قرارات

هاي يا شباب حابب اتكلم معاكم عن كذا معايا أول مشكلة ........ الواحد في حيرة من أمره في المشكلة دي علشان تعب من الزهق والعطلة دي 🥲😑 في مجالي شغلي في نوعين من الناس أو العملاء أول نوع مش عايز يدفع أو مش فاهم أصلا الموضوع ولو دفع يبقى آخره أرقام حرفيا لا تذكر النوعية التانية فاهمة وشغلهم حلو جدااا وفلوسه أحلى بكتييييييييييير بس المشكلة في نادر تلاقي العميل دا وصعب خصوصاً إني أنا بشتغل as Freelancer يعني مش تحت مظلة شركة العميل من النوعية التانية بيتطلب أحياناً أكون تحت مظلة شركة ودا بيغلي السعر والتكلفة وبيخلي الموضوع يدخل في اتفاقيات بين شركتين وفين وفين لما الموضوع يخلص ويتم ونبدأ شغل .... ووراد الشغل أصلا ميتمش وميجيش ودا طبيعي أصلا في أى بزنيس الحيرة بقى يا اما أصبر على النوع التاني يا إما اشتغل بالنوع الأول بس علشان أجيب مصاريفي ودا هيضرني فيما بعد أصلا المشكلة التانية هحاول اختصر فيها تتعلق بالارتباط .... في حد انا معجب بيها جدا جدا وشخصيتها شايفها مناسبة ليا بس فيه مجموعة عواقب كتيييير واقفه سد في الموضوع دا أولها أهلها مش مناسبين معانا .... عادتهم تقاليدهم ثانيا احتمال تسافر أصلا من مصر وخلاص كدا نوت: هي متعرفش خالص ولا من أساسة اني معجب بيها هل أخد خطوة مع أهلي هيرفضوا دا حاليا ؟ وأقف قصاد أهلي انا هل أخد خطوة علشان أضمنها لأنه بيجيلها عرسان كتيير وهي بتفرض وبس كدا 🙃 ولو وصلت/ي لهنا فأنا بشكرك جدا

بجد ايه اللي الإنسان ممكن يعمله عشان يحافظ على النسخة الكويسة اللي وصلها، بعد تعب وتشتت طويل أوي، ورحلة فردية تماما، وقرارات متسرعة كتيرة، منها اللي ندم عليها اوي، ومنها اللي مبسوط جدا لانه أخدها وقرر يخوض التجربة جماعة الإنسان تايه أوي بجد، ولأول مرة أحس أن الأمور خرجت من إيدي وبقت صعبة كدا هو أينعم كل الأمور بيد الله، بس بناخد بالأسباب طبعا وانا تقريبا معدتش عارفة الطريق اللي المفروض أسعى فيه .. لإني لسه مش لاقية مكاني، أنا عارفاه بس مش عارفه ازاي أوصله، أو بمعني أصح معنديش الإمكانية الكافية للوصول للمكان اللي اتمناه. ادعولي ي جماعة، ادعولي ربنا يهديني، وينير بصيرتي وعقلي.

هل اللي بيحصل ده ادراك زائد ولا قلق مفرط؟ هل هو مجرد سكان بستمرار للواقع من غير تخزين ، ولا وعي وتحليل وتحديث للنموذج الداخلي فكل لحظه هل دي موهبة اصلية اتولدت معايا وبعدها القلق ركب عليها فزود الحذر ورفع من آلية الدفاع ولا العكس؟ كورتيزون هل جرح قديم أو بيئة غير مستقرة فشخت مستويات الكورتيزول ودا اللي مخلي العقل دخل وضع التحليل و الترقب الدوري وانه يفكك كل المدخلات عشان يحس بالامان ودا بقي ع مدار اليوم ساعات بحس دماغي شبه سوق كريبتو قيم وافكار وقرارات بتطلع وتنزل في اجزاء من الثانية مع كل معلومه جديده كان جزء اتخاذ القرار مرفوع على سيرفر مش مربوط بمعتقدات ولا مبادئ غير قابلة للمراجعه ، قادر يهد و يعيد بناء نفسه بستمرار يعدل مساره، ويعيد ترتيب اولوياته، ويتخلى عن افكار كان متمسك بيها سنين، لمجرد ظهور مؤشرات كافيه بتقول إن الطريق ده احتمالات نجاحه أقل أو إن فيه بديل أدق وأنسب مرن لدرجة إن التراجع عنده مش هزيمة، واعادة النظر مش ضعف لكن نفس المرونة احيانا بتخليه يعيش من غير ارض ثابته كان كل حاجه قابل للمراجعه حتى الحاجات اللي كان متاكد منها والمشكلة إن المرونة لما تزيد عن حدها بتقرب من الشك ، والشك لما يزيد عن حد معين بيتحول لرعب رعب من ماذا لو كنت موهوم؟ عشان كده بيحصل قياس مستمر للذات مش بحثا عن التفوق قد ما بحثا عن عدسه مظبوطه وبوصله صح الغوص في التحليل بيفصلك عن الناس لكن وقت القرار بيطلب منك خيانة جزء من كل الاحتمالات اللي بنيتها كانك جبت مجرة كاملة من السيناريوهات وضغطها في اختيار واحد، فبتحس وقتها ان السيطره بتتبخر حرفيا بس بردو نفس الحاجة اللي بتسحبك بعيد عن الواقع، هي نفسها اللي بترجعك ليه ، زي ما يكون الحبر اللي بيرسم حدودك من جديد الشئ الوحيد اللي كل ما تغرق فيه، بتحس انك جايب كل ابعادك من كل زاويه تحت ايدك

بكتب المشكلة دي وانا مش عارفة الحقيقة هستفيد بالاراء اللي هشوفها ولا لأ بس حرفيا انتهت حلول الارض ممكن تعمل ايه لو ظروفك المادية متسمحش انك تدخل كلية انت دخلت ثانوية وخلصت بس مش قادر ماديا تكمل في الكلية (كلية مالهاش مستقبل تمامًا) تدخل الكلية دي بلا فايدة وتتكحرت ماديًا اكتر عشان تعدي منها ده لو قدرت؟ (مع العلم انك متقدرش تشتغل وانت فيها) ولا متدخلهاش وتشتغل وتاخد لغة وتشوف مستقبلك بعيد عن التعليم الجامعي؟

عندي مشكلة كبيرة وهي لمن نحتكم.. في حاجات بتكون واضحة ايه الصح فيها وايه الغلط.. يعني انت مش محتاج موجه او مينتور علشان تعرف انك لازم تذاكر علشان تنجح او انك تذاكر شغلك علشان تترقي.. وبردوا انت مش محتاج شيخ يعني تعرف ان الكذب و السرقة و الزنا حرام او غلط.. المشكلة دلوقتي بتكون فيه حاجات مش واضحة يعني خير البر عاجله ولا في العجلة الندامه ( ده مجرد مثال بلاش تضيق مخك فيه ) يعني بما انك مش هتعرف تغوص لآخر كل مجال علشان تكون فاهم كل اسسه ، مفروض تعمل ايه في الحاجات الضبابية او البينية او المش واضحة.. عارف انك هتقولي مفروض تروح لشخص مختص في المجال ده بس المشكلة الجديدة هنا بما اني مش فاهم او مش عارف ازاي هحكم عليه انه الشخص الي هروح ليه هو خبير في المجال ولو قلتلي انك هتروح علي سمعته طيب الناس الي رشحته كانت هتعرف منين هو فاهم ولا لا ، حتي لو كان ليه اسم ومكانه ، طب ما فيه ناس تانية ليها اسم ومكانه بيرشحوا راى مخالف ليه او الراي الي انت محتار فيه ... وهنا المعضلة تعرف اي ان الشخص الي انت رايح ليه هو ف الاساس فاهم وبعدين تعرف منين انه مش مجرد شخص منجرف لراي معين او عنده فكر معين هو مقتنع فيه وبينصح بيه وازاي تتاكد انه الراي ده هو الي صح مع العلم ان اكيد في ناس تانيه تنادي بالراي التاني اكيد

بتعلمه ايه علشان تتخطي احساس الندم علي قرار اخدته انا عارف أنه احساس صعب بس اوقات بحس أني ضعيت فرصه مهم و في نفس وقت بحس أن لا كان لازم اسيبها والاحساس الأكبر الي بيجي انك ضيعت فرصة مش هتتعوض

عقلى بقى تايه السلام عليكم حاليا انا تايه ومش عارف اوصل لحل انا عندى ٢٧ سنة خريج كلية اداب ولحد الان مدخلتش تامينات وعندى خبرة ١٠ سنين ف مجال الملابس بس مبقتش حابب المجال لانى ضيعت العمر دا كلوا وموصلتش لحاجة فيه رغم انى بشتغل كل حاجة حتى الصيانة بس أسمى صنيعى مهما وصلت ف كرهت المجال وقولت اروح اشتغل ف فتح الله وحاليا بقالى شهر مرتب ٦٧٠٠ نص اللى كل بعمله ف الملابس وشغل ١٥ ساعة حرفيا بس كلوا بيقولى مستقبل وترقيات ومش عارف اى بس لما قدمت واشتغلت لقيت ناس كسرت ال٥ سنين ولسة زى ماهيا انا حاليا بقالى شهر وفى ناس أعلا منى ف التعليم وبقالها بالسنة والاتتين ولسة زى ماهيا ف مبقتش مقتنع انى هوصل هنا وقدامى شغل ف المينا مكتب تخليص جمركي بس معرفش عنه اى تفاصيل والتأمينات بتاعته بعد سنة من الشغل ف مبقتش عارف اكمل ف فتح الله ولا اروح اشتغل ف المينا ولا ارجع الصنعة اللى مش حاببها مبقتش عارف مستقبلى فين ولا انهى الاحسن ولا انا هكمل فين

انا متخرجة من سنة و اشتغلت ف مجال دراستي الحمدلله بس للاسف مش عارفه احوش خالص و محتاجه احوش مبلغ كبير لحاجة معينه ف دلوقتي محتارة اني اسافر بلد معينة و على الله فترة زمنية مؤقتة لحد م الاقي شغل ف مجال دراستي و لحد م ده يحصل هشتغل دروس خصوصية لاطفال لحد م احوش و اعرف اشتغل ف مجالي (مجالي محتاج امتحان امتحنه بمبلغ كبير عليا حاليا) ولا مسافرش ولا اعمل ايه خصوصا ان فلوس السفر غير متوفرة حاليا و هتصرف فيها و يكون دين عليا

مبقتش فاهمني طيب هوا انا عاوز ايه عاوز اكون وحدي ولا عاوز ارتبط ولا عاوز اتجوز ولا عاوز اعمل مشروع حرفيا انا كل يوم بحاجة يعني من فترة كان نفسي افتح مشروع ولما قفلت فوشي قلت اجيب شقة واتجوز وفعلا جبت شقة بعدها نفسي قفلت قلت اكون وحدي بقيت مش فاهم في ايه والله اتجننت باين

بتتعاملوا ازاي مع التعلق والتفكير في الماضي والقرارات اللي خدتها والخوف من القرارات اللي لسة هناخدها والتغيير في الشخصية للاوحش بالرغم من التقدم في السن وازاي مش قادر تسامح نفسك ع حاجة حصلت قبل كدة 🤔

في قصه لذيذه مريت بيها من شويه خلتني افكر و قصه تافه و مش مهمه اوي و نصيحه أو الهدف ممكن يبان عبيط فا عادي لو عملت اسكيب المهم من شويه كنت جعان الصراحه و كنت مكسل انزل اجيب فطار فا ملاقيتش حاجه قصاده تتاكل غير الايس كريم فا تجاهلت شويه لأن الفكره الي جت في بالي اني اجيب رغيف عيش شامي من العندي و الفه سندوتش بالايس كريم لاكن رفضت لان الي جي في دماغي الافيه الشهير ده ابوك كان بيغمس الايس كريم بالعيش و كدا لحد ما عدت ساعة و استسلمت للجوع قمت عملته سندوتش الفكره من قصه أن في كلام انا كنت واهم نفسي بيه أنه غلط و هبان فلاح قصاد نفسي مع اني مجربتش يعني ولا حاجه دي حرام الي هو انا كنت خايف من وهم انا عملته لي نفسيه نتيجه أن المجتمع حكم بكدا من غير منطق و انا مشيت وراه من غير ما اشوف موضوع هيعجبني ولا لا الي هو ليه تمشي بكلام ناس من. غير ما تجرب و تحكم بنفسك ما دام مش حرام و بالمناسبه سندوتش طعمه كان حلو و شبعت الحمدلله و لو جربتوا الايس كريم بالفطير هيبقي أحلي و اتمني أي حد يكون استفاد أو فهم الفكره

بكرة نظرة الشفقة اللي أي حد ممكن يبصهالي، بكره اني اتكلم في حاجة عشان ميتين أم الشفقة مش عايز اوصل لحتة ان اللي حواليا يبصولي بالطريقة دي، ف بضيع نفسي اكتر بيني وبين نفسي، كل يوم باخد كل القرارات اللي ممكن تضيعني انا سعيد بيا

إحنا كبشر، معظم قراراتنا النهاردة—سواء في الشغل، أو العلاقات، أو حتى الطريقة اللي بنصرف بيها فلوسنا—هي "رد فعل" لمواقف حصلت لنا وإحنا أطفال عشان نساعد نفسنا محتاجين نغوص جوانا ونسأل نفسنا سؤال مهم . ايه أكتر ذكرى من طفولتك بتحس إنها لسه بتشكل قراراتك لحد النهاردة وأنت مش واخد بالك؟"

ممكن اتقفل من الشخص اللي قدامي لو حسيته بيحكم علي الناس بسرعة أو مثلا معندوش فكرة أنه يتناقش ويفكر ، هو مش مقتنع غير باللي فدماغه بس وحتي رافض يتناقش أو يجرب يسمع وجهة النظر التانية علشان بحس أن الناس دي اغلبية قراراتها بتبقي غلط وبتخسر كل اللي حواليها وبتخسر نفسها فالاخر

هل حياتنا هتكون احسن لو اتخطينا اللي بيحصلنا ولا هربنا منه احسن مع اني بحس الاتنين زي بعض مفرقتش اوي ولو هربت اصلا مش ممكن يقتلوك لو عرفوا مثلا إنك هربت عموما موضوع إن الإنسان بيحاول يكون طبيعي زي اي حد فكره انه بيحاول بحد ذاتها متعبه هل ثيرابيست بيجب نتيجه مع الحالات زي كدا

في حد هنا بيفكر وهو نايم؟؟ انا بنام أقسم بالله افكر في مشاكلي وباخد قرارات فيها وانا نايم ووالله بقيت بصحى في نص نومي ابعت رسايل لناس على أساس الحاجات اللي انا فكرت فيها وخططتلها وارجع انام تاني الموضوع مزعج ومتعب اووووي

حكاية التقدير صعبة شوية، انا دكتور حاجة وتلاتين سنة واتجوزت اكتر من مرة ومخلف، يعني مريت بظروف وتجارب ومع ذلك امي بتاخدني ع اد عقلي ، المفروض ان ليا رأي في حياتي وقراراتي انما شيفاني برضع لسه، ويعتبر عدم احترام من الاخت الكبيرة ، ودا غالبا بيصيب الطفل الاوسط وبيتبهدل،، اقصد يعني انسى ان اهلك او مجتمعك او حتى مراتك هتعملك قيمة طالما مش مشاغب ومخربش وبتفرض نفسك، انشغل بنفسك وطور نفسك ومصيرك هتكون بين ناس تقدرك وتعرف قيمتك 🌷🌿

السلام عليكم ، حابه اخد نصيحة كيف تتعامل مع الم العائلة دائما تحسهم يقارنوك ويفضلون غيرك عليك ، وبسبب اني الاخت الصغيرة احس اني مهمشه في العائلة وان قرارات حياتك يتحكمو فيها اخواتك لكبار ، وكل ماادخل للبيت احس بالقهر .

حوار انك تبقى تايه في حياتك ده حوار مقرف اوي غير كده لما يوصل لدرجة انك م عارف تاخد قرار ف اي حاجه او م عارف او م فاهم ولا حتى عارف تذاكر و م عارف تقرب من ربنا بس انت بتحاول تعدل كل ده بس بتحسها م جايه معاك غالبا ديه مشكلة من مشاكل الشغف اللي انا بعاني منها ان انا شبه مبتحركش غير بالشغف و الطاقه نفسي اتغير فإن يكون عندي انضباط لانه احسن من الشغف بكتير بس الفكره اني م عارف و ده مخليني تايه ف حياتي.

ساعات بفكر هل لو رجع بيا الزمن لورا شويه هل هعيش نفس الفيلم من تاني ولا هغير في الأحداث كتير انا عن نفسي أكيد هعمل فيلم جديد انتا هتعمل ايه ؟؟طيب لو بإيدك ترجع تغير حاجه هتغير اي انا هغير life style

حقيقةً انا مش جايه اشكي من نفس الشخص انهاردة الاقدار والنصيب دول اغرب شيء ادركت ان ساعات بتضيع مننا حاجات كانت روحنا فيها جدا بس عشان خايفين ع نفسنا بنبعد وبرضو البعد مش بيفيد بحاجة ساعات بتبقا اغبي قرارات احنا اخدناها ف حياتنا اتمني من اي حد يشوف البوست ده يدعي لفقيدي احمد بالرحمه والمغفره

مش قادر اتقبل اللي وصلت له في كل حياتي انا كإنسان استحق افضل من اللي انا فيه و اختياراتي مع جهلي بحاجات كتير وصلتني لده كنت محتاج اخد قرارات و ابذل مجهود و اقف في وش ناس كتير عشان ابقي انسان مختلف و خسارة أنه كل ده وقته فات و اصلا أنه انا فعلا كان عندي إمكانية الوصول لأحلامي دي او لا مش قادر احدد بصراحه و لا عارف اصلا لو حاولت في كل فرصي دي كنت اختلف مش عارف ابقي راضي باللي انا فيه أو انجح في اختيارات مبنيه علي رغبات ناس تانيه و لا نافع اعيد اختياراتي و اختار اللي نفسي فيه مع عدم ثقتي أنه انجح كلامي و حياتي و مشاعري متلخبطه مش عارف احدد و ممكن يكون فشلي بقي أمر حتمي الموت شيء بيرادوني و حاسس أنه حل و انا راضي بقضاء ربنا و مش بكفر بنعمة عليا لكن الحيرة و الحزن اللي بعدي فيه مش بأيدي

انا عندى مشكلة انى عندى صحاب ولاد كتير مش بحب حد فيهم ولا متعلقة ب حد و عاوزة ابعد عن الكل علشان حرام دا اولا ثانيا عاوزة اركز ف مستقبلى الفكرة ان انا فى حد اعترفلى بحبه ونا مش بحب الشخص دا مش عارفة ليه وافقت تقريبا اتحرجت اكسفة و حد تانى بردو و بجد دى حاجة سيئة ونا عارفة ومش عارفة اعمل ايه

لو مش عاوز اعمل فرع المفروض فى اول يوم تعارف اقول دا ولا لا لان البنات بيشوفوا ان دا red flag وانى كدا شخص صعب جدا وبتاع ودى مش حقيقة انا بس بغير فالمفروض اول يوم اقول ولا بعد كذا مرة ابدا اعرض وجهة نظرى؟

مساء الخير من فترة حوالي شهرين حصل الموقفين دول في يوم واحد عايز اعرف انا صح فيهم ولا غلط لأنهم حصلولي في يوم واحد وانا مكنتش عارف اعمل ايه يوم ماتش كنت بتفرج عليه في القهوة وجاي من سفر لأن كان عندي امتحان واحد زميل مهنة مش اكتر وعمري مقعدت معاه انا 21 سنة وهو 45 قالي انت اسم القهوة اية واسم المنطقة قولتلو كذا وكذا قالي هيجيلك قولتلو مش هقدر إستقبل حد اسف قالي لا هاجي انت بخيل لية ومش عايز تعزمني وجه بالعافية وقهوة تحت بيتي اتصلت ب 2 صحابي يعرفوه قالولي ممكن يعملك مشاكل ده إنسان غريب اوي حاول تخلص الدنيا معاه لاقيته بيشد كرسي وقعد جنبي رغم اني مرديتش عليه وهو قاعد يرن عشان يعرف العنوان بالظبط لاني قولت اسم المنطقة والقهوة فقط دخل قعد جنبي وطلب من القهوجي حلبة حصا سكر برا اتصلت بصحابي قولتلهم مش هحاسبله اية رأيكو عشان حركته قالولي تمام انت صح وعملت كده وهو اتكل على الله بعدها صاحب تالت كلمني قالي بهزار خطوبتي بعد العيد يعم قولتلوا ركز بس دلوقتي مش وقته هزار حصلي كذا وكذا وحكيتله على اللي فوق قالي نعم؟؟ يعني انت متصلتش بيا أول واحد لية هو انا مش اولوية عندك واعز حد؟ قولتلو يا حبيبي كلكوا واحد وكلكو اخواتي حط لايك وسكت قولتلو انت مقولتليش تصرفي صح ولا غلط قالي طلاما هما قالولك صح يبقى صح قولتلو مالك يابني انا عايز رأيك انت قالي رأيهم اهم قولتلو طب خطوبتك يوم اية تحديدا قالي ميخصكش وياريت مشوفكش فيها روح خطوبة صحابك وزعل مني اوي بجد وقعد تلات ايام ميتكلمش معايا وكل مكنت اكلمه يقولي روح لصحابك وانا ماليش دعوة بأي حاجة تخصك بعد كده انت لصحابك مش ليا وفضل زعلان مهما أكلمه. انا والله معارف انا كنت عملت اية لكل ده كنت جاي من سفر عايز اشوف ماتش وانام لاقيت نفسي داخل في حوارات انا في غنى عنها رغم اني بعيد عن الكل انا عايز أسألكو لو انا كنت غلطان في حاجة هصلحها وحتى مخدتش اي قرار من غير مرجع للناس حد، اولاني رغم أنه فرض نفسه سألت اعمل ايه التاني بحكيله عادي زعل وسمعني كلام زي ده، هل انا عملت حاجة غلط؟

ازاي بتقدرو تسكتو الاصوات اللي جوا دماغكم لانها مسببالي ارق مش طبيعي وكمان مبقدرش اخد قرارات مهمة بسببها والابشع اني اممكن اعمل حاجات مش حاببها لمجرد ان عايز دماغي تسكت ومفكرش نهائيا

انا بقا خلوني عايش دايما في توتر حتي اني اتخذ قرار مهم في شغل باخده وانا خايف دايما خايف من ردود افعال الناس اللي حواليا حتي لو انا علي صح دايما عايش في توتر بقول حاضر ونعم حتي مينفعش اني اعتراض يعني في البيت كلهم عاوزين منك انك تتطاطي وتمشي الدنيا ويوم ما جيت افرح كسروني ومحدش سماء عليا

بالله دعواتكم بفكر في كذا حاجه منهم كام خطوه كبيره هتفرق معايا جدا مستقبلا وارجو اكتمالها لو عندك اي نصيحه فالعموم كدا هكون شاكر جدا يعني (بحاول اخرج نفسي من مود لو سبت نفسي فيه هضيع وهضيع كل حاجه )

من سنه كده او حاجه حد قالي في مره حاجه وما فهمتهاش كويس قوي غير قريب كده قالي لو ركبتي قطر غلط كل ما فضلتي عليه اطول الرحلة وانتي راجعة هتكلفك اكتر فخلي بالك لما تركبي قطر غلط ابقي انزلي في اول محطه علشان تلحقي ترجعي والرجوع ما يكلفكيش كتير لحد قريب قوي ما كنتش فاهمه قوي يعني هو اكيد ما كنش قصده القطر واكيد ما كانش قصده التيكت بس فهمت لما الاقي نفسي عملت حاجه غلط او اخدت اختيار غلط او حاسة انه المكان الغلط ده مش مكاني او المحيط دا مش محيطي اوعي تخاف ان انت تدفع تذكرة الرجوع لان كل ما طولت في المكان اللي مش شبهك ده كل مكان الرجوع تمنه اكتر واكتر

لما واحد يروح يتقدم ويطلب انه مش هيعمل فرح ويستبدلها بعمره والاقي البنت بتقول انا محتاره مش عارفه اقبل بالعمره ولا افضل مصره عالفرح بحس اني هتجنن بجد ، محتاره ؟ يعني ايه ؟ محتاره في ايه وايه وجه الحيره وليه محتاره هو انا اللي اتجننت ولا انتو ولا مين نفس الموضوع مع الشباب اللي يروح لبنت تقبل ده كله ويقولها لا انا هعمل فرح غصب عنكو انتو بجد ولا Ai ؟

انا تفكيري اتشل وبقيت خايفه من كل حاجه ومبقتش اعرف اخد قرار ف حياتي وبقيت وحيده جدا مبقاش ليا أصحاب ولا حد يسمعني ياررب💔 وخايفه اتجوز رغم ضغوط الأهل فقدت الثقة في الناس كلها انا بجد مبقتش قادره اعيش بالطريقه دي ياريت تدعوولي

السلام عليكم اريد فقط شخص يعطيني نصائح واش اسوي في مسيرتي لأنو اهلي دائما هوما لي يحبو يسيطرون واش راح ندير فالمستقبل تاعي انا ، كي نحب نقوللهم واش راني حاب انا ماشي كيما حابين نتوما يقولولي لالا نحنا نعرف مصلحتك اكثر منك ، لي راهم يقولولي عليه حلمهم هوما ، بصح انا عندي حلم اخر بصح هوما في طريق حلمي مايخلونيش اوصل ليه