علاقات اجتماعية

جماعه صحابي متخانقين وانا مش عارفه اعمل ايه بجد لأن في واحده بتوريني المحادثه وبتقولي بصي طريقه التانيه و التانيه هي فعلا غلطانه بس انا مش عارفه اكلمها ولا اسيبهم يتصالحو مع بعض مع ان التانيه اصلا مفيش سبب تزعل عشانو اكلمها و اعرف ايه اللي مزعلها ولا اسيبهم هم مع بعض هما صحاب من فتره وانا صحبتهم يعتبر جديد

أنا دايما بحس اني وحيده مش عارفه لي بحس كدا .. أنا بجد كل الناس بتحبني ويتقرب مني وفي ناس بتتنني اني اكلمها أو اكون صحبتها مش غرور والله بس لما بنتصاحب بيقولولي كدا بس بردو وبالرغم من كل دا دايما بحس بالوحده مش عارفه ليه بس الموضوع دا بيخنقني اوي ودايما بحس ان الناس دي هتمشي

احس نفسي اكثر شخص سلبي في هذه الحياة . أؤذي الناس بدون ما أشعر . حتى أقرب واحب شخص بالنسبة لي اصبح يكرهني بسبب أذيتي له . في العلاقات الاجتماعية احس اني شخص ناقص بينهم أو غير موجود احيانا . دائما اتمنى لو يرجع بي الزمن لأصلح الخطأ الذي ارتكبته مع الجميع وخاصة (الشخص القريب)

هاااي انا عندي صديقة تطلع مع شباب عادي و انا ولا مرة طلعت مع شب هي ليوم اتصلت فيني و بدها مني اطلع معها و مع اثنين شباب ثانيين و مش عارفة كيف اقنعتني بدي رأيكم او طريقة عشان ما اروح لاني مش مرتاحة 💔💔

أنا أصغر اخواتي مليش رأي في أي حاجة عشان الصغيرة لما بحكي مشاكلي بيتم التقليل منها طول الوقت كنت وانا صغيرة كنت طفلة حساسة وبعيط من أي حد يقولي حاجة تزعلني، كنت بتقابل بالرفض دايما وإني بتدلع، بدأت أمنع نفسي من إني أبوح بمشاعري عشان مكونش عيوطة، كنت بمنع نفسي دايما حتى لو كان بالإيذاء الجسدي، الموضوع دا جابلي بانيك أتاكس ومبقتش بعرف أعيط زي الأول، حاليا لسه محدش بيفهم مشاكلي ولا بيستوعبها، واقتنعت إن مفيش أي حد هيقدر يعمل كدا، الموضوع دا بقا بيعملي مشاكل في علاقاتي أنا أه اجتماعية بس بيخلي علاقاتي مش مريحة ومش حلوة

انا مش عارف الي عندي ده تعلق مرضي ولا ايه بس انا هقول الي بعاني منه انا اغلب الوقت منكش عندي صحاب ولما بقي عندي بيبقي واحد بس مثلا و ببقي متعلق بي جدا لدرجه اغلب الوقت بزعل بسبب قله الاهتمام او اني ديما بقدم حجات كتير و الشخص التاني مش بيقدر بحس اني مش متشاف اصلا فهل ده بسبب الoverthinking و التعلق ولا ايه

عملتو ايه بعد التخرج انا في سنه رابعه خلاث في اخر ترم عاوز اعرف بتعملو اصحاب ازاي بعد سنين الدراسه ما خلصت بالنسبالي معضلتي حاسس اني الناس اللي كنت بقابلهم في الجامعه مش هقابلهم تاني وحاسس ان فتره ما بعد التخرج هبقا لوحدي اكتريه الوقت بسبب ان كل واحد هيركز علي الكاريؤ بتاعه وانا مبحبش العزله خالص

انا انسانه الدايره اللي حواليا مفيهاش ولاد غير ابويا و اخواتي الولاد حته عيلتي مفككه الحمدلله يعني مكان دراستي مفيهاش ولاد خالص ولا حته الكورسات اللي باخدها مفيهوش ولاد مش بطلع من البيت كتير بحاول اقول اي تبرير بس انا بجد عمر ما حد قالي انه معجب بيا! المفروض مربطش الموضوع بشكلي بس انا بجد بحس كدا ان اكيد شكلي وحش علشان ملفتش نظر حد عامة انا عارفه ان شكلي مش حلو انا بجد متلغبطه بس الموضوع صعب

اهلي دايما كانو متجنبين لينا مجرد بيادو واجبهم في توفير الاكل والشرب واغلب الوقت برا البيت يا اما في البيت بس محدش بيتكلم مع حد ودا خلانا او خلاني انا بالذات وسط اخواتي منعزل ومش بحب اكلم حد ودا اثر على علاقاتي الاجتماعية وبقالي حوالي كم سنه كدا حاسس بالوحده