غصة

احساس غصه شديد جدا كإن الحزن خلاص سكن في القلب ومش عايز يطلع تيجي تسند ع حد مش بتلاقي لا أهل ولا صحاب ولا اي حد بتلاقي الي قدامك يا يستغل ضعفك يا يدوس عليك عارفه ان كل حاجه تتحل بالقرب من ربنا وان ربنا بياخد مننا الحاجات الي بنحبها عشان نلجأله لانه بيحبنا بس الغصه كبيره لما تلاقي كل حاجه ضاعت منك فجأه كده خصوصا لما تكون متعود انك دايما قوي وفجأه تحس انك محتاج مساعده

"الأسف الحقيقي هو إنك تعيش ندمان على عُمر ضاع في المكان الغلط" أصعب نوع من الأسف مش اللي بتقوله لحد غلطت في حقه، أصعب أسف هو اللي بيبقى "غصة" في القلب لما تدرك إنك: جيت على كرامتك عشان خاطر "وهم". ضيعت وقتك مع ناس مبيستاهلوش ثانية من تفكيرك. سكتت عن حقك لدرجة إنك نسيت إزاي تتكلم الأسف شعور تقيل، بس هو "مراية" بتوريك قيمتك الحقيقية اللي إنت كنت ناسيها. استغله عشان تبدأ صفحة جديدة، بشروطك إنت، مش بشروط حد تاني.

عارفين انتو شعور لما تفتكروا ذكرى معينة تيجي ع بالكوا ذكرى حلوة مع ناس كنتو بتحبوهم فتشموا ريحة مميزة اوي كأنها بتاعت الذكري دي! الشعور دا يقهرر لما الريحة دي تختفي مرة واحدة وتفضل تحاول تشمها تاني عشان تسترجع الذكريات دي تاني احساس غصة في القلب❤️‍🩹

فيه حاجه محسسانى انى شخص وحش لما بشوف جروب صحاب متجمعين او عيلة وخارجين مع بعض وكده بحس بغصه فى قلبى عشان للاسف عندى مشاكل مع عيلتى كتير ومش بتعامل معاهم ومعنديش صحاب فا بحس بانه نفسي اعمل ده بس مش عارف فا بحزن بفضل ادعيلهم واذكر الله عشان محسدهمش بس فى نفس الوقت ببقى زعلان هل حد يعرف ازاى اتعامل عادى واتخطى ده