منذ 2 أياميشعر بـ وحيد
بحس بوحدة غريبة رغم إني وسط ناس. مش لأن مفيش ناس حواليا، لكن لأني نادرًا بحس إني مفهومة بجد. مع الوقت بقيت أبطل أحكي، أبطل أشارك اللي جوايا، وأكتفي إني أسمع، لأني فقدت الأمل إن حد يفهم أو يهتم بنفس الطريقة اللي بتمنّاها. المشكلة إني مش عارفة أتعامل مع الإحساس ده. أعمل إيه لما أحس إني مختلفة عن اللي حواليا؟ إزاي أبطل أربط راحتي بوجود حد يفهمني؟ وإزاي أواجه الوحدة دي من غير ما أقفل على نفسي أكتر؟ لو حد مرّ بالإحساس ده قبل كده، اتعاملتوا معاه إزاي؟
ساعات كتير الظروف بتجبرنا نكون مع ناس مش شبهنا مش حاسة بينا بس اكيد في يوما ما اكيد هتلاقي بشخص يكون زيك ويعوضك عن كل شعور سئ عشتيه ويفهمك ويكون بنفس طريقتك اللي تتمنيها
اية هى الطريقة اللى تتمنى الناس تعاملك بيها ؟
كلنا بس لازم نتعود
مش لازم تلاقي حد يفهمك بالظبط حاولي تلاقي حد يسمعك، حد يحس بيكي صدقيني انا شبهك ومش بقابل حد شبهي او فاهمني لكني بحاول اتاقلم مع الأشخاص لان فالاول وفالاخر احنا بنكمل بعض واجهي مشاكلك مع نفسك قبل مشاكله مع الناس عشان تعرفي تتعاملي معاهم افهمي نفسك قبل ما تحاولي تفهميهم بس الاهم متتغيريش لانك زي ما انتي جميله وهتلاقي اللي يحبوكي لانك تستاهلي تتحبي ❤️
الحل أننا نصاحب الوحده ونحبها منقاومهاش ما نقاومه يبقي