ضغوط نفسية

انا ضد الجواز في بعض الحالات، ليه نتجوز و احنا مديونين؟ مش منطقي، صح؟ ليه نتجوز و احنا عندنا أمراض نفسية؟ طب ما نعالج الحاجات دي يمكن نكتشف ان الشخص ده مش مناسب! ليه نتجوز و احنا مش مستقرين ماديا، يعني بالنسبة للراجل يعني انت بتعافر عشان تصرف علي نفسك و تكمل لأخر الشهر ليه تتجوز و انت مش مستقر ماديا و تشيل هم نفسك و هم مراتك.

من  اكتر المشاعر اللي بقي اغلبنا حاسس بيها وعايشها دلوقتي  هو احساس التوهان  ..  تحس ان كلنا تايهين  محدش  فينا قادر يحدد هو فرحان ولا حزين  ..   بقي بارد ومش فارق معاه حاجه   ولا حساس زياده عن اللزوم وبيزعل من اقل حاجه   ..   مش عارف  عايز  يبقي لوحده وينعزل عن الناس  ..  ولا مخنوق وتعبان من الوحدة  ..    كمية تخبط  ومشاعر  متناقضة  ..  ودة  بسبب   كمية الضغوط النفسية  اللي كلنا بقينا بنتعرض ليها يوميا  وعدم  الاستقرار  في كل حاجة  في حياتنا  ..  ف الشغل  وف علاقاتنا الاسرية  والاجتماعية  وف علاقاتنا العاطفية  ..   طول الوقت  قلقانين  مش  حاسين بالامان  ولا مطمنين علي نفسنا ولا علي الناس اللي  بنحبهم  ...   مش عارفين  عايزين ايه بالظبط  ولا ايه اللي يريحنا  ..   أيام فعليا صعبة بتعدى بلطف ربنا اكثروا من لاحول ولاقوه الابالله العلى العظيم