عزلة اجتماعية

بحس بوحدة غريبة رغم إني وسط ناس. مش لأن مفيش ناس حواليا، لكن لأني نادرًا بحس إني مفهومة بجد. مع الوقت بقيت أبطل أحكي، أبطل أشارك اللي جوايا، وأكتفي إني أسمع، لأني فقدت الأمل إن حد يفهم أو يهتم بنفس الطريقة اللي بتمنّاها. المشكلة إني مش عارفة أتعامل مع الإحساس ده. أعمل إيه لما أحس إني مختلفة عن اللي حواليا؟ إزاي أبطل أربط راحتي بوجود حد يفهمني؟ وإزاي أواجه الوحدة دي من غير ما أقفل على نفسي أكتر؟ لو حد مرّ بالإحساس ده قبل كده، اتعاملتوا معاه إزاي؟

اي الاخبار اتمني تكونو بخير انا شاب و عندي 23 سنه انا بطبيعتي بضحك كتير و بهزر كتير و عفوي و حرفيا الناس بتقولي فيا قبول رهيب لدرجه ان لما بنزل مع حد غريب و يشوفني بيتعامل معايا علي اني صاحبه من سنين من كتر الثقه و كنت ببقي مبسوط مؤخرا انا بقيت عكس الي كنت عليه يعني مبقتش اضحك كتير و بقيت لو خرجت استني اللحظه الي هبقي فيها لوحدي عشان مش عايز اتعامل مع حد و بقيت اتجنب التعامل و الكلام عموما حتي الهزار مبقتش اهزره فا عايز اعرف ده لي و ده مش طاقه و خلصت لان انا عارف نفسي كويس بس عايز اعرف بجد هل ده طبيعي ولا محتاج اشوف ثيرابيست و لا اعمل اي

الوحده موضوع حلو اوي من بره بس للاسف مقبره كون أن جمبك حواليك ناس كتير اوي بس انت لوحدك حاسس انك مش مرتاح أو محدش فاهمك بالرغم انك قريب من كل الناس وبتساعد ومصدر امان ليهم بس لي ديما في حلقه مفقوده انك لوحدك شعور علي قد م الواحد بقا حابه بس مؤذي ليه أفق كتير أو وتفكير عميق يستاهل مننا وقفه احيانا بنكون مش حابين نتغير بس يمكن ده هو الحل لإقناع نفسك انك بخير أو يمكن لسه مفيش الشخص الي شبهك أو حاول يبقي هو الوحده بتاعتك المكان الأمن الي بتهرب ليه من كل الدنيا مش شايف كرامتك ولا شكلك ولا اي حاجه بس عارف ومتأكد انك مرتاح ومطمن انك تبان باكتر صوره باهته عندك . هل في حد عدي بالموضوع ده وهل لقي حل وهل لقي الشخص الي بالنسباله الامان والمكان ؟

يجماعه انا حد الدنيا كلها مش بطيقنى ولا كانى عدوتهم دا غير انى كل ما باجى اكلم حد ف جروب او كده بلاقى بعد ما كان الحوار حماسى محدش بيتكلم زى ما يكون كملو كلامهم ف الجروب التانى بتاعهم ولا ايه بقى حسه انى عايزه اعيط بس بكابر 😢