعدت 3 سنين عشان اتخطى وصدقيني محاولتش اعمل اي حاجه غير اني سبت نفسي للوقت والحياة اليوميه
العقل البشري بيتعلق ويدمن الشخص ويبدء يربطه بسعادته وتدريجيا بيبدء يعالج عيوبه ويطلعله مبررات لحد ميبقي الشخص اللي قدامك دا ملاك وشايفه كل حاجه فيه بيبقي موهوم وخلاص انا هموت منغيره فلما تبعدي انتي مش هتقعدي بقي تعاندي نفسك وتشيلي نفسك حمل اكتر انتي ف حاله ادمان وطبيعي هتاخد وقت عقبال مخلاص العقل يستوعب فا ف الوقت دا سيبي نفسك متفضليش قاعده مستنيه تتخطي وهوا امر حتمي دي حاجه غصب عنك سيبيها وديها حقها وفكري و خليكي مع نفسك للاخر لحد متلاقي انه ادا لا انا اي اللي بعمله دا بس فنفس الوقت تكملي بقي حياتك عادي مش تلهي نفسك وتفرمي نفسك لاجل الموضوع دا لانك بتكبريه بس عادي كملي ف حياتك وتاقلمي مع الحوار لحد ما يروح لوحده لكن احنا بنكبره ونعمله قيمه ويلا اشغلي نفسك و شتغلي و مش عارف اي طب وليه كل دا
الوقت كفيل بالتغيير بس حالنا دلوقتي مينفعش نتخيل إن هو هيبقى كدا طول العمر مع الوقت الدنيا هتخف والشعور هيروح وتعرفي تموفي اون. اللي بيقولك اهتمي بحياتك دا عشان متفكريش كتير في الحوار عشان دماغك ميسحلكيش ربنا يعينك
انا كمان بمر بنفس المرحله بتاعتك ومش عارفه اشتغل ولا اتاقلم ولا اعمل اي حاجه في حياتي
والله فكره التخطي والنصايح المصحوبه ليها فكره فاشلة الاجابه الوحيده الصادقه واللي انا جربتها هي أن الوقت بينسي وبيخلينا نتعود ونشوف حياتنا لأنها مش هتقف على حد ولو اتقابلنا تاني صدفه هدوس على قلبي وأكمل كان مفيش حاجه حصلت