عطاء

هو ممكن كثرة العطاء في الريليشن شب يقلل من سعي الطرف التاني ليا أو يبدأ يحس أنه كدا كدا هيوكافئ علي أقل فعل يعمله فا يبطل يشغل باله هو ازاي ممكن يرضيني أو ممكن يعمل اي يفرحني مش عارف اعمل اي

لما تستثمر 4 سنين من عمرك، ومن شقاك وتعبك ومرتبك عشان تسند إنسانة وتكون ليها ولأهلها السند والظهر في وقت ضيقتهم.. مش بتعمل كده تفضُّل، بتعمل كده بأصلك ولأنك حبيت بجد. بس الصدمة الحقيقية لما تكتشف إن اللي شيلته على راسك ووفرت له الأمان، أول ما لقى فرصة تانية باعك وخان كل العيش والملح عشان شخص تاني. الوجع مش وجع فلوس ولا وقت ضاع، الوجع هو قهرة راجل وثق وأمّن وعمل بأصله، وفي الآخر اترد له الخير بالخيانة. حسبنا الله ونعم الوكيل.

قعدت حسبتها بالورقة والقلم لقيت إنّي بضيف لكُل الناس اللي في حياتي؛ بسمعهم، بعذُرهم، بحسن ظني فيهم، بساعدهم لو لزم الأمر، ما بتخلّاش عنهم، بحل مشاكلهم، بفكّر معاهم في قراراتهم، بطبطب، براضي، بعدّي وما بقفش على الواحدة ودا بشهادة كُل الناس اللي بتتعامل معايا. لكن على الـOther Side بقى مَفيش حد بيضيف لي حاجة ومَفيش حد بيعمل أي حاجة عشاني، حتى أبسط حقوقي ما بخُدهاش! أنا حرفيًا بجري على الكُل وولا مرة حد جري عليا.

اني ادركت ان العطاء اللا محدود اتقابل بكل قسوة ، واني حتي اما سامحته (صديقي)ع خيانته للامانه( استحل بيتي بدون اذني ف قرف) ... بقي زعلان حتي ع رد فعلي ورغم كده كنت انا ف كل مره اللي براضيه عشان بحبه وباقي عليه رغم انه ولا مره اعتزرلي ع حاجه وف اخر مره حرفيا قدمت كفني عشان كنت معتبره شخص استثنائي وعمري ما عملت معاه حدود ع الاقل كانت خففتت من وجع قلبي واللي حصل فيا ...

بما انه عيد لحمه ومفيش عيديات (انا اللي بعيد) ف معيدتش الا على البيت بتاعي بس وحاسس اني رئيس جمهوريه او رجل اعمال او ثري ثراء فاحش زمان وانا صغير كنت بقول هو الكبار بيفرحوا لما يدونا فلوس واكتشفت انها بتفرح احسن ما تاخد والله ف ربنا يكرمني يارب بشغل انضف ويرزقني واخلي عيدية اني ١٠٠٠ بدل ٢٠٠ ااه والعيال الصغيره عملتلهم توزيعات بدل العيديه كل سنه وانتوا طيبين ويتم التجهيز لحجز كوره كمان ساعتين ما الدنيا حلوه اهي يجدعان حبوا بعض 😂

كل ما راح أنام يجيني سؤال ليش ليش ما عندي حد بيحبني و أكون أنا أولوياته ليش ما عندي علاقة حلوة مع أخوي ألي تربينة زي توأم و على طول بيتجهلني ليش أنا أعطي كل وقتي لناس باه نفهمهون و ننصحهوم فلمقابل ما نلقى حتى أحد يسمعلي ولا ينصح من قلبو مثلي حتى وليت نكره نقص من طاقتي و نمدهوم فلعلاقات لي ما تنفعي ليش ؟!!!

(دي مش مشكلة دي فضفضه) جوايا كلام كتير و اسأله اكتر بس مش عارفه اتكلم امبارح كنت بعيط كل ما ادخل اوضتي ع فرط العطاء اللي بتخليني اخد بالقلم ف كل مره و علي قد ايه انا صعب او يكاد يكون مستحيل اتحب بالطريقه اللي محتاجاها لكن دلوقتي انا ساكته سوا لوحدي او قصاد حد ساكته يمكن دا تقبل اللي حصل او صدمه مش عارفه بس المهم ان كل حاجة ساكته معادا دماغي

سعات بستغرب ليه بقول امي امي امي دايما هعوض امي عن التعب وعن الدنيا وناسي ابويا اي نعم كدا كدا هعوض ابويا بس ابويا راجل يعني هيتصرف 😂 بس الحقيقه امي تستاهل كنوز الدنيا امي متجوزه بقالها ١٩ او ٢٠ سنه متهنتش فيهم ابدا يدوب ٥ شهور وحملت فيا 😂 شافت كتييير اوي واللي مجنني ان عمرها محسست حد بحاجه ستي من يومين بتقولي امك بقالها كتير منزلتش هي تعبانه ؟ سرحت حبه كدا واتكسفت عشان انا مش عارف فعلا ان كانت تعبانه ولا لا انا اسف بس عمري ما كنت اعرف ان البنات بيحصلهم وجع وقت الحيض لان عمري عمرها ما قصرت معانا ف لحظه فالوقت دا وبتتعامل كانها عادي مهما كانت وجعها عمري ما شوفت امي راقده في السرير كدا زي الناس اللي بتتعب كدا وحد يقعد حوليهم حتى امبارح بقولها متعيشي المرض يا امي يعني عادي لما تتعبي ارقدي شوية او اقعدي كدا عشان البيت يميل ونحس وردها انها ضحكت بحبك والله يا امي وربنا يبارك فيكي ويحفظك ويرزقني اعوضك عن كل لحظه تعبتي فيها عشانا واحققلك كل اللي نفسك فيه عشان انتي بجد تستاهلي كنوز الدنيا

انا واحد من ضمن الناس نفسي الاقي بنت احبها وتحبني ويبقي فيه اقصي مراحل العطاء من نحيتي ونحيتها بحيث ان نحس مع بعض اننا بنستمد طاقة ايجابية من بعض.. قادر اني اديها عنيا وقلبي وروحي لانها تبقي شريكتي ف يومي اللي هو هيبقي ده اغلي ح عندي