ضيق تنفس

مساء الخير عليكم كلكم ، انا مش جاي احكي مشكله انا جاي اوصف احساس يمكن يطلع مني الاحساس دا لما اتكلم و اكيد زي اغلبكم مفيش حد احكيله و للاسف اللي بتحميله دا حتي لو امنتله هيفضل يقول مواعظ و انا ببقي متاكد هو مش عارف يقول ايه بس بيواسي ، بس ساعات السكوت نعمه كبيره ، انا عندي احساس رخم و يمكن اغلبكم حس بيه و لو لفتره ، عارفين احساس الحجر و ضيقة التنفس عارفين احساس انك كل يوم بتعمل اللي مفروض عليك تعمله بدون توقف اووبدون ما تعطل كانك مكنه حقيقي كانك مكنه انا مثلا ماخدتش اجازه من سنتين او اقدر اقولك في اخر خمس سنين ممكن اكون اخدت شهرين متقطعين ، معنديش اجازه اخر الاسبوع زي اي حد ، شغال زي الحمار و لا هو عارف يطلع الجبل و لا الجبل راضي يخلص ، بحس أن تصرفاتي غلط مع اني مش بعمل حاجه غلط بس اقرب الناس ليك بيبصولك كأنك غلطان دايما و حجر علي صدري محدش بيحسه غيري بيكام نفسي بيخلي في سواد قدام عيني ، فكرت كتير اخلص نفسي من الإحساس دا بطرق كتير حتي لو علي حساب حياتي و أنها تنتهي بس برجع و افكر و اقول زنب اللي معايا ايه و اللي ورايا و ارجع ابصو ملقيش حد حتي يقول معلش ، طيب الحجر دا مش عاوز يروح و السواد بيزيد ، عارفين لما بيقولوا للست انتي عندك البريوت و مشاعرك بتتغير علي فكره الراجل كدا برضو بيجيله وقت في الشهر أو في الاسبوع بيبقي مش طابق نفسه و لا اللي حواليه و لا حتي قادر يتكلم ، انا بيضايقني اكتر أن الحجر كل شويا بيتقل و بيزيد ضغط علي صدري و كاني بقطع النفس ، صحيح قراراتي في حياتي كانت اغلبها غلط ان مكنش كلها بس انا نفسي احس بهدوء و لو حتي لحظي ارتاح و لو اشويه صغيرين مش طالب كتير بس مش بيجي الاحساس دا مش بيجي خالص و كأنه بعيد جدا ، كلام كتير و احاسيس مختلفه ووملغبطه محتاج وقت كبير عشان احاول اشرحها و مقصدش اني اطول علي حد دل لو في حد هيقرا الكلام اساسا انا مش مستني طبطبه من حد ولا حتي معلش . دي مجرد فضفضه يمكن الحجر يروح قبل ما يخليني انا و الارض واحد

كنت امبارح منزله بوست ان بيجيلي بانك اتاك لما بزعل او اتعصب وكده وفي كذا حد قال حلول بس اغلبهم مش هعرف اعملهم الفتره دي بس لو حد يعرف طيب حاجات اعملها لما يجيلي تهدى الاعراض و الحاجات اللي بتحصل ساعتها عشان الفتره الجايه هتبدا الامتحانات بتاعة ثانويه عامةً فاظن هيجيلي كتير فانا عايزه حلول ان ازاي اهدي الدنيا بذات في العرض بتاعه ضيق التنفس و في حاجه كمان عايزه اسال عليها حد يعرف ايه سبب ان مؤخراً بقيت بحلم احلام غريبه كتير و احلام يعني اللي هو ممكن تحصل عادي و ساعات بيكون في الحلم ناس عارفاها وساعات لا بس دايما بكون في الاحلام دي خايفه يعني اصلا بصحى و بكون مخضوضه ومش بعرف انام تاني يعني مجرد ما بصحى بكون خلاص مش عايزه انام تاني و بتحصلي اكتر في الايام اللي بكون فيها يعني مرهقه او مضغوطه اوي او يوم مفرهد عامةً بس الحلام بحسها قريبه انها تتحقق او انها تبقى واقع يعني فهل دي حاجات عادي عشان مثلا الفتره دي متوتره وكده ولا هل ممكن تتحقق فعلا ولا ايه بظبط

لسة صاحي من نص ساعة بخنقة مقرفة اوي عارف لما تبقى صاحي مش قادر تتنفس، بس عامة عادي مش مشكلة بحاول اكمل ال 150 كلمة حاسس اني تدهورت في حاجات كتير وان مش دة الشخص اللي انا كنت اعرفه قبل كدة بقيت مختلف تماما

انا بتعصب من الناس الغبية و الناس الكسلانة اووووي بجد يعني الموضوع بجد بيحسسني بضيق تنفس مش طبيعي و صداااااااع من كتر ما ببقا عاوزة اصووووت ف وشهم ابقا بتكلم مع حد و بقوله ساعدني ف كذا مثلا و هو فاتح بؤه و متنح لي .. حرفياً بروح ماشية و مخلصة اللى عاوزاه عشان مش ناقصة جلطات 🫩 هل الموضوع يخلص هنا تؤتؤتؤ الغباء بيزيد طرديا مع عصبيتي من الشخصيات الغبية كل ما اتعصب كل ما يطلع قدامي شخصيات اغبى و اغبى اقرر انزل الشارع و الله ببقا هتشل حقيقي من كل الناس و خاصة من اشباه الرجال اللى اصلا مش عارفين يمشوا ازاي يفضل متنح و جايب لاج و واقف قدامي بلا هدف ولا تفكير 😑🫩 و اول ما يفكر و يستخدم دماغه ف انه لازم يتحرك يمشي هو من جوا الطريق و انا كبنت ابقا ناحية العربيات 🫩 ( معلش الكوكو طلع بيخاف من العربيات 😑) تخلص هنا مثلا تؤتؤتؤ اروح سوبر ماركت مع والدتي و يحصل مشكلة ع الكاشير و محتاجين نبدل حاجة عشان الباركود مش موجود عليها اروح اجيبها و ارجع لهم في امان الله الاقى كائن دخل فى النص بيني و بينها بمنتهي ال مافيش بربع جنيه تفكير 🙂😑 ف الى هو انت بتعمل ايه بجد ؟! 😬 ما تعديني و خلينا نغور و بعدين اتنيل اتفضل حضرتك يعني تؤتؤتؤ نتضطر نخلي طنط اللى ورا تحدف الحاجة للكاشيير و انا الف من باب الدخول و استنى برا عشان هو مستخسر يستخدم دماااااغه لثواني و يعدينا و نخلص 🫩🫩 و فى الآخر يتقالى انى عنصرية .. ايوة انا عنصرية و جدااا و انتوا اغبياء جدااااا 🫩🙂🙂 الصبر يااااارب الصبرررر ع الكائنات اللى من غير مخ دي 🤦🏻‍♀️ و من غير سلام هاااه يلا بقا 😂

هو ايه سبب ان انا دايما ضربات قلبي مش طبيعيه خالص اوقات بتكون سريعه جدا واوقات بحس انه هيقف مع كتر البطء وبجد الموضوع مأثر عليا ف نومي اوي وبيجيلي ضيق تنفس كتير وايدي بتترعش من اقل حاجه بشيلها وحقيقي مش فاهمه السبب يعني انا نظام اكلي تقريبا كويس وبقلل قهوه بس مش فاهمه برضو ايه السبب

انا بتعب بسرعه جسديا من أقل مجهود حرفيا و مش بقدر أعمل حاجه كاملة لازم أريح في النص لأني بكون تعبت جامد و مش بأفور لا بكون تعبت اوي و مش قادرة أقف و بدوخ ولا بقدر اتنفس كويس، و روحت لكذا دكتور بيقولوا ده مجرد stress و توتر و خدي فيتامينات بالرغم اني معنديش أنيميا او اي نقص في الفيتامينات. حد عندو حل او علاج للموضوع ده؟ لأن أهلي بقيوا بيتخانقوا معايا كتير بسبب الموضوع ده و اني باخد وقت كبير لحد ما اخلص حاجه بسبب اني بريح في النص.

السلام عليكم، عندي مشكلة بقالي فترة طويله ومش عارف أحلها. أنا خايف جدًا من فكرة الشغل نفسه. كل ما أفكر أشتغل أو أبدأ أدور على شغل، أحس بتوتر شديد وقلق وأحيانًا ضيق تنفس. حتى لو الشغل بسيط أو جزئي، دماغي بيبدأ يفكر في أسوأ السيناريوهات: "هتعب، هصحى بدري، مش هعرف أنام كويس، هفقد حريتي، اتفاعل مع ناس ...الخ الخ الخ" الغريب إني مش خايف من الشغل نفسه بس، أنا خايف من الروتين، من الصحيان بدري، من إني أقعد ساعات في مكان مش مريح، ومن إني أفقد الوقت اللي بعمله في حاجات أنا بحبها (حتى لو دلوقتي مش بعمل حاجة أصلاً). جربت أقنع نفسي كتير، وقلت "هجرب يومين بس"، بس التسويف والخوف بيغلبوني كل مرة. حتى لما أشوف إعلانات شغل، أقفلها على طول. عايز أعرف: حد مر بنفس الخوف ده ونجح يبدأ شغل؟ إزاي قدرت تتغلب على الخوف من الروتين والصحيان بدري؟ فيه نصيحة عملية جربتها ونفعت معاك؟ أنا فعلاً محتاج أسمع تجارب حقيقية، لأني واصلت لمرحلة إني خايف حتى أفكر في الموضوع. شكرًا لأي حد هيرد.

انا بكتب ليكو الرسالة دي قبل ما انام انا بحب واحدة اوي اوي و انا هي مستحيل نكون لبعض و كنا سيبنا بعض فترة و رجعنا تاني هي بتحبني كمان لكن عمرنا ما نكون لبعض مش عارف لا انساها و لا استغنا عنها و لما كنا بعاد عن بعد كنت بتعزب دلوقتي بقا يجيلي ضيق تنفس كل ما اقعد لوحدي بقيت مبسوط و خايف حاسس اني مستهلش اتحب زي الناس حاسس اني مش هتجوز و لا افتح بيت حاسس اني مليش نصيب في حاجة ولا في حد انا تعبااااان اوي

لا اعرف ما يحدث معي بالضبط مرتين اغمي علي بعد هذا في مرات اشعر ان راسي ثقيل فتغمض عيناي وحدهما و في مرات لا لكن راسي دائما ثقيل يداي تتشنجان تصبحان باردتان اشعر كانه تيار يمر من كتفاي الى يداي قلبي ينبض بسرعة اشعر بوجود ككتلة في حنجرتي يمنع التنفس باريحية اعرف انه يجب ان اتحرك لكن لا استطيع ماذا يحدث معيي؟!! ضائعة