29 Mar 2026يشعر بـ منهك
فيه حاجه محسسانى انى شخص وحش لما بشوف جروب صحاب متجمعين او عيلة وخارجين مع بعض وكده بحس بغصه فى قلبى عشان للاسف عندى مشاكل مع عيلتى كتير ومش بتعامل معاهم ومعنديش صحاب فا بحس بانه نفسي اعمل ده بس مش عارف فا بحزن بفضل ادعيلهم واذكر الله عشان محسدهمش بس فى نفس الوقت ببقى زعلان هل حد يعرف ازاى اتعامل عادى واتخطى ده
لما تكون عارف انه دى حاجه مش بايدك وانك ملمش ذنب انه عيلتك مفككه او انه معندكش صحاب رغم محاولاتك الكتير تصاحب ناس على الرغم منك انك شخصيه خجوله وقتها هتفهم انه دى مشاعر طبيعيه وعشان تتخطاها لازم متعرضش نفسك لها مروحش لمكان مع حدظاعرفه عارف عيلته هناك هحس بنقص وبتعب الافراح نفس الكلام متطولش فيها عسان متحسش بالعحز دا تحط هدف قدامك انك تكون اسره وتعمل عيله بتحب بعضها عشان متعرضش ولادك ولا اهلك لنفس المشاعر دى
بص انا زيك بظبط الحل انك تخرج تتمرن وتروح كورسات وحاجات فيها تجمعات وتقدر تكون صحاب صدقني هتعرف ناس جميله جدا
بالنسبه لي الأهل ف ديه حاجه خارجه عن اريدتك أما بالنسبة لي الصحاب ف انت ممكن علشان انت في المكان الغلط وسط الأشخاص الغلط جرب تروح اماكن بعيد عن الروتين أزل تطوع شوف كورس شوف نادي و لو سنك 18 تقدر انك تدور علي اقرب مجموعه كشفيه ليك و تنزل معاهم غير من الأماكن الي بتروحها و من الناس الي بتتعامل معاهم اكيد هتلاقي الي شبهك
انا كنت زيك كده الحمدلله علي كل حال
ومن ناحيه العيله فللاسف اغلب العائلات مفككه بس اتعلم من ده انك تختار شريك حياه صح وكون العيله اللي انت حاببها انت مش وحش بس اختار صح بلاش تغلط غلطتهم
شكلك شخص كويس نصيحه مني ليك متفكرش في نفسك انك قليل قول لنفسك انا لغايه دلوقتي ملقيتش الصحبه الصالحه اللي يستاهلوني عزز من نفسك اوك
انا أصغر منك مش حاسس اني هكون مسلي اوي وبمر بفتره صعبه شويه خايف أكون مش عارف اديلك حقك كصاحب
والله العظيم انا زيك انا لو اعرفك كان نفسي نكون صحاب انا صحابي كلهم كبار بسبب كدا