فرح

عاوزه نصحتكم انا فرح صحبتي اعز اصحابي قرب وهي نفسها اكون معاها حتي هي قالتلي كدا وكمان هي صحبت الكليه واقرب حد ليا مشارعنا كل حاجه سوا المهم فرحها قرب وللاسف هيكون يوم جمعه يعني مفيش مواصلات وهي الفرق بين بلدها وبلدي ساعه يعتبر او ساعه ونص ومعنديش اخوات ولاد يروحو معايا وبابا ممانع حتي نروح افراح في البلد فاستحاله اعرف اقنعو واهلي اصلا مش من النوع اللس بيقدر مشاعر اصحاب والحاجات دي بيشوفها لعب عيال انا قولت لاهلي ان هروح حاجه تبع الكليه وفيها مابيت وكدا لان هتاخر ومش هيكون في مواصلات الجمعه فامي قالتلي معنديش مانع وهكلم مع ابوكي طلامه حاجه تخص تعليمك انا شايفه ان مش بحب اضحك عليهم او اكدب عليهم وزعلانه من كدا جداا وكمان حاجه اما اكلمت مع صحبتي عرفت ان اصحاب اخوها هيباتو في نفس البيت بس هيكونو في شقه فوق وانا هكون مع خالتها في الشقه اللي تحت انا مرعوبه من اهلي وكمان ان في شباب فكرت ان اعتذر ليها بس هي هتتقبل ؟ ملحوظه صحبتنا التالته هتروح لان مامتها مساعدها وقالت ليها هاجي معاكي ونجيب حد قربنا يودينا ويجبنا بالعربيه لان استحاله يكون في مواصلات في البلد دي فانا حاسه بزعل حتي صحبتي اما عرضت عليها اروح معاهم حاستها الموضوع تقيل علي قلبها كدا فانا مش عارفه اعمل ايه

عندي دايما فوبيا و خوف من ان تيجي خطوبتي و فرحي و يبقي الاجواء هادي و ساكتو ممل و مفيش ناس كتير حتي صحابي معتقدش انهم هيعملو جو و هيصه و انا اصلا ف العادي معارفي مش كتير خالص و معنديش صحاب غير اتنين او تلاته و مش مقربه غير لواحده و حتي عيلتي مش كبيرة ف دي من اكتر الحاحات اللي ممكن تقلقني او تخوفني لما اجي اتخطب او اتجوز و المشكله ان الموضوع واصل معايا ب اني بفكر ان لما اتخطب احاول اقنع خطيبي اني مش عايزة لا خطوبه كبيرة ولا حتي عايزة فرح و معنديش ادني مشكله

عندي مشكله النهارده كنت نازل عايز اجيب بيزك وقولت هروح واختي الصغيره امي قالتلي خدها معاك هاتلها بنطلون خدتها معايا وجبت الحاجه وملقيتش ليها بنطلون شربنا عصير وكلنا مولتو واتمشينا لحد ما رجلنا وجعتنا بس كانت خطوه حلوه جدا صراحه واتفقت معاها لما اختي التانيه تخلص امتحانات نخرج احنا التلاته نفس الخروجه ونجيبلها نقابات وطبعا كله على حسابي 😂🤍 دمتم في امان الله #رحلة تغيير

مشكلتي ان انا مش حاسس ب اي حاجه في الموت مش بحس و بكون واقف ثابت ولا بعرف اعيط في الفرح مش بحس في اي مشاعر مش بحس ساعات ابقي حساس برضو و لتاع بس في حاجات زي اللي ذكرتها فوق و كدا بحس اني بارد جدا وده مضايقني مش عارف اعبر عن نفسي

مشكله والله العظيم بتحرج والله بشوفني انسان حقير ياااه يعني بعد كل اللي بعمله وكل العك وكل القرف دا لسه بتكرمني ؟ انا عاصي مذنب ومفيش فيا حاجه عدله ومازلت بتكرمني ؟ يا الله يارب يارب ارزقني لذة الصلاح يارب يارب ارزقني لذه الصالحين خاتمين القرءان يارب الدوبامين عندي فووووووووووووق لاول مره ف حياتي ادخل العشاء امام وبجد الفرحه مش سايعاني مغلطتش موقفتش متوترتش ايه الجمال دا بجد ربنا كريم اوي يجدعان يارب ارزقني لذة طريق الصالحين وصحية الصالحين يارب

موقف يبان إنه عادي بس مكنش عادي!! امبارح كان فرح أخت صاحبتي رنت عليا قبل المغرب قالتلي تعالي معايا السيشن علشان هتكون لوحدها في العربيه قولتلها ماشي فضلت معاها لعند وقت العشا ركبت معاهم ووقت الزفة برضو كذلك ووقت ماوصلنا مكان الفرح اخدت حاجتهم معايا وقعدت وعادي معنديش مشكله وفرحانه وواقفه جنبهم طول الفرح جت بنت صاحبتها هي لسه عارفاها من سنتين بس بقوا قربين أكتر مني أنا وهي مع إني قولتلها من الأول قالتلي لا محدش هيكون زيك وأنا تمام المهم لما البنت دي جت طلعت جابتها من بره ووقفت معاها وأنا أعرف البنت دي برضو وبجبها عادي معنديش مشكله معاها المهم طلعت دقايق بره قالتلي ماتتأخريش علشان الشنط والحاجه ماتفضلش كده رجعت لاقيتهم بيصوروا فيديو مع بعض تمام برضو وقت ما العروسة خلصت وجه وقت التصوير بالكاميرا كنت قاعده أنا والبنت دي على نفس الترابيزه هي شاورتلها تتصور معاها ومابصتليش!! وفضلت قاعده معاها شويه وسايبه العروسه والناس والفرح وأنا ولا كإني كنت معاكِ من أول اليوم لعند الساعه 12 بالليل تقريبًا وقبلها بيوم كانت الحنه وروحت برضو علشان ماتبقاش لوحدها وصاحبتها دي مكنتش موجوده فاللي هو ليه؟!! ماضايقنيش حاجه قد حوار الصوره ده كانت بتتصور مع بنتين صحابها تانيين وقامت شاورت لدي وأنا كإني شفافه آسفه إني طولت بس كنت محتاجه أتكلم

سوال بس هو فعلا الذكريات الحلوة بزعل عليها والذكريات الوحشة بفرح بيها اني هي خصلت في حد زي ولا انا اللي عاكس وانا بس اللي مقتنع بالكلام ده وبردو لان الذكريات الحلوة بتندم وتقول في نفسك ياااه لو ترجع يااه

مبسوطه اوي لان الكلام اللي كنت بقوله عنه طلع مش صحيح و انه طلع لسه بيحبني و مشاعره حقيقيه و كل فتره بيتغير للاحسن معايا ادعولنا يارب نفضل مع بعض دايما و يفضل دايما كويس معايا و مبسوطه اوي انه ف حياتي 😅🩷🩷 ياريت

اكتر حاجه جميلة نعملها لنفسنا اننا نساعدها تفرح عشان حقيقي الموضوع يستحق جدا واحنا أولى الناس بالمجهود اللي ممكن يتعمل.. يعني بلاش الفرحه تكون بس بالخروج والتنطيط وامور كتيره تتعمل، ممكن ننبسط بحاجات بسيطة عادي

جماعه هو ازاي انسان يقدر انه يغير مودي كده؟. تبقي قاعد مخنوق ومش طايق نفسك حرفيا لدرجه انك معملتش اي حاجه من ال متعود تعملها في العيد لمجرظ ان الشخص ده مكلمكش ولما يكلمك يعيد عليك تتبسط فشخ مع ان الفعل صغير فشخ

والله ياجماعة انا كان نفسي افرح زي الكل بس مش عارفه محدش سايبني افرح كلهم ضددي وكأنهم بيتعمدو يضايقوني علشان بيحبو تعاستي اروح بكرا اصلي العيد لوحدي ولا اصليه في البيت وخلاص اتمنى الكل يرد عليا🙏

بكرة العيد يا عيال 😡😡 قالبينها نكد ليه افرحوا واتبسطوا وقيمزا شعائر الله نفسي مرة اخش الآب هنا ملاقيهوش كله نكد (رغم اني منكد على نص اللي هنا وقارفهم بمشاكلي) بس بكرة العيد وممكن نفصل يوم عادي وبعد كدة نكمل نكد

من العباده انك تظهر الفرح والسرور ف العيد حتي لو كنت مهموم وزعلان والدنيا مش مضبطه معاك ف كل حاجه. يارب يجعل ايامنا كلها عيد متحملش نفسك فوق طاقتك… انت مش مسؤول تصلح مشاكل العالم. انت مسكين، ولو عرفت تصلح حياتك و تعمل مسؤلياتك تبقي حلو جداً

انهارده نزلت بدري شويتين قبل الأذان بتلت ساعه المهم لما رحت المسجد لقيت واحد من صحابي بتوع زمان كان قاعد بيقرأ قرآن ف انا بيني وبين نفسي الصراحه فرحتله وافتخرت بيه جدا لان انا زمان كنت كويس ومحافظ علي الصلاه في الجامع اغلب الوقت ومحافظ علي ورد كل يوم من القرآن بس اتلميت علي ناس خلتني ابعد عن ربنا وحده وحده لحد ما فجأه بقى مفيش صلاه ولا قرآن واوقات بيبقى طول الاسبوع مفيش غير صلاة الجمعه المهم اني بقيت فرحان علشان صاحبي دا وفي نفس الوقت زعلان علي نفسي وفي نفسي حمد ربنا ان حصلت ظروف وبقيت مبقابلش الصاحب دا لما اتغير للوضع بتاع دلوقتي لاني كان ممكن اسحبه بالغلط ف ربنا يهدينا جميعا و صاحبي دا يختم القرآن بإذن الله

مش عارفه اقول ايه بس انهارده أنا مبسوطه مش من السهل اكون مبسوطه بس انا مبسوطه و مش عارفه أنا بقول هنا ليه بس حبيت اشاركم اني مبسوطه و ليه مبسوطه عشان كان عندي صحاب من اربع سنين و افترقنا و انهارده ل سبب مش حلو يعني للاسف اجتمعنا

أه بصيح مش مشكلة انا تعبانة بجد وماليش غير ربنا ليه الدنيا تقيلة كدة وليه مفيش حاجة بتهون ليه الوحش والتعب والحزن كتير والفرح يا دوب بفتكره بالعافية ليه العمر بيجري والملامح بتتغير والقلب بيموت ليه بنتعشم ليه بنتكلم ليه بنحاول كل مرة نقع فيها بنحاول نقوم حتى لو هنرجع لنقطة الصفر تاني ليه بنعافر عشان نعيش عيشة احنا مش حابينها ولا عايزينها ليه بنعيش واحنا عارفين ان كل خطوة شايلة وجع وتعب كبير ليه كل مرة بنستنى نتيجة مختلفة مع اننا ماتغيرناش ولا عارفين نتغير ليه لازم ندفع ضريبة لكل حاجة بنتمناها بس هي دي الدنيا أنا عارفة ..حكمة ربنا

كنت في فرح حد من صحابي امبارح و بعد الفرح لقيت ان حد بيبعت لعروسه صاحبي من صحابها البنات ان هي معجبه بيا و ان طول الفرح كانت مركزه معايا و انا اتبعتلي الكلام ده من صاحبي بس انا مش حابب اتعرف عليها انا من النوع اللي بحب يكون في مشاعر متبادله بين الطرفين و اكون عارف الشخص اللي قدامي قبل اي حاجه و اتكلمنا من قبل كده خايف اقول لا اعمل مشكله لصاحبي مع عروسته لان دي صاحبتها الانتيم بس لحد الان بتهرب

انهارده كان عيد ميلادي مش هقول كنت وحدي والجو ده وزعلان لا انا كان علتي كلها موجودة وعملولي مفجاة جميله بجد عمري مندمت اني اختيرتهم وسبت اي بنت قكرت تبعدني عنهم بجد الاهل أجمل حاجة موجودة بجد ان مفيش حد بيجاول يفرحك غيرهم

"قبل فرحنا بـ 7 أيام بالظبط، كشفتها وهي بتخوني مع واحد تاني.. الوجع مكنش مجرد زعل ويعدي، الوجع هدّ صحتي وجسمي لدرجة إني من بعد الصدمة دي وأنا بعاني من مرض مزمن ملازمني. خانتني وضيعت فرحتي، والزعل ضيع صحتي.. بس أنا راضي بقضاء ربنا، وعارف إن الابتلاء ده تطهير ليا، والحمد لله إن ربنا كشفها قبل ما أدخل بيتي. دعواتكم ليا بالشفاء."❤️🥀🥀

الاول كنت بحلم ونفسي احقق حجات كتير اوي دلوقتي حتي لو الحجات دي كلها اتحققت معنديش طاقه ولا روح اني افرح بيها بقى كل حلمي ان حياتي تنتهي ف اقرب وقت كل شويه بتشاهد عشان لو جت اللحظه دي خايفه اخرتي تكون صعبه كمان بس قاعده مستنياها وعشمانه في ربنا

من وقت متغيرت ورجعت لربنا مره واحدة وبطلت حجات كتيره وحشه وانا ديما حاسس برضا وفرح بجد حتا لما بضيق بقراءة شوية من كتاب ربنا بنسي كل حاجة بجد هوا حل لكل مخنوق او تعبان اقراء من كتابو هتلاقي الحل جه وحدو بجد انا حرفيا كنت مروح حد قفل باب العربية علي ايدي بجد الطبيعي ان تحس بوجع او تكشف بجد حاسس ربنا وقف معايا ومش حاسي باي حاجة هوا بجد بيقف معانا بوست في حب ربنا ❤❤✨

معنديش صحاب مفروض اسكت على كدة بس هحتاج اكتب معنديش صحاب اللي هو ننزل ع القهوة ونبقى شلة واتصل على اي حد فيهم لو في اي مشكلة او محتاج حاجة.. لما بشوف فيديوهات التيك توك للشباب اللي بيبقوا منزلين فيديوهات هزار على القهوة اللي هي بتلاقي البنات كاتبين في الكومنتات يا بخت الرجالة ويا ريتني كنت ولد وقعدتهم بتكون حلوة ومش عارف ايه ولما تقولك انا ولا القهوة عايز اقول للبنات مش كل الولاد عندهم كدة انتو عارفين انا خايف اتجوز عشان يوم الفرح بكون عارف ان العريس بيكون مشغول في كام حاجة فبيكلم صحابه كل واحد فيهم مثلا يعمله حاجة او يجيبله حاجة او يتولى مسئولية حاجة انا خايف من اليوم ده لملاقيش حد اكلمه خايف من يوم شيل العفش لملاقيش حد خايف ملفرح لملاقيش حد يرقصلي ويهيص بس مبقتش خايف عشان ربنا أكبر من الكل

تظل العدو الاول و الغريم الازلى للانسان هى الوحده مهما كافحت و حاولت و سعيت و جيت لو انجازاتك دى معندكش حد يفرح بيها مش هتحس بحلاوتها مهما أنكرت و حاولت تبان صلب فى يوم من الايام مقاومتك هتنهار و تقع لان الوحده دى العدو الوحيد للانسان اللى فى الاخر مهما عمل هتخليه يرفع الراية البيضاء و الوحده مش شرط انك تبقى لوحدك بالمفهوم التقليدي ممكن تبقى وسط ناس كتير و انت لوحدك و محدش حاسس بيك ولا فاهمك فالموضوع يبقى اصعب الوحده قاتله و ياريت كل واحد يلاقى الشخص اللى يقتل الوحش ده عنده

الصُحبه غيرتني خلو نظرتي لنفسي فيها ثقه وثبات كدا بقيت بشوف نفسي بعنيهم بفرح وبحس قد اي انو ربنا أكرمني بيهم في حياتي علشان يساندوني ويقوو مني لما ببقي محبطه وزعلانه علي حاجه يقولولي مبتقفش يا بنتي متزعليش من من قيمتك متتعلقيش دا مش انتِ أنتِ غاليه عن أن الدنيا اللي ملناش مكان فيها تزعلك احنا جينا نزرع بس وهنحصد قريب متتعلقيش بيها لا بصحاب ولا علاقات ولا بأماكن متتعلقيش

انا عندي زمايلي شباب في الجامعه شاكك انهم بيعملوا مع بعض افعال لوطية لاني حصل قدامي كذا موقف منهم اني قبل كدا لقيتهم بيمسكوا بعض من اماكن حساسه و يعقدوا يضحكوا ، دلوقتي حد منهم عزمني علي فرح قريبته و انا معنديش صحاب و يعتبر تقريبا اول مرة حد يعزمني اروح معاهم و مليش دعوة باللي بيعملوه بحيث اني مفقدش فرصة ان يبقي عندي صحاب ؟

افرح عالحاجه اللي كان نفسي فيها وعملتها ولا ازعل من ان دوام الحال من المحال ، اعيش حياتي واكون مبسوط وراضي باللي انا فيه ولا ازعل من ان اي حاجه فالدنيا ممكن تضيع عادي ف وقت اقصر بكتير من الوقت اللي انت خدته عشان تبني الحاجه ده ، اركز علي نفسي وحياتي ومبصش لغيري ، ولا اشوف غيري بيعمل اي ومخليه ناجح ومبسوط ف حياته اكتر مني ، احلم واطمح لحاجات افضل ولا معملش كدا عشان لو معرفتش احقق حاجه من احلامي ، اهرب علي فين…

أنا زهقانة جدا ومزاجي مش حلو يعني ممكن تقترحوا ليا أي حاجة أعملها تغير مزاجي ده شوية ومن غير مجهود كبير يعني ومش محتاجة ناس علما بأن مليش نفس آكل خالص بقالي فترة ولا أخرج بردو ومفيش حد أكلمه وأنا بحب أقرا أوي بس مش قادرة الصراحة حاسة دماغي وجعاني.. حاسة اني قفلتها بس يعني يمكن عندكم أفكار ولو تعرفوا تكتبوا ليا أي حاجة تفرحني شكرا شكرا

انا كان في كمية مشاكل كان نفسي اقولها بس كنت ناسي باسورد الاكونت و اول ما فتحته نسيت كل حاجة مش عارف افرح اني نسيت اللي يزعلني ولا ازعل عشان أنا بنسى كتير و الموضوع مسببلي ازمة MonsterMonsterMonsterMonsterMonsterMonster

الحياه جميله هتقولي منين عرفتي انها جميله هقولك معرفش عايزا اخلص ال ١٥٠ حرف مش اكتر، متزعلوش لان الحياه جميله و الزعل مش مفيد و ليه نزعل و في محشي ورق عنب حد فاهمني؟ و اصلا احنا ممكن نفرح بأي حاجه افرح عشان صحيت بدري عادي او نمت دون تقطع.

انا حاسس اني متدايق بس مش عارف ليه و حاسس انو زعلان و مش عارف ليه برضو و بحس انو فرحان و برضو مش عارف ليه🙂 حد عندو تفسير منطقي او غير منطقي حتا عشان انا عاوز اعرف الكلام ده و الحجات دي معناها ايه

المشاعر هي أجمل حاجة في الحياة، لأنها الشيء اللي بيمنح كل لحظة معناها الحقيقي. مش بس المشاعر الجميلة زي الحب والفرح، لكن حتى الحزن واليأس والإحباط، رغم قسوتهم، ليهم جمال خاص؛ لأنهم بيخلّونا نحس، نتأمل، نفهم نفسنا وننضج. قيمة المشاعر مش في كونها مريحة أو مؤلمة، لكن في كونها دليل إننا أحياء، بنعيش التجربة بكل تفاصيلها. وحتى المشاعر السيئة، رغم صعوبتها في لحظتها، ممكن مع الوقت نكتشف إنها كانت جزء من شيء أعمق شكّلنا وغيرنا. يمكن جمال الحياة أصلًا موجود في التناقض دا. إن كل شعور، مهما كان ثقيلً أو دافئ، بيضيف للحياة طعمها الخاص

يا الله عارف الزعل والفرحه فنفس الوقت لسه راجع من صلاه الفجر اللهم لك الحمد فالمسجد اسال الله الثبات كان معايا اخويا الصغير المهم بقوله نفسي ف مره اصلي انا لو مفيش وكده ودخلت المسجد قابلت واحد صاحبي وسلمت عليه واذ مفيش حد يصلي وصاحبي بدون تردد اتقدم هو ) هو ازهري وخاتم القرءان ربنا يزيده ويبارك فيه وصوته اللهم بارك فرحتله اوي من قلبي والله ودعيتله ف الصلاه بس زعلت على نفسي والله اني مقصر مش بحسده والله بس كنت اتمنى ابقا انا الله المستعان كتبتها ٦.٦.٢٠٢٥ والنهارده انا حققت حلمي دا ودخلت امام تقريبا تسع مرات وبقين بصلي الفجر دايما في المسجد بتاعنا مع اني مستحقش بس كرم ربنا ف تذكيرا ليك يعني لها فرج والله

بتعملو ايه لما تحسو انكم مش حاسيين بحاجه لا فرح ولا حزن وتحسو انكم ثابتين مكانكم مع ان وراكم حاجات كتير ومهمه لو حد عنده حل يقولي ولو حد عايز مساعده انا معاه يعني بقالي سبع سنين كده ودايما كنت بتماسك المره دي الدنيا واقعه خالص

تفتكرو الدنيا هتيجي يوم وهتضحكلنا وهنحقق كل اللي بنتمناه ؟ هنتخلص من كل الالم والخذلان والخسارة والخوف وهنبقي مرتاحين ومبسوطين ؟ هيتكتبلنا نصيب من الفرح وراحة البال زي ما اتقسملنا الوجع فترة كبيرة ؟

عندي حاجه اسمها ثنائي القطب مختصره مره وحد ببقا متحمس وفرحن اويييي و بعديها ابقا مكتئب وزعلان حاجه كده طالعه نزله محدش يعرف غير ومش عارف اعرفهم ولا لا بس انا مش حبب حد يعرف هما بيبقو فكرين اني بمزاج

عندي حاجه غريبه دا يمكن بيخليني انسانه كتومه أن يكشف من مشاعري اوي اي مشاعر حزن فرح حب بتكسف يعني مبحبش اتكلم مع حد عن مشاعري يعني لما يكون ف حاجه مزعلاني اوي واجي احكي لحد بعد ما اكتب بحس ايه العبط دا ي بنت امسحي وامسح رغم أنها ممكن تكون حاجه كبيره جدا وتستاهل ازعل عليها

يسعد مساكم ♥️✨ عايز اشاركم حاجة عبيطة شوية .. اتعينت من فترة ف شركة جديدة ، الشركة نظمت مسابقة شطرنج انهاردة انا كسبت اول مبارة استمرت ساعة ونص وكانت صعبة فشخ و البنت اللي قدامي كانت چنيس و كان حوالينا زحمة كتير اوي ع المبارة ، حاولت مبينش انبساطي عشان مسببلهاش احراج .. بس كنت مبسوط فشخ وانا حتي بناقشها بعد المباراة ✨

انا عندي ١٧ سنه ف 3 ث لسه بادئ مذاكره من النهارده ويعتبر ف الصفر لسه ومشكلتي ان مشاعري متلخبطه بشكل غبي انا بكلم واحده سعات بحس اني بحبها ومتعلق بيها جدا وسعات بحس ان عادي وعندي عقده من شكلي انه وحش و ابويا انا في نظره قبيح هو وكم حد م العيله لا حظت كده من كلامهم وافعالهم وسعات اكون مبسوط وبضحك من فيد تيك توك وسعات اقعد اعيط علي سريري معدتش فاهم نفسي

لما بيكون في فرح وانا في جروب صحاب مثلا وحد يبعت يقول يا جماعة فرحي يوم كذا أو فرح اخويا أو فرح فلان وكلكو لازم تشرفوني وكل اللي في الجروب معزوم مش بعرف اروح الا لو الشخص كلمني شخصيا وقالي تعالا وساعات يعملو منشن للجروب كله بس بحس اني مش من ضمن المعزومين حتى لو الشخص صاحبي برضو بكون مستني يكلمني شخصيا لأن رسالة على جروب وتعالو كلكو بحسها زيادة عدد عشان المنظر العام يعني اهو انا واحد صاحبي اخوه هيتجوز باعت كل الجروب معزوم ومش هعرف اخش لكل واحد برايفت وانا بسبب كده معتبر نفسي مش معزوم اصلا رغم اني عارفه من 4 سنين وعلاقتي بيه عادية وكلنا في جروب بس زي مقولت ومش معتبر نفسي اني معزوم بسبب كده

انا اتسابت قبل فرحي بايام متخيلين كم الخذلان ومن غير نهايه بهروب منه كم امنيات كان نفسي فيها ومحصلتش كم وجع اني حبيت واحد مش راجل اتلكك مع اهلي وهرب وانا اتحايل عليه يبقي ف حل وسط مع اهلي المهم اخويا بيتجوز وفرحه بعد ايام بعيش كل اللي عيشته حاليا وفلاش باك يوجع اوي اعمل ايه انا بفتكره كان بيقولي ايه ف موقف ده ولو كنا كملنا كان هيحصل ايه وكنت مبسوطه ازاي ف الموقف ده وهكذا وانا بحب الخير ليهم بجد بس اعمل ايه ف الشعور ده انا مخنوقه اوي ونفسي ابقي كويسه

مساء الخير، دلوقتي فرح مديري في الشغل النهارده وانا بصراحة كنت نايم وراحت عليا نومة وكل الناس راحو إلا انا وانا شغلي كان ريموتلي خلصت شيفت ونمت ونسيت الفرح صحيت لاقيت كذا حد بيرن مش عارف اعمل ايه ولا اقول اية على الموبايلات انا واحد بس رديت عليه قولتلو انت عارف انا عايش لوحدي سباكة الشقة باظت وانا اصلا كنت نايم لاني خلصت الشغل وعاوز انام اعمل ايه؟

عارفين فيه احساس كده دايما يخليك تشك ف كل حاجه يعني انا مثلا حد قريب مني قالي جمل تفرحني وان انا وصلت لمرحله ف قلبه حلوة اوي وقالها فجأه والمفروض تبقا مبسوط لانه من شخصك المفضل فجأه انت تحس ان ممكن بيلعب عليك لعبه أو حاجه خايف لو فيه حاجه دايما حاسه اني عايزة اعيط من الخوف دايما الاحساس ده عندي فرحانه مثلا ببقا مستنيه المشكله ف اي وقت نفسي احس بفرحه كامله

جماعة هو في واحدة ممكن تقبل انها تكون اسرة يعني مع واحد من غير فرح ولا مهر وكده ولا صعبة ، انا للاسف معنديش مقومات مالية كثير ونفسي بجد الاقي واحدة حتي لو أكبر مني وتصرف هي مش هبقي مضايق بالعكس انا محتاج حنان الأمومة

عندى مشكلة شخصية مع الفرح والداعمين ليه كدا كدا كلنا عارفين انه حرام بس انا هتكلم من منظورى كراجل بغير على مراتى فكرة انى اتقبل انى اجمع الناس علشان نسمع اغانى ونرقص دى انا رافضها قطعا اتقبل ازاى كراجل ان مراتى ترقص او تحط ميكب او تطلع جزء من شعرها والناس تشوفها حاسس انى هموت لو دا حصل انت كراجل اصلا ازاى تقبل بده ، دا انا شخصيا كراجل مش برقص وبكره الافراح جدا المشكلة ان البنات شايفين ان دى ليلة واحدة فى العمر وانها لو معملتش فرح مش هتفرح ، حاجة قمة فى العبث

نفسي افهم ايه كمية تقلب المزاجات دي انا حرفيا ببقي طاير من الفرحه وقمة الانبساط اللي في الدنيا وفي نفس الدقيقه وبدون اي سبب اكون مخنوق خنقه مش طبيعيه لدرجة اني بحس ان الحياه ملهاش لازمه وانا عايش ليه اصلا والمشكله ان التقلبات دي متكرره جدا علي مدار اليوم ومش حدث عارض كده وخلاص

انا البنت الوحيدة اهلي بيخافوا عليا جامد حرفيا مش بطلع من البيت غير لو حد معايا ده لو طلعت المشكلة مش هنا المشكلة اني مبقتش اعرف اتعامل مع الناس بقيت بنوتر جامد لو حته فيها ناس او تجمع بحس بالدوشه هما مش فاهمين كدا شايفين اني بدلع بس بجد مش بعرف اتكلم مع الناس بقي عندي رهاب اجتماعي فظيع المشكلة اني بقيت احب أقعد في البيت ولا اني اطلع اشوف الناس عشان بتوتر ممكن يعدي عليا شهر و شهرين مطلعش من البيت المشكلة ان فرح اخويا قرب و هيكون زحمه وأنا اخت العريس لازم هيكون النظر كله عليا مش عارفة اعمل ايه

يا ليت لو كانت الحياة مثل الوردة تزرعها بذرة وتسقيها وتسقيها وانت في داخلك انها ستخرج وردة بيضاء كالثلج تسق وتسقي وفي يوم تنهض لتجد وردتك تنتظرك ما احلى شعور ان الانسان يوصل الامر الذي تعب عليه واحبه من جوارحه أه يا ليت كل متمني يحصل على حبه وفرحه سكينته واهل حنونين حب صادق تقي نقي ونعيشو كلنا فرحانين دون نفاق دون كره وحقد وانانية فقط فرح وحب ومشاركة فالخير

لما واحد يروح يتقدم ويطلب انه مش هيعمل فرح ويستبدلها بعمره والاقي البنت بتقول انا محتاره مش عارفه اقبل بالعمره ولا افضل مصره عالفرح بحس اني هتجنن بجد ، محتاره ؟ يعني ايه ؟ محتاره في ايه وايه وجه الحيره وليه محتاره هو انا اللي اتجننت ولا انتو ولا مين نفس الموضوع مع الشباب اللي يروح لبنت تقبل ده كله ويقولها لا انا هعمل فرح غصب عنكو انتو بجد ولا Ai ؟

الناس فاكرة حياتي كانت سهله عشان بس قولت اني بكون مبسوط وانا وحدي لكن هي كانت عبارة عن كوارث من سجن ظلم لعلاقة استمرت سنين وفشلت وحجات كتير جات ورا بعض لكن بعد دا كله مش هقول وقفت من جديد لأني بفضل الله موقعتش أصلا في أسود لحظات حياتي كنت بضحك واقول ربنا هيحلها وبتتحل فعلا عاوز اقولكم اني شوفت حجات مينفعش اسميها الا معجزات من تدبير ربنا في حياتي والحجات اللي بفتكرها مصايب يطلع الخير كله فيها والدعوات اللي متحققتش اكتشف انها كانت مصايب ربنا صرفها عني عشان كدا لو الدنيا بتطربق حواليا قلبي مش بيتهز لحظة أنا كنت بشوف في السجن رجالة بشنبات جايين في مشاكل تافهه بيعيطوا وانا اللي كان ممكن مخرجش تاني اصلا كنت بضحك من كل قلبي وحاسس ان الناس كلها محبوسه وانا طاير في السما بتفرج عليهم لدرجة اني بعد ما خرجت بحاول اوصل لنفس المستوى دا من الفرحه مش عارف 😂 الصدمات الكتير كسبت منها قوة مش طبيعية مش بتأثر بأي حاجه ورغم كدا محافظ على قلبي لين بفضل الله مش بقسى ولا بتعصب وبعرف اتحكم في غضبي كويس جدا

انا مشكلتى الوحيده انى وحيد بس مش أسمى وحيد انا صفتى وحيد ومليش ونيس ومحتاج ونيس اكمل باقى حياتى معاه وفى الحلال مع العلم أن النهاردة عيد وانا وحيد ومحتاج افرح زى باقى الناس نفسى افرح