عدم الفهم

اضطراب قلق عام اكتئاب وسواس قهري (خفيت منه بنسبه كبيره) أما الاكتئاب عامل زي المرض المزمن والمشكله أن محدش حاسس بيك ولا عارف انت بتفكر في اي ولا اي اللي بيحصل جواك بس اللي بيظهر ليهم اني بتدلع...

الناس اكتر حاجة بخاف منها كل ما العمر بيجري بيا كل ما بيكون صعب عليا اتعامل مع الناس الفكرة اني بحس الكدب والنفاق بشكل واضح بسهولة بفهم دا وانفر ومع الوقت بقي تقيل عليا حتى اني انزل الشارع اجيب حاجة لنفسي او للبيت حتى الكلام معاهم صعب بحس ان محدش فاهمني مهما اتكلمت

الواحد بيحاول يدور على حد يكون شبهه عشان يحكيله ايه اللي مضايقه و في نفس الوقت يغهمه بسرعة و يقدر ده و يسمع و يحاول يساعد و في نفس الوقت انا مبعرفش احكي اللي مضايقني غير لو اللي قدامي عرف يطلعها مني و اوقات كتير ببقى هموت و احكي و مش عارف حد فاهم حاجة؟

أنا أصغر اخواتي مليش رأي في أي حاجة عشان الصغيرة لما بحكي مشاكلي بيتم التقليل منها طول الوقت كنت وانا صغيرة كنت طفلة حساسة وبعيط من أي حد يقولي حاجة تزعلني، كنت بتقابل بالرفض دايما وإني بتدلع، بدأت أمنع نفسي من إني أبوح بمشاعري عشان مكونش عيوطة، كنت بمنع نفسي دايما حتى لو كان بالإيذاء الجسدي، الموضوع دا جابلي بانيك أتاكس ومبقتش بعرف أعيط زي الأول، حاليا لسه محدش بيفهم مشاكلي ولا بيستوعبها، واقتنعت إن مفيش أي حد هيقدر يعمل كدا، الموضوع دا بقا بيعملي مشاكل في علاقاتي أنا أه اجتماعية بس بيخلي علاقاتي مش مريحة ومش حلوة