قرارات

مش قادر اتقبل اللي وصلت له في كل حياتي انا كإنسان استحق افضل من اللي انا فيه و اختياراتي مع جهلي بحاجات كتير وصلتني لده كنت محتاج اخد قرارات و ابذل مجهود و اقف في وش ناس كتير عشان ابقي انسان مختلف و خسارة أنه كل ده وقته فات و اصلا أنه انا فعلا كان عندي إمكانية الوصول لأحلامي دي او لا مش قادر احدد بصراحه و لا عارف اصلا لو حاولت في كل فرصي دي كنت اختلف مش عارف ابقي راضي باللي انا فيه أو انجح في اختيارات مبنيه علي رغبات ناس تانيه و لا نافع اعيد اختياراتي و اختار اللي نفسي فيه مع عدم ثقتي أنه انجح كلامي و حياتي و مشاعري متلخبطه مش عارف احدد و ممكن يكون فشلي بقي أمر حتمي الموت شيء بيرادوني و حاسس أنه حل و انا راضي بقضاء ربنا و مش بكفر بنعمة عليا لكن الحيرة و الحزن اللي بعدي فيه مش بأيدي

انا عندى مشكلة انى عندى صحاب ولاد كتير مش بحب حد فيهم ولا متعلقة ب حد و عاوزة ابعد عن الكل علشان حرام دا اولا ثانيا عاوزة اركز ف مستقبلى الفكرة ان انا فى حد اعترفلى بحبه ونا مش بحب الشخص دا مش عارفة ليه وافقت تقريبا اتحرجت اكسفة و حد تانى بردو و بجد دى حاجة سيئة ونا عارفة ومش عارفة اعمل ايه

موضوع بجد عايزة رأي حد بيفهم انا مضايقة جدا من ماما كان في حد دخل كلمني على موضوع خطوبة انا سمعته للآخر و حسيت انه مش مناسب ابدا و رفضت و الموضوع انتهى انا كدة كدة ما كنت ناوية اوافق بس فضولي هو اللي خلاني اسمعه و اعرف تفاصيل بس و خلاص و انا طبعا عشان مش برتاح و اسكت حكيت ليها عادي اتصدمت من رد فعلها قالت حتى لو كان مناسب انتي مش مسموح ليكي اصلا تتخطبي قبل ما تخلصي جامعة و انا في أولى جامعة اصلا الوقتي و انه كمان عشان الخطوبة ما تكون طويلة لان احنا مافيش في بيتنا راجل لان اهلي منفصلين انا زعلت من كلامها و مضايقة من تحكمها يعني انا الصراحة مش عايزة اتخطب فعلا الوقتي اصلا و ناوية أركز كدة كدة على الكلية حتى نفسيا مش جاهزة اصلا اكون في علاقة بس انا مضايقة أنها قررت كدة لوحدها بتقرر حياتي تمشي ازاي و انا كمان عندي افكار مقتنعة بيها زي ان الخطوبة مستحيل تكون اقل من سنتين هي بقى رافضة الكلام ده و حكمت انه لأ دي مدة كبيرة و مش هينفع حد يفضل داخل خارج علينا و انه خلاص هتجوزني على مزاجها بقى و انا بقولها انا عايزة حد انا اختاره و يكون على مزاجي تقولي انتي كمان عايزة تختاري مافيش الكلام ده انا غصب عني قولتلها انها اخر حد اصلا ممكن اخد منه نصايح عن العلاقات عموما انا قفلت الموضوع معاها عشان بس اريح دماغي لان كدة كدة الكلام مالوش لازمة الوقتي و اني عندي هدف تاني بس ما ده كدة هيعمل مشاكل تانية بعدين و كمان هي عندها افكار غريبة زي انه عادي الست تضرب و انه عادي الراجل يخون و كلام غريب اصلا و انا شايفة كل واحد حر في افكاره بس ليه تحددي حياتي افرضي طيب انا كنت عايزة اصلا اتخطب بجد ايه هتضربيني طيب افرضي انا حبيت حد فجأة و هو عايز نكون رسمي ايه التحكم ده حتى لما بقول كدة تقولي لأ افرضي انتي عايزة حد احنا مش موافقين عليه طيب مش هتوافقي ليه اظن اني مش هختار حاجة وحشة و عارفة ايه المناسب ليا لو حد كويس ليه هترفضي اصلا بجد اتخنقت مصممة تخليني احس ان مستحيل اعيش طبيعي عشان اهلي منفصلين

طموحي مش مدخل للربح ممكن أعمل إيه عشان ألاقي مصدر ربح ما يأثرش عليه؟ مثلا شغل مجهوده ووقته ما يأثرش على طموحي اللي بفكر أحققه، وتكون فلوسه كفاية؟ حاسة إني تايهة، ومن غير طموحي الأساسي تماما

لو مش عاوز اعمل فرع المفروض فى اول يوم تعارف اقول دا ولا لا لان البنات بيشوفوا ان دا red flag وانى كدا شخص صعب جدا وبتاع ودى مش حقيقة انا بس بغير فالمفروض اول يوم اقول ولا بعد كذا مرة ابدا اعرض وجهة نظرى؟

معرفش هتفهموني ولا لا بس الجو ريحته خذلان. الغربية انا اللي خذلت مش اتخذلت بس دا الصح وكان لازم يتعمل من بدري بس محدش قالي أن حتى القرارات الصح بيبقي احساسها وحش اووي كده، هتجاهل الموضوع ويارب ما اندم

مساء الخير من فترة حوالي شهرين حصل الموقفين دول في يوم واحد عايز اعرف انا صح فيهم ولا غلط لأنهم حصلولي في يوم واحد وانا مكنتش عارف اعمل ايه يوم ماتش كنت بتفرج عليه في القهوة وجاي من سفر لأن كان عندي امتحان واحد زميل مهنة مش اكتر وعمري مقعدت معاه انا 21 سنة وهو 45 قالي انت اسم القهوة اية واسم المنطقة قولتلو كذا وكذا قالي هيجيلك قولتلو مش هقدر إستقبل حد اسف قالي لا هاجي انت بخيل لية ومش عايز تعزمني وجه بالعافية وقهوة تحت بيتي اتصلت ب 2 صحابي يعرفوه قالولي ممكن يعملك مشاكل ده إنسان غريب اوي حاول تخلص الدنيا معاه لاقيته بيشد كرسي وقعد جنبي رغم اني مرديتش عليه وهو قاعد يرن عشان يعرف العنوان بالظبط لاني قولت اسم المنطقة والقهوة فقط دخل قعد جنبي وطلب من القهوجي حلبة حصا سكر برا اتصلت بصحابي قولتلهم مش هحاسبله اية رأيكو عشان حركته قالولي تمام انت صح وعملت كده وهو اتكل على الله بعدها صاحب تالت كلمني قالي بهزار خطوبتي بعد العيد يعم قولتلوا ركز بس دلوقتي مش وقته هزار حصلي كذا وكذا وحكيتله على اللي فوق قالي نعم؟؟ يعني انت متصلتش بيا أول واحد لية هو انا مش اولوية عندك واعز حد؟ قولتلو يا حبيبي كلكوا واحد وكلكو اخواتي حط لايك وسكت قولتلو انت مقولتليش تصرفي صح ولا غلط قالي طلاما هما قالولك صح يبقى صح قولتلو مالك يابني انا عايز رأيك انت قالي رأيهم اهم قولتلو طب خطوبتك يوم اية تحديدا قالي ميخصكش وياريت مشوفكش فيها روح خطوبة صحابك وزعل مني اوي بجد وقعد تلات ايام ميتكلمش معايا وكل مكنت اكلمه يقولي روح لصحابك وانا ماليش دعوة بأي حاجة تخصك بعد كده انت لصحابك مش ليا وفضل زعلان مهما أكلمه. انا والله معارف انا كنت عملت اية لكل ده كنت جاي من سفر عايز اشوف ماتش وانام لاقيت نفسي داخل في حوارات انا في غنى عنها رغم اني بعيد عن الكل انا عايز أسألكو لو انا كنت غلطان في حاجة هصلحها وحتى مخدتش اي قرار من غير مرجع للناس حد، اولاني رغم أنه فرض نفسه سألت اعمل ايه التاني بحكيله عادي زعل وسمعني كلام زي ده، هل انا عملت حاجة غلط؟

ازاي بتقدرو تسكتو الاصوات اللي جوا دماغكم لانها مسببالي ارق مش طبيعي وكمان مبقدرش اخد قرارات مهمة بسببها والابشع اني اممكن اعمل حاجات مش حاببها لمجرد ان عايز دماغي تسكت ومفكرش نهائيا

انا بقا خلوني عايش دايما في توتر حتي اني اتخذ قرار مهم في شغل باخده وانا خايف دايما خايف من ردود افعال الناس اللي حواليا حتي لو انا علي صح دايما عايش في توتر بقول حاضر ونعم حتي مينفعش اني اعتراض يعني في البيت كلهم عاوزين منك انك تتطاطي وتمشي الدنيا ويوم ما جيت افرح كسروني ومحدش سماء عليا

بالله دعواتكم بفكر في كذا حاجه منهم كام خطوه كبيره هتفرق معايا جدا مستقبلا وارجو اكتمالها لو عندك اي نصيحه فالعموم كدا هكون شاكر جدا يعني (بحاول اخرج نفسي من مود لو سبت نفسي فيه هضيع وهضيع كل حاجه )

من سنه كده او حاجه حد قالي في مره حاجه وما فهمتهاش كويس قوي غير قريب كده قالي لو ركبتي قطر غلط كل ما فضلتي عليه اطول الرحلة وانتي راجعة هتكلفك اكتر فخلي بالك لما تركبي قطر غلط ابقي انزلي في اول محطه علشان تلحقي ترجعي والرجوع ما يكلفكيش كتير لحد قريب قوي ما كنتش فاهمه قوي يعني هو اكيد ما كنش قصده القطر واكيد ما كانش قصده التيكت بس فهمت لما الاقي نفسي عملت حاجه غلط او اخدت اختيار غلط او حاسة انه المكان الغلط ده مش مكاني او المحيط دا مش محيطي اوعي تخاف ان انت تدفع تذكرة الرجوع لان كل ما طولت في المكان اللي مش شبهك ده كل مكان الرجوع تمنه اكتر واكتر

لما واحد يروح يتقدم ويطلب انه مش هيعمل فرح ويستبدلها بعمره والاقي البنت بتقول انا محتاره مش عارفه اقبل بالعمره ولا افضل مصره عالفرح بحس اني هتجنن بجد ، محتاره ؟ يعني ايه ؟ محتاره في ايه وايه وجه الحيره وليه محتاره هو انا اللي اتجننت ولا انتو ولا مين نفس الموضوع مع الشباب اللي يروح لبنت تقبل ده كله ويقولها لا انا هعمل فرح غصب عنكو انتو بجد ولا Ai ؟

انا تفكيري اتشل وبقيت خايفه من كل حاجه ومبقتش اعرف اخد قرار ف حياتي وبقيت وحيده جدا مبقاش ليا أصحاب ولا حد يسمعني ياررب💔 وخايفه اتجوز رغم ضغوط الأهل فقدت الثقة في الناس كلها انا بجد مبقتش قادره اعيش بالطريقه دي ياريت تدعوولي

السلام عليكم اريد فقط شخص يعطيني نصائح واش اسوي في مسيرتي لأنو اهلي دائما هوما لي يحبو يسيطرون واش راح ندير فالمستقبل تاعي انا ، كي نحب نقوللهم واش راني حاب انا ماشي كيما حابين نتوما يقولولي لالا نحنا نعرف مصلحتك اكثر منك ، لي راهم يقولولي عليه حلمهم هوما ، بصح انا عندي حلم اخر بصح هوما في طريق حلمي مايخلونيش اوصل ليه

هكون بظلمهم لو قولت انهم محاولوش ع اد خبرتهم يربونى كويس لكن الحقيقة انهم تسببولى في مشاكل نفسية كتير بقصد او بغير انا مش بحاسبهم بس ابسط حاجة انى بنت عندى٣١ سنة بخاف اخد قرار عشان مغلطش ولو عملت كدا بيكون قليل جدا.. انى لسة بفتش ف عين ماما عن موافقتها عن اى حاجة بعملها ودا ساعات بيخلينى اعمل حاجة مش راضية عنها او العكس عشان نظرة ماما هى مش مسكالى الكرباج ولكن وقع التأثير النفسي اشد بمراحل .. التشكيك في قراراتك وف عقلك وانتى ليه بتستخدمى عقلك اصلا واسمعى كلام الكبار.. تقريبا انا مختارتش اى حاجة ف حياتى مدرستى مثلا بابا وماما قرروا ينقلونى من انجلش لعربي ومقدرتش اتكلم حاجات كتير .. بتلام كتير من الى حوليا انى لسة بتأثر لكن محدش فاهم ان دا بقى جزء من تكويني ويمكن دا الى مخليني متأخرة ف حاجاات كتير يكاد يكون حياتى واقفة.. لدرجة انى وصلت لقناعة انى موجودة ف الدنيا عشان اخد بالى من ماما وبس من بعد وفاة بابا وانى موجودة عشانها مش عشانى وان دا ملخص حياتى.. مفيش قصة خاصة بيا