فلوس

جماعه كنت شاريه حاجات ف عرض امازون تقسيط بدون فوايد ب ٢٣ الف لقيت البنك بعدها بشهر منزلي ٦٠٠٠ مع اول قسط قالو مصاريف اداريه عشان القسط ع سنتين هو ده عادي ومش عايزين يقسطوهم خالص قالو ان ده من امازون انهم بياخدو ٢٧ % م المبلغ ولما كلمت امازون قالو لا بس مش عارفه اخد منهم لا حق ولا باطل وكلمت البنك قالي القسط والمصاريف هيفضلو زي ما هما السنتين مع اني رجعت سلعه والمبلغ بقي ١٨٤٢٥

انا عندي مشكلة كبيره اوي انا شاب صغير لسا في 3 ثانوي ، مستقل تماما عن عائلتي في كل حاجه ( من وانا صغير ) .. بدرس وبشتغل في نفس الوقت ومظبط اموري بنفسي .. ليه البنات بتكلمني عشان فلوسي مش عشاني انا انا شخصيتي حلوة وكل الناس بتشكر فيا بس البنات اللي بتكلمني عشان تتعرف عليا بيكلموني عشان معايا فلوس وبخرج وبسافر وكل دا

السلام عليكم من فضلكم من حوالي شهر كدة لقيت صاحبي بيرن عليا ودي مش عادته اصلا يعني مبيسالش خالص وخالص دي يعني مبيسالش خالص بجد هوا لما بنشوف بعض بالصدفة بس او انا اللي برسله بسال غير كدة مفيش فكلمته لقيته بيقولي مزنوق في مبلغ ومحتاجه فالصراحة انا كنت مستني انو يسال بس ف اتفاجئت انو بيسال علشان مصلحته المهم انا قولت يمكن هوا مزنوق فعلا واديته المبلغ مع انو هوا لو راح طلب المبلغ دا من حد حتي لو من اللي قريبين منو وبيسال عليهم هيتحججولو باي حاجة ومش هيرضو يدولو ف انا اللي ضايقني اكتر انو اخد المبلغ ومبقاش يسال ولا اكنه يعرفني حتي انا الحمد لله يعني في جامعة خاصة وميسورين الحال يعني مش مستني منو سؤال ولا حاجة بس انا اللي مزعلني اني حاسس ان دا استغلال وبس فهل اطلب منو المبلغ ولا اسيبه ولا ايه

هي انا محتار يعني بي اشتياڨ لشخص مر على فراقو سنتين وهو مع شخص فرحان بس انا لازلت فكر فيه وبين شغل و فلوس ماكو .... و بين رغبة فالتحقيق و فقدان شغف ... مود خربان على طول بسبب و بدون .... انسان ما يتحب اجتماعيا بدون سبب..... دراسة و ضغط .....

انا متخرجة من سنة و اشتغلت ف مجال دراستي الحمدلله بس للاسف مش عارفه احوش خالص و محتاجه احوش مبلغ كبير لحاجة معينه ف دلوقتي محتارة اني اسافر بلد معينة و على الله فترة زمنية مؤقتة لحد م الاقي شغل ف مجال دراستي و لحد م ده يحصل هشتغل دروس خصوصية لاطفال لحد م احوش و اعرف اشتغل ف مجالي (مجالي محتاج امتحان امتحنه بمبلغ كبير عليا حاليا) ولا مسافرش ولا اعمل ايه خصوصا ان فلوس السفر غير متوفرة حاليا و هتصرف فيها و يكون دين عليا

متضايقه جدا علشان انا كنت مقدمة على دراسة وكدا وشغل والحمدلله اتقبلت في الاثنين بس الفكره ما كنتش عامله حسابي ان هو يحتاج امكانيات عاليه ابسط مثال لاب وانا مش معايا لاب و اختي هي اللي معاها لاب الفكره ان انا بحتاجه اغلب الوقت وهي من كتر ما انا كنت بشتغل عليه اللاب عطل وباظ وانا والله غصب عني ده لسه اول اسبوع وعايزه اجيب لاب ومش عارفه اجيب ازاي نحاول مثلا نستلف من حد ونعتبر كاسه ونجيبه كاش لاب بدل ما نجيبه قسط من عند اي حد والفكره اصلا ان ما فيش حد حواليا عنده قسط خالص واللى متوفر هو واحد بس وراجل مش كويس و وعنده بصم وتمضي على شيكات ومش عارفه ايه بس انا مش عارفه ايه الحل بجد وخصوصا كمان ان لاب اختي مش احسن حاجه مش بيستحمل الشغل اللي انا بشتغل ولا الدراسه اللي انا فيها انا كنت مقدمه وقلت زي ما تيجي الحمد لله انها جت بس حقيقى مش عارفه اعمل اى واجيب منين بسعر كويس وامكانيات كويسه

المشكلة تسلفهم وتقف معاهم وقت زنقتهم وحرفياً بيبقو عاملين زي الكلاب وهما جايين يستلفو ولما تمنع تسلفهم علشان تحس انهم بيستغلوك ومبيرجعوش الفلوس اللي بياخدوهااا يزعلو ويعملو زي التعابين ويروحو يشتكوك للناس ويزعلو مع انهم هما اللي غلطانينن وهما عارفين بس عاملين عبايط وانا اصلا ولا فارق معاياا حد ولا اتنين ولا اي انسان لان مفيش حد بيديني فلوس ولو انت وهوا عاملين اللي بتشتكولو مني دا احسن مني روحو استلفو منو واعتبروني زي ما تحبو يا شوية وسخيين

اي حاجه بتروح وتيجي ما يتزعلش عليها فلوس بتروح وتيجي والفلوس تيجي علشان تتصرف مش علشان ندفنها جنبنا.. صحاب الناس بتروح وتيجي ملهاش لازمه اللي بيضايقنا نخلع منه.. شغل بيجليبلنا قلق لدرجه ان احنا ناذي نفسنا نمشي منه حاجه هتروح ويجي مكانها حاجه زيها بالضبط ملهاش لازمه ما نتزعلش عليها امتي نزعل والدمعه دي تنزل كده من عينيا؟ بعد الشر ربنا يطول في عمر اهالينا كلنا 1الاهل.. 2الجواز.. 3الخطيب.. 4 الصحه.. الحاجاا دي اللي يتزعل عليها بجد الحاجات دي اللي لما تروح ما بترجعش.. وبس

السلام عليكم يا فواكه يارب يومكم يبقى لذيذ المهم بقى لو حد هنا طلع عمرة من فلوسه يقولي بقى عملها ازاي و ازاي احوش و كدا(عاطلة عن العمل اهلي بيصرفوا عليا)بس المهم الاصرار لاني نفسي اروح جدا جدا ف اقرب وقت و ربنا يرزقني و يرزقكم يارب

محدش فاهم حاجه اغلبيتنا بياخد بالمظاهر وميعرفش انا أو غيري بيمر بإي او عنده اي إلا من رحم ربي بقينا وحشين اووي وعندنا سوء ظن في حاجة والدنيا واخدنا لدرجه إننا نسينا إننا سيبنها وماشين كل همنا الفلوس نرحم بعض لو مش هتقول كلمه خير يبقي السكوت احسن

السلام عليكم ان،ا الل،ي نز،لت بو،ست امب،ارح بق،ول ف،يه ان الثيرا،،بيست اللي برو،حلها خد،ت من،ي 50 جنيه زيا،دة وح،د قال،ي ف،ي دكتو،رة يعر،فها يا،،رب ير،،د هك،تب اي حاجة عشان الحروف تخ،،لص والبو،،ست يت،،قبل مش عار،فة اك،،تب غير ك،،دا

السلام عليكم عايزة رأيكم انا بنت 20 سنة كنت بروح لثيرابيست واخر مرة روحت لاقيت الممرضة اللي معاها بتقولي هتدفعي 50 جنيه عشان طولت نص ساعة والدكتورة اللي قالتلها ادفع كام بعد ما طلعت لاقيت اني خدت ربع ساعة زيادة مش نص ساعة ودا عادي كان بيحصل كذا مرة حسيت انها حركة مش كويسة واتضايقت اوي بس قولت عادي مش زعلانة ع الفلوس بس خايفة بعد كدا هتكلم ازاي براحتي(وهي بصراحة بترغي كتير في امور مش هتفيدني) اخر مرة روحت من شهر عمالة اأجل عشان اشوف هتصرف ازاي الدكتورة دي روحتلها بعد ما دورت على كذا حد وروحت وانا يائسة ومعنديش امل ومش قادرة يعني معنديش خلق ادور على غيرها وهزعل انهم شايفيني كدا عمالة اتنقل من هنا لهنا ومش بتحسن وكبرت على الحاجات دي ممكن تقولوا رأيكم حاسة انها قلت من نظري وكرهتها ومش عايزة اروح تاني

انا بفضل ماسك التليفون تقريبا طول الوقت مش بسيبه غير على النوم ونفسي اعرف طريقه اقدر اكسب منها فلوس من تليفوني بس اي طريقه تكون مضمونه وانا هتعلمها واشتغل بيها بدل ما انا بسكرول على الفاضي طول الوقت كده حد عنده اي طريقه يفيدني بيها وتكون متجربه

• من راجل لـرَاجل.. ماتخلييهاش طيح بيك ولا تخلي جيبك فارغ، مقدرتش تبروفييتي و تتزوج و تشري طنوبييل و دار ؟ عييش بلا بيهم.. المهم مدخول يكفييك نتا وحدك، هكدا يبقى نيفك ديما فالسماء و واحد ما يتكسل عليك ولا يستشفى فييك، هكا حتى و تتقدر عليك تلقى باش تقابل و نتا دبر راسك

السلام عليكم كان لما اصحابي بيطلبو مني فلوس او بيحتاجوني في خدمة كنت بديهم وبقضيلهم الخدمة علي قد ما اقدر وساعات كنت بقول لوالدي و والدتي وكانو بيقول طلاماا اتعشمو فيك يبقي ربنا باعتهم ليك علشان انت اللي هتقدر تساعدهم وهما يفكروهم اصحاب من اللي لو انا احتجتهم في حاجة مش هيتاخرو ميعرفوش انهم بتوع مصالحهم انا الحمد لله بدرس في جامعة خاصة وحالتنا المادية كويسة فانا مؤخرة كان كل اللي بيطلب كان بياخد الفلوس ويقولي هديهالك بعد فترة وبعد كدة ولا بيجيب الفلوس ولا بيسال حتي ومن بجاحتهم بيطلبو تاني علي اساس انهم نسيو اللي عليهم وانا اقسم بالله ما بيفرق معاياا الفلوس حتي لو هطلعها لله بس مش هديهالهم علشان دا اسمه استغلال وانا مبحبش الاستغلال ودلوقتي االي بيطلب مني اي حاجة منهم بقولو ممعيش ومش بديلو ف دا قرار صح اكيد صح

مساء الخير في مثل جه ع بالي عايزة اقوله فى مثل انجليزي بيقول "A watched pot never boils" معناه (الإناء المُراقب لا يغلي أبدا) ودا معناه ان اي حاجة انت مستنيها تحصل غالبا هتاخد وقت في ذهنك أطول من وقتها الحقيقي ويمكن متحصلش أصلا طول ما انت مستنيها وقاعد جنبها كده زي انك مستعجل على الجواز، مستعجل ع انك تحب وتتحب مستعجل تتخرج تخلص دراسة مستعجل يبقي عندك فلوس وتبقى غني وغيرو..... طول ما انت مستعجل ع الحاجة هتاخد وقت اطول عشان كدا الافضل تسيب كل حاجة تحصل في وقتها الي ربنا مقدره وتنشغل عنها و تسيبها تاخد وقتها الطبيعي لذلك يقال ان (الصبر هو فن العثور على شئ آخر تقوم به) مش مجرد انك تسيب الي وراك والي قدامك ومستنى الحاجة الي انت عايزها تحصل وتعطل نفسك عن حاجات تانية الحياة فيها حاجات كتير تشغل نفسك بيها وتفيدك لحد ما الحاجة الي انت عايزها تحصل فهمت حاجة

الواحد قرف وزهق من وضعه، مفيش جديد السنه دي زي الي قبلها والي قبلها وحياتي زفت لسه ومكرره جدا، عاوز اتغير واعمل اي حاجه بس مش عارف، عاوز انزل اشتغل واعمل فلوس واعمل اي حاجه نفسي فيها بس مش عارف، مش لاقي شغل فلوسه حلوه، الي موجود استعباد حرفيا مش شغل، فعلا الحياه في مصر مش حياه، اتمني من كل قلبي اعرف اخرج منها

صباح الفل اخواتي الفواكه يارب يومكم يبقى لذيذ ماذا يفعل الانسان لما يكون في امس الحاجة انه يروح لثيرابيست بس معندوش الرفاهية دي دلوقتي ف الواحد يعمل ايه يساعده ميتجننش لحد ما يروح و اللي راح قبل كدا خد الخطوة ازاي لاني اوقات بحس مش هقدر اعملها حتى لما يجيلي الفرصة رغم اني محتاجاها جدا

السلام عليكم عاملين ايه كنت عايز اقولكم علي حاجة مش عارف دا بيحصل مع كلو ولا انا بس فيه ناس اصحابي مش بيفتكروني الا لما يكونو عايزين فلوس يعني ممكن نقعد شهرين مثلا مبنبعتش ل بعض ف ييجي هوا لما يبعتلي يكون عايز فلوس وبيطلب ب مبلغ كمان مش حاجة بسيطة يعني وكذا حد مش حد واحد بس انا بقول مثل ف اللي يقولي عايز يدفع ايجار السكن ومش معاه واللي يقولي مزنوق ل حد اخر الشهر وييجي آخر الشهر مش بيبعت الفلوس وفيه ناس فيهم بتاخد الفلوس و والله ما بتبعتهم خالص اكنهم لاقيين الفلوس دي وانا برضو بتحرج اروح اقولهم عليهاا بقول يمكن مش معاه واحرجو ب سؤالي وانا الحمد لله حالتي المادية كويسة والله انا ما فارق معايا الفلوس بس بتضايق من الموقف بس فانا سالت والدي علي الموضوع دا قالي لو واحد صاحبك احتاج ل حاجة اديلو حتي لو مبيسالش علشان هوا ربناا باعته ليك علشان شايفك انت اللي ممكن تقضيلو الآمر دا فانا بس صعبان عليا المواقف اللي بتحصل فقط وشكراا

اقولكم حاجه حاجه معتقدش ان حد اتكلم فيها هنا قبل كده او جايز ممكن هى حاجه اغلبية الشعب بيمر بيها هى الفلوس في احساس كده دايما بيجيلي لما باجي اشوف ناس من فئة معينة و الي هى عالية او اتعامل معاهم الفئة دي لما بتعامل معاها بحس باحساس وحش اوي هو مش عشان يعيني انا مش لاقية اكل او ماديا مش احسن حاجه هو الحمد لله انا ماديا كويسة و معقولة لكن مش لدرجة الرفهيات الي عند الفئة دي باختصار في ناس معينة كده انا و اسرتي بنتعامل معاهم بدون ذكر ايه السبب الناس دي فلوسها كتير اوي و هم اصلا خريجين معاهد يعني مش خقولك دكتور او مهندس او اي حاجه او مجهود ذاتي لا هم اعنية من لا شيئ المهم الناس دي لما باجي اشوفهم او تيجي سيرتهم في احساس بعدم تقبلهم او انهم في حاجه فيهم غلط ايوا في غلط و اذ اكتشف ان العنطزة الي هم فيها دي كلها جاية من الحرام الناس دي اتنكت علينا و كان بيبان في تعاملهم اوي هو الحقيقية مش الصورة الي هى و التعامل مش قريب خالص لكن كان في تعامل المهم الناس دي اكلو على جدتي ورث و جدتي ابوها كان باشا و غني جدا جد الناس دي بقى اكل الورث على جدتي الي هو اخوها معرفش انا ايه المغزى من كلامي بس في احساس وحش اوي جوايا بقيت شايفك ان لا ربنا مش بيخلي ده بمستوى و ده بمستوى الا اذا كان لحكمة انا عارفة بس احيانا و مش على طول بيجيلي احساس وحش هو مش بعدم الرضا لكن مش فهمه ليه يعني ربنا قال و لو بسط الله الرزق لعباده لبغوا في الارض ماشي يارب فهمت بس دول برضوا بغوا في ناس معاها و بيفسدوا و بيعملوا حاجات وحشه اوي و في ناس بتتقي ربنا اوي و مع ذالك حالها مش احسن حاجه و والله سبحان الله بس بيجيلي احساس غريب بس بعيد كل البعد عن عدم الرضا الحمد لله مبوسطة بعيشتي

كنت بحبها بجد… مش مجرد إعجاب عادي، لا… كنت بشوف سعادتي في ضحكتها، وكنت بحاول بكل طاقتي أكون سبب راحة ليها. وفجأة… من غير أي مقدمات، كل حاجة اتغيرت. طريقتها، كلامها، حتى نظرتها ليا مبقتش زي الأول. سألتها: “في إيه؟ أنا عملت حاجة؟” قالتلي: “مفيش… بس أنا مش عايزة نكمل.” الكلمة كانت بسيطة… بس وجعتني أكتر من أي تفسير. بعدها بفترة عرفت الحقيقة… إن القرار مكنش قرارها. أهلها كانوا شايفين إن في اختيار “أحسن”… ابن عمها، صاحب فلوس ومصانع، ومستقبل مضمون في نظرهم. وأنا؟ مجرد واحد عادي… لا غني ولا فقير، بحاول أعيش بالحلال وأبني نفسي واحدة واحدة. اتجوزت… واللي وصلني بعد كده كان وجع أكتر: خناقات، مشاكل، إهانة… حياة عمرها ما كانت شبه اللي كانت بتحلم بيه. أنا مش بحكي علشان ألومها… ولا علشان أرجع حاجة انتهت… بس علشان أقول لكل أهل بيفكروا بنفس الطريقة: الفلوس ممكن تشتري بيت… بس عمرها ما تشتري راحة. وممكن تجيب “عريس جاهز”… بس مش دايمًا بتجيب راجل. اختاروا لبناتكم اللي يحتويهم… مش اللي يملكهم.

يجدعان عايز اتجوز انا تعبت نفسيا ، بفكر ف الموضوع طول الوقت ، الشقه محتاجه تشطيب كتير وانا على اخري ، عايز اتجوز ومراتي تلعب ف شعري قبل م يقع ، انصحوني اعمل ايه ، ومحدش يقولي طب متجوز ، مش جاهز فلوس

الواحد لما بيكون جعان بس مفيش اكل عاجبه ومكسل يعمل اكل ومش معاه فلوس والناس قافله والمطاعم والسوبرماركت وكله قافل والناس نايمه وجعان يعمل ايه ومفيش حد عايز يجيبلي اكل اعممللل ايييييييه

عندي مناقشة مشروع تخرج ومحتاجة حاجات وكل م اقول أهلي ع فلوس يفضلوا يصيحوا إنهم مش معاهم مش عارفه اعمل معاهم إيه ودماغي هتموت من التفكير مش عارفه أصلا بكتب هنا ليه بس مش عارفه أنام لأني حتى أصلا مش بعرف اتناقش معاهم لأني كل م افتح معاهم حوار شبه كده يفضلوا يقولوا مش معانا زهقت بجد والله ليه إنسان يتحمل ضغط فوق الضغط إللي عنده ليه الحياه مش سهله ليه الناس طبقات مش حياه والله

انا زعلان عليه اوي بقي واخد حجم اكبر من حجمه بكتير خلا حاجات كتير متبقاش مناسباني حاولت كتير اني اتخلى عنه بس عشان اسيبه لازم اتخلى عن حاجات اكتر واكتر بحبها اوي انا اول مرة اشوف حاحغة مؤذية نفسيا بالشكل دا وكمان بتدفع فيها فلوس وانت مستمتع طب وعشان تتخلص منه؟ محتاج مجهود عنيف قولولي يا اخواتي اعمل ايه في ( كرشي ) 😂

مشكلتي هتبقا بالنسبه لناس كتير تافهه بس بالنسبالي لا انا مرات اخويا حامل ف اخر الشهر الثامن لتاني مرا البنت الاوله ف السبوع بتاعها ابن خال مامتها جابولها سلوبت عليها اسمها وجدتها جابتلها فستان لسبوع لبست السلوبت ف التبيته والفستان ف السبوع المهم انا قولت ف البنت دي هجيب انا السلوبته المهم انا مخطوبه قولت لخطيبي وقولتلو تيجي نجبها سوا قالي ماشي قولتلو انت 400 وانا 400 لانها ب 800 بالاسم مخصوص المهم قالي ماشي وحجزتها ودفعت 250 من ال 400 بتوعي المهم النهاردة المندوب كلمني وقالي انو جايبها قولتو خاليها للخميس عشان خطيبي بيقبض الخميس قالي ماشي بكلم خطيبي اقولو عشان يجهز الفلوس قعد يزعق ويقولي م معايا انا ومعرفش اي وانا والله قولتلو من قبل مطلبها عشان محطش نفسي ف موقف زاي دا المهم هو عمال يقولي انا ف جمعيات واعمل اي ومعرفش اي وانا عرفت اهلي ان انا وهو هنجيب للبيبي حاجه اقولهم الوقتي هاتو الفلوس ليه لان خطيبي م راجل كلمتو واحده انا م عاوزه تهجموني انا مضربوش ع ايدو من الأول يوافق وهو بيقولي رجعيه وم ينفع حرام عليا دي معموله مخصوص ب اسم بنت اخويا وحرام عليه البسها للبنت وبالذات ان مستحيل تلاقي حد يطلب الاسم لانو م كل الناس بتحبو ولو لقت م هيطلوب نفس الشكل والكلام انصحواني اعمل اي وحولت استلف معرفتش انا هتجنن من الموقف اللي حطني فيه معلومه مڪنتش عاوزه اقولها عشان م تيجو عليا خطيبي دا حب سنتين وللاسف بينا علاقه مترضيش ربنا حولت انهيها كتير بس وقتها لو طلبت عنيه هيديهالي عادي متجمونيش لاني م ناقصه والله

ارجوكم بلله عليكم محتاج شغل انا جرافيك ديزاينر من زمان بس مش لاقي شغل ولا عارف اجيب عملا انا محتاج فلوس ضروري بجد محتاج اي شغل انا البيت مفهوش جنيه وال بيجي بروح عالديون ولا عارف اجيب فلوس لدروس لختي ولا جامعتي ولا مرض مامتي عافاكم الله سرطان انا يغؤق كتير حاللت انتحر بس مقدرتش اكمل انا ارجوكم محتاج شغل ضررري بجد انا معيش جنيه اجيب لبانه حتي ولما اختي بتطلب مني فلوس بتقطع قلبي لما اقول معيش نزلت اشتغلت فمحلات وبرضو مش مكفي انا تعبت بجد مش عارف هجيب تمن الحقن بتاع امي والتحاليل اخر الشهر منين

سؤال دايمًا بيشغلني… هل النجاح فعلاً محتاج واسطة وفلوس؟ ولا المجهود لوحده كفاية؟ في ناس بتقول إن الظروف هي اللي بتحكم، وناس تانية شايفة إن الإصرار والشغل المستمر ممكن يفتح أي باب. إنتوا رأيكم إيه؟ النجاح بييجي بإيه أكتر: الحظ، العلاقات، ولا المجهود؟

عندى كمية جلد زات غريبة النهاردة حرفيا وكان كل حاجة جيالى تحاسبنى مع اختها حرفيا 😂💔 سايب الشغل من شهرين حبيبتى سابتنى بدون سبب ومعرفش لى لحد الان بدءت تخترع أعزار وكلام مالوش لزمة لحد ماختفت سايب البيت وعايش لوحدى فلوسى خلصت وغالبا دا اخر كرت نت معايا مفيش اكل ف البيت وع فطارى حرفيا بنزل م البيت مبروحش ف حتة بقعد ع الرصيف شبه الشحاتين واروح تانى وكدة يبقى أسمى خرجت قدمت ف شركات كتير ومتوفقتش ف ولا شركة الحمدلله معنديش صحاب ودا بجد مبكلمش حد ودا بجد برضوا كنت خاطب من ٣ سنين وسيبتها بسبب مشاكل عائلة بعت دهب الخطوبة والحمد لله فلوسه خلصت المفروض اصحى الصبح بدرى ادور ع شغل ومش عارف انام مش عارف لى قاعد يسمع كتاب حياتى ياعين مش بكتب الكلام دا عشان مستنى مساعدة أو بشحت عموما بس مش عارف لى كل حاجة اتكومت فوق بعضها كدة مرة واحدة بجد ف حرفيا انا تعبت من كل حاجة ...

عايز اروح حفلة بابلو من ورا اهلي انا من طنطا واشتريت التيكت وهروح مع صاحبي في اسكندرية وكليتي في اسيوط ١٢ ساعه سفر وهضيع امتحان ميد السبت+ ده من الفلوس اللي بيصرفوا بيها عليا+خايف يعرفوا حاجة زي كدا وابقى خنت ثفتهم +وفي نفس الوقت الحفلة ده بالذات مش هتتكرر عارف ان الاغاني حرام بالمناسبة انا حافظ لكتاب الله 🙂

عايزه ابدأ اصنع محتوى ويكون بيتكلم عن المواضيع بشكل عامل والعلوم زي الدحيح كده وكمان ممكن اقول حاجات دينيه بس مش عارفة ابدأ على انهي منصه لأني عايزه اطلع فلوس من المحتوى ولو بدات من يوتيوب حاسه ممكن منجحش + لو عندكو فكرة ل ل اسم الشانيل او الاكونت الي هعمله شاركوني بيه

الحمد لله على كل حال انا راجع بلدي بعد ما واحد ضحك عليا وخد فلوسي مش مهم الفلوس في داهيه انا بس بفكر الراجل ده مش عارف إننا هنتقبال تاني بس ساعتها مفيش امكانيه يرجعلي فلوسي ونا طبعاً مش ملاك والفلوس دي سالفها ياعني بعون الله هحاول اسدها هل هسمحه يوم القيامه ولا لا مبيفكرش إن ربنا مطلع وشايف ومش هيبارك في أي حاجه قرش من غير وجه حق بس الحمد لله انا بس لو هوا واقف على باب الجنه عشان اسامحه ينسي ومش عايز فلوسي كمان انا رفعت دعوتي لربنا

عندي مشكله رخمه شوية وهي بختصار بيقولو الي ف ايدي مش ليا يعني ممكن مثلا احوش مبلغ عشان اخد بي خطوة ف شقتي ويجي اخويا يستلف منو عشان كان بيصب وفلوسو مكفتش مبرضاش اقول لا بس انا كمان معملتش حاجة زاي حجات كتيره شبه كدا

دلوقتي انا حبيت واحده بجد وحب حقيقي وقربت منها واتكلمنا وبتاع وهيا غلبانه ومظلومه وحالتها تقهر القلب وبحكم اني اول علاقه ليا قولت اعوضها بقي فكنت دايما اللي تعوزه اجيبه اللي هيا عايزاه نطلبه حتي لو مبالغ كبيره صرفت كل فلوسي فوق ال 10 آلاف أو ال15 كمان علشان متحسش أن عندها نقص وكل دا انا لسه في أولي جامعه المهم علسان مطولش عليكو موبايلها باظ في يوم من الايام ومعايا واحد صاحبي بتاع موبيلات اشتريت منه موبايل وكدا بس مدفعتش ولا جنيه من فلوسه ودلوقتي انا معيش معيش فلوس ومديون ب 13 الف وانا معيش ولا جنيه من المبلغ ومسعارف اعمل اي انا كنت حابب تساعدها بس من غير ما احس دمرت نفسي ومشغول في كليتي جدا مش لاقي وقت حتي افكر اعمل اي

انا والدى و والدتى انفصلى بسبب مشاكل و طريقه تعامله الوحشه معانا و ان هو مش بيقدرنا و على طول شتيمه و زعيق و سب دين على اى حاجه تافهه و المشكلة انهم انفصلوا قبل كده و بعدها رجعوا لبعض تانى و انل كنت الوسيط انهم يرجعوا لبعض عن طريق انى وعدت مامتى انه اتغير لانها لما مشيت من البيت هو فعلا اتغير بقى بيصلى و بطل شتايم بس برضوا كان على طول بيتهضنى لانى كنت واقف فى صف مامتى و على طول كان بيفرق بينى و بين اختى لأنها مكانتش بتقول رأيها فى الموضوع فكان بيبهدلنى بأنه يفزعنى من النوم كل ما يرجع من الشغل فى حين ان اختى لو نايمه و هو اتخانق معايا على حاجه تافهه كالعاده و هى بس صحيت كان بيخش يعمل نفسه نايم علشان ميزعلهاش او ميبينلهاش انه بيبهدلنى علشان متزعلش منه ده كله لأنها مبتقلش رأيها و لما رجعوا لبعض اكتشفنا انه متغيرش مبقاش بيصلى خالص و على كول متعصب لدرجه انه وصلت بيه انه مد ايده على مامتى فى عدم وجودى ده طبعا غير اللى كان بيعمله فى وجودى بس انا كنت بحميها و دلوقتى احنا مشينا مع مامتى و قعدين فى بيت جدتى مامة مامتى و هو على كول يقعد يشتم فى مامتى و اهلها و يقعد يقلنا انهم هما اللى بيحردونا على عقوقه و ه مش بيحصل و على طول يقعد يقلى انت بغبغان و ماشى وراهم و خلاص لأنى بعارضه و بقله انه غلطان و هو بيصرف عليا انا بس دروسى لانى فى تالته ثانوى و اختي حتى جامعتها مامتى اللى بتدفعها اللى هى برقم مع انه عارف ان والدتى شغلها ميديهاش الرقم ده بس انا بقيت بكدب عليه فى فلوس الدروس و ازود فيها شويه يمكن اقدر اساعد مامتى علشان بجد الرقم صعب عليها انها تدفعه لوحدها و فعلا قدرت اساعدها من الفلوس الزياده اللى باخدها منه فانا عايز اعرف دلوقتى هل انا كده غلطان انى باخد من والدى فلوس زياده ولا لأ ؟

لما حسات ان انا مش في مكاني مش دي البيئه اللي عايز اعيش وسطها الفقر القرف ده احساس أن الواحد محروم ده وحش اوي وكمان ديما مشاكلي ثلاث اربع حلها فلوس ف خت وعد علي نفسي أن ايا يكن انا لزما انجح عايز ابقي مليونير حرفيا زي الناس اللي علي النت ، جواز يتأخر اهم حاجه شغلي حتي ديما وانا في السن ده مش بابص لاي بنت ومستعد لأي ضغوط التضحيات عشان الحلم ده عارف ان انا طالب كتير و الدنيا مش بتدي كل حاجه وزي ما انا هاخد كتير هدي كتير جدا في الاول بدون مقابل ولزما اصبر

مش معايا فلوس تقدر تخيلني دلوقتي اتجوز ولسه معايا حوالي سنتين عشان اكون نفسي وفي نفس الوقت بحب واحدة هي اكبر عني بسنتين واعلى عني في المؤهل وبعيدة عن شغلي وسكني

جماعه انا من زمان ونفسي اسافر برا أدرس أو اشتغل بس الاقامه برا دائما كانت حلم من ثانويه عامه وبدأ الموضوع قولت لاهلي عاوز اسافر اكمل بعد الثانوية دراسه في روسيا طب أو هندسه بس ماحدش وافق كان معاهم الي يسفرني يعني مافيش سبب ف قررت ما ادخلش امتحانات تالته ثانوي وقولت علي اساس اجيب مجموع عالي لانه السنه دي كانت مشاكل وخناقات وكنت بقعد برا البيت ب الايام قررت القرار ده وبلغتهم قبل الامتحان علي طول ماحدش كان عارف في ساعتها ضربوني وقالو لأخواتي ماحدش يكلمه ولا كانو بيخلوني اكل معاهم لاكتر من ست شهور عشت ايام صعبه علي شان قرار بسيط المهم في الاخر ماعرفتش اذاكر في السنه التانيه بس قولت لازم ادخل الامتحانات وانجح والحمد لله نجحت ودخلت جامعه وخلصت بس لسه فكره السفر مدمراني و واخده تفكيري و حياتي كلها وهي سبب اني اخد قرارات غلط كتير وحاليا بدور اني اعمل فيزا برا بس موضوع الفلوس المنيره الي بتاخدها الفيزا هو الي متطلني اكتررر😅😏😑

انا حزين جدا طول عمري بشتغل وبصرف على نفسي وبجيب اللي انا عايزه وعمري ما كنت بحوش فلوس عشان بشوف ان لو ما انبسطتش دلوقتي هنبسط امتى يعني.. بس من سنتين كدا بدأت أغير الفكرة دي وقررت أحوش فلوس وفعلا بدأت أشيل فلوس شهر ورا شهر عملت رقم محترم جدا وجبت دهب وشيلته وكملت تحويش وفي رمضان قررت أخطب وشفت بنت محترمة وأهلها محترمين وخدت أهلي واتقدمنا وما رضيتش حتى أتواصل معاها من وراهم عشان ربنا يباركلنا بس للأسف النهاردا ردوا علينا وقالوا مفيش نصيب.. 🥹🥹

انا من تلت ايام الصبح كنت بعمل ايداع ف atm البنك الاهلي والفلوس اتسحبت ومتودعتش لحد النهارده روحت البنك عشان أقدم شكوي ويشوفو حل للفلوس هترجع ولا لا قالولي كلم خدمه العملاء كلمت خدمه العملاء كل يوم ع الأقل مره نفس الكلام ونفس الحوار مفيش جديد ولحد النهارده مرجعش ف كده في حل الفلوس ترجع ولا لا عشان مش هستغني ع المبلغ ده حرام والله حد حصل معاه حاجه شبه كده ولا لا ولو حصل الفلوس رجعت ورجعت في قد اي وحسبي الله ونعم الوكيل

مش عارف انهى مبدا من مبادئ القوامه تخليك تبص لفلوس زوجتك كان ميراث او فلوس شغل يعنى تبقى محتاجه فلوس للبيت او تكشف تقول ما هى معاها فلوس تاخد من فلوسها ما هى فى زمتك ولو انها تصرف على نفسها يبقى خلاص ما تبقى فى زمة نفسها بالذات انك مش الزوج الرائع يعنى يارب نفهم ان القوامه مش تحكم وفرض سيطرة القوامه انك تبقى رجل يخاف على اهل بيته ويحميهم ويسهل عليهم حياتهم ويقومهم ان اخطأوا وهدفك انك تكون اسره هدفها الاخره والجنه ربنا يهدى ويهدينا جميعا واللهم لا تجعلنى مثله واصلح لى دينى و حالى وخلقى ونفسي

انا كنت عايشه برا مصر مع اهلي بعدين نزلت مصر عشان الجامعة مكنتش باهد مصروف وكان بابا هو المسؤول عن كل حاجه المهم لما نزلت خدت مصروف انا واختي و مش عارفه اديره خالص احنا بناخد ٢٢ الف سته للغرفه في السكن و اربعه لحمة وفراخ و سمك و سته مصروف كل واحده دا بابا بيبعت كل اسبوع اربعه الف للبروتينات و تلاته لينا و مش مكفينا خالص دا غير انه بخلص في نص الاسبوع و بابا يبعت الف مثلا كده على حسب كل اسبوع او روحنا لدكتور فناخذ فلوسه من بابا المهم لما بنجيب مياه و مناديل و بيض وزبادي و جبنه و توست بالف و الالفين التانين لينا بس بيضيعوا في حاجات تافه و البنات الي معانا بيكونوا جايبين كرتونه مايه وتكفيهم كتير اسبوعين مثلا و احنا اسبوع بالعافيه فمش عارفه النصروف الي قليل فعلا ولا احنا لي مش عارفين نديره ولا بنستهلك اكل اكتر فبنصرف عليه اكتر لان البنات بيجيبوا معانا من السوبر ماركت ولاقي الاكل مكمل معاهم كاير ومثلا مش كل يوم بيطبخوا بروتينات و ممكن ميعملوش غدا كمان ولا بيشربوا مايه كتير

انا عايز اشتغل مع الكلية بس قلقان انه يأثر علي الدراسة خصوصا اني عايز اشتغل اوفلاين مش حابب الشغل الاونلاين وكمان مش لاقي شغل يكون 6 سعات مثلا علشان يبقي الي حد ما ميأثرش فعايز اعرف يعني عادي اشتغل مع الكلية خصوصا اني في حاسبات بس انا حاسس بإني لازم انزل اشتغل واحط فلوس في البيت مش مرتاح للقاعدة كدة

كنت محتاج اخد رأيكم في حاجه من 8 شهور انا اتصاحبت علي واحد معايا في الشغل وعمل معايا كتيير خير ووقف جمبي وجينا اتفقنا أن احنا هنعمل شغل لوحدنا وهوا اداني مبلغ قولتله أن حتي لو الشغل خسر انا ملزم بفلوسه المبلغ كان 20الف واشتغلنا اول اول كام شهر والدنيا كانت جميله ومفيش اي حاجه وكنا بنكسب وتمام جه حصل دروب والشغل وقف وخسرنا 20الف وانا من الاكتئاب والي حصل رجعت بلدي تاني عدي علي الفلوس حوالي شهرين واحنا طول المده دي احنا كويسين خالص واخوات برضه لحد مره واحده لقيته مكلم ناس صحابي ومطلعني باوسخ صوره مفرقش معايا كلمته قولتله فلوسك في رقبتي بس اديني وقت اقف علي رجلي وعدي شهر علي الكلام ده وهوا حاليا بيضغط عليه بكلام وانا اتخنقت ومش عايز ارد عليه رد وحش وانا فعلا لو فإيدي اديله فلوس كلها هديهاله بس فعلا الوقت ده مفييش وهو مش مستوعب ده وفي نفس الوقت مش عايز ابطل ارد عليه عشان ميفكرش اني بهرب منه

مش عارفه هو انا لوحدي ولا لا بس انا عمري ما كان عندي ثقه لبابا في حياتي يعني مثلا لما ياخد من فلوس و يقولي هيرجعهم بس هو عمره ما بيرجعهم و لما يقولي هجيبلك حاجه في الاخر بيقعد يقولي معلش اصل مش عارف ايه و مش عارف ايه المشكله ان الفلوس دي انا سيباها عشان لو هجيب حاجه مع صحابي بعد الدرس و هم مبلغ يعني مش حاجه قليله و ماما لو عرفت هتفشخني و انا خايفه جدا اديله الفلوس

هموت من القهر حرفيا اتنصب عليه في مبلغ مش قليل افتكرت أن ممكن اكسب من الموضوع فاستنيت وجيت اسأل علي فلوسي مسح الشات وعمل بلوك بجد حسبي الله في الناس دي اللي بتنصب علي الناس ومش لاقيه حاجه تعملها غير انهم يأذونا ، حسبي الله 💔