عدوانية

انا مخنوقه ومتضايقه انا بحس اني غير سويه عندي مشاكل نفسيه مع انى محصليش صدمات او تعرض ل حاجات جامده بس مش عارفه لي انا حاسه انى نفسيا مش سويه بقا عندى عدوانيه بشعه تجاه نفسي والي حواليا بقيت احس انى عاوزه ااذيني كمان بحس انى مش حابه اسمع حد ولا قادره ادعم حد نفسيا وكدا وعندي اكتئاب حاد مش عارفه لي كدا بس وعندي مشاكل نفسيه كتير والموضوع مبقتش قادره اتعايش معاه وكمان كذا حد قالي انى غير سويه ف حسيت انه انا مش بتوهم مش عارفه انا بحكي ده لي بس ساعات الواحد لما بيحكي بيكون اهدي شويه

انا عندي 20 سنه ومن صغري وانا متعود عالشارع واني اروح واجي واتعامل مع ناس حتى لو عدد قليل ، زي بتاع السوبر ماركت او حد معرفوش بس احنا الاتنين بنشتري حاجه من نفس المحل ف نبدأ كلام مع بعض ، بس مشكلتي ان دايما بحس ان حد بيراقبي ، بس مش حد مركز معايا وخلاص ، حد بيتربصلي ومستني مني اي لحظه عشان يتخانق او يتشاكل معايا ، دايما عندي احساس ان اي حد فالشارع وانا ماشي يعرفني ميعرفنيش مش طايقني ، بقيت عامل زي المجنون ابص لوش كل واحد وانا معدي فالشارع ، بس بعمل حسابي وابصلهم بعدوانيه، ف اخسر سلامي ف اي مكان بروحه والناس متحبنيش وتشوفني مصدر تهديد ويتحدوا عليا لو ف مشكله ويطلعوني غلطان