قرب من الله

تعالوا اسمعوا جيبوا كرسي و تخيلوا معايا تخيلي كده هى التجربة دي حاسها هتمشي مع البنات شوية بصي تخيلي كده انك كنتِ بعيدة عن ربنا فترة و سبحان الله فجأة لقيتي نفسك قريبة اوي و بتعملي حاجات و عبادات مكنتيش بتعمليها قبل كده و بتدعي ربنا انه يرزقك الزوج الصالح و بتدعي اوي اوي بكده و اصلا ربنا يكون صلح حالك عشان زوجك الصالح ده اصلا كان بيدعي ربنا انه يصلحك ليه من بدري و زوجك الصالح ده اهله كانوا و هم اول جوازهم كانو بيدعوا بذرية صالحة عشان تكون سبب في دخولهم الجنة اتخيلوا كده يا جماعك ان الشخص الي من نصيبك دلوقتي بيفكر فيك جدا رغم انه ميعرفكش حتى بس هو بيحبك و بيفكر فيك بيخل النية و العمل الصالح عشان تكون انت الي هو ميعرفش عنك حاجه غير كلمة نصيب تكون شخص كويس مريح معاه تخيل ان في حد بيرفكت في شكله و لبسه و اسلوبه و قريب من ربنا جدا تبارك الله و سواء بنات او اولاد بيتمنوا انه يكون من نصيبهم و بيحبوه جدا بس هو في الاخر محفوظ ليك و متشال ليك عشان هو بتاعك و كمان هو تحفه و روعة و عشرة على عشرة عشان انت السبب في ده هتقولي ازاي هقولك انت بتدعي دلوقتي يارب يكون جميل يارب يكون عابدا لك يارب يكون حنين يارب يكون تقي يارب يكون يشرف يارب يكون كلامه نور و خطواته كلها نور يارب يكون فيه قبول تخيل ان الي هو فيه ده بسببك و بسبب دعواتك الحاجات دي كلها تخليك تسيب العلاقات المحرمة الي مفيهاش نفع دي و مجهود على الفاضي و تركز و تبني شريك حياتك بايدك يعني يارب عايزاه كذا و شكله كدا و طوله كذا و شعره كذا و بشرته كذا بدل ما اقعد تقول يارب اجعل فلان من نصيبي و تهدر مشاعرك دي فالفاضي و في وقت غلط قول يارب اجعل نصيبي كذا و كذا و كذا يارب اسعدني بيه و يصب عليا الحب صبًا جماعة والله احساس حلو ان انتوا متعرفوش بعض دلوقتي خالص خالص بس فاكرين بعض في دعائكوا او اصلا يكون دعائك كله ليه انت رايح تتعبد عشان تدعي ربنا بنصيبك انت بتجهز نصيبك على مزاجك والله احساس تحفه اوي تخيل تكون روحت تعمل عبادة معينة و حبيتها ده بسبب ان نصيبك عايزك حد كويس و ميشقاش معاك ادعوا من دلوقتي و بطلوا تهدروا مشاعركوا في حاجه مش مضمونه اصل معلش انت هتلعب و في الاخر مش هتاخد غير الي مكتوب ليك فادعي ربنا انك تبقى مبسوط بيه احسن ما تاخده غصب عنك و تلبس في الاخر لانك عكيت قبله كتير

لي مفيش فيلينج سعيد بجد متضايقة اوي المهم لسة طالعة من علاقة كانت بتأذيني ومكنتش عارفة أخرج منها نهائي بجد بس دعيت ربنا إنه يخرجني منها و حرفيا انتهت بأبسط طريقة في الدنيا ، عايزاكم بقى تقولولي افكار للجلو اب عايزة افهم نفسي و احب نفسي عايزة ارجع شطورة زي الاول عايزة اشتغل عايزة اقرب من ربنا زي الاول و ارجع احفظ قرآن عايزة اعيش حياتي بجد و كمان عندي فاينل بعد العيد ف احسبوه في الخطة بردو و ادعولي ياجماعة ادعولي بكل حاجة انتو نفسكم فيها دعوتك لأخيك من أسباب استجابة الدعوة ، ربنا يهديكم و ينور طريقكم و يحل مشاكلكم و تبقوا أحسن نسخة منكم في صحة و عافية و يرزقكم الرضا في حياتكم و يرزقكم خيري الدنيا و الآخرة و يجمعكم بحبايبكم و يحسن خاتمتكم و يرزقكم الجنة آمين

تفتكروا اية اللى ممكن يتغير لو علاقتنا بأهلنا كويسة ؟ ١) هبطل أدوّر على إشباع إحتياجاتى العاطفية برا اهلى ٢) معاملتى بالناس هتكون قايمة على حُسن الظن مش التخوين فكل حاجة ٣) هيكون عندى جزء من السلام النفسى اللى اقدر منه أقرب من ربنا وهبعد عن اى حاجة تغضبه كفاية دول وانتوا احكولى عن التغيير اللى هيحصل جايز إجابة حد منكوا تلهم أب وأم وتغيّرهم للأحسن ❤️

ازاي ارجع اصلي تاني ازاي اقرب من ربنا تاني مع ان الموضوع صعب عليا و ازاي اسيب الحاجات الغلط اللي بعملها وانا متعلق/ه بيها؟ لو فيه شخص كان بيسأل نفسه نفس السؤال و عرف يرجع للطريق الصح يعرفني عملها ازاي

هوا كوني اتغيرت مره واحدة وبقيت اعرف ربنا وقريب منو وبصلي وبقرا فكتابو ده طبيعي انا حقيقي مستغربيني وحتا امي بتقولي خايفة عليك بجد انت اتغيرت من ضلمه لنور وبتعيط وقلبها حاسس بحاجه هتحصلي بس انا بجد عندي نفس الشعور ان ربنا بيندهلي اتوب عشان خلاص عاوزني انا مش زعلان بلعكس بس امي متعلقة بيا جدا

نفسي ارجع قريب تاني م ربنا نفسي ارجع منتظم تاني ف الصلاه الموضوع دا مضايقني مش عارف ليه بقع ومش بينتظم مش عارف ليه لسه بعمل حاجه حرام مفيش مبرر ولا اي حاجه تخليني اعمل كدا نفسي ارجع اقراء قران تاني نفسي احس نفس الاحساس اللي حسيت وانا قريب م ربنا كانت فتره راحه نفسيه بجد ومكنتش حتي البنت دي بفتكرها زي الفتره دي مش عارف ليه الواحد بعد لما يدوق طعم حلاوه القرب م ربنا يرجع تاني لورا بجد يعني ف رمضان كان ربنا تاب عليا م اكتر حاجه حرام بعملها ف حياتي عدي رمضان ورجعت عارف ان الانسان خطاء بس انا نفسي ابقي انسان كويس ورجع تاني اصلي بنتظام وتكون اولي حاجه ف حياتي الصلاه

تعرف... لما ربنا بيحب حد بيبتليه، و الابتلاء دا بيكةن انواع مثلا ابتلاء ف المال او الرزق او تخسر حد بتحبه او حتي امراض تجيلك مثلا بس افتكر ان لما بحصلك حاجه زحشه دايما ردد و قول "الحمدلله" و قرب من ربنا لو انت بعيد.

لما اكتر ناس كنا عشره لسنين اختفوا من حياتي كانوا اكتر ناس عارفيني ولما بحكي بيفهموني كويس وعارفين مين انا من غير ما افضل اشرح كتير .. بطلت احكي لما بقيت بحس ان الناس كلها غرب عني حتي صحابي الجداد .. بدات الجأ لربنا وبس لما اعوز اتفهم فعلاً وهو عارفني امتر من اي حد انا نفسي احس بوجوده اكتر واعرفه اكتر لان كل ما بعرف ربنا اكتر قلبي بيتملي بحبه كل ما بحس انه بيحبنا ازاي اكتر من نفسنا حتي .. مش عايزه اتعلق تاني بناس مع ان الفكرة بنسبالي بجد صعبه لاني بحب الونس والصحبه دايما والمشاركه .. بس اكيد ده اختبار ومحاولاتي ف القرب من ربنا هو احلي حاجه ف الاختبار ده لان ربنا بس هو الامان الحقيقي بجد محتاجه اصدق ده رغم احتياجي دايما لونس وناس قريبين .. الحمد لله

في طبعي كتومه م بحب حد يعرف عني حاجه او يعرف اني متضايقه حتي اهلي كنت بجيب ورق واكتب اللي مدايقني واقطعه او احرقه وبعدها بقي عندي شجاعه غريبه معرفش جبتها منين ولما اتكلمت محدش محدش فهم قصدي مكنش في حد بيحبني اوي لدرجه انه لما اقول حاجه يفهمني من غير ما اتضطر اشرح ممكن ده اقوي سبب خلاني محكيش لاي حد حاجه عني لانه في النهايه بردو م هيفهمني حكيت مره وحده وندمت لانه مفهمنيش شافني غلطانه ف بقيت احكي واشكي همي لربنا لان متاكده انه الوحيد اللي عارف وفاهمني اكتر من لي حد ف نصيحه قرب من ربنا وهو هيطبطب علي قلبك

من يومين بدأت اعمل حاجه كويسه انا تقريبا مفيش توفيق فحياتي بس قررت اقرب شويه واحده واحده من ربنا مكنتش بقرأ قران والحمدلله ربنا هداني كنت بحس بضيق شويه بس الحمدلله بدأت اسمع واقرا زي زمان كمان الصلاه بصلي الحمدلله بس بأخرها شويه لحد قبل الاذان التاني بشويه يعني بس بحاول معملش كده بس دلوقتي مبسوطه شويه اني بعمل حاجه كويسه وربنا هداني ممكن تبداو تقرأوا ايه بس أو تسمعوا كمان ادعوا بالهدي حبيت اشارك إنجاز بجد حلو جربوا نفسيتكم هتكون احسن ❤️

لأول مره مبقاش عارفه اقول ايه او اعبر عن اللي جوايا بس كل اللي انا عارفاه اني بحاول اطلع نفسي من اللي انا فيه حتي لو بحاجات بسيطه بحاول اكمل بحاول اكون كويسه وانجح اكتر واكتر عن اللي وصلتله لان بالنسبالي اللي وصلتله ده مش كفايه لا لسه فيه تاني وطبعا كل ده بكرم ربنا عليا واني عندي ثقه كبيره اوي ف ربنا انه مش هيخذلني زي المرات اللي فاتت ، علاقتك بربنا احسن كتير اوي عن علاقتك بصديق بأخ باي حد لانه بيسمعك دايما حاسس باللي جوايك مهما تطلب منه من دعي عمره م هيردك الا وهو جابر بخاطرك وهو الوحيد قادر انه يغير كل اللي انت فيه ده ف لحظه ثق انت بس فيه وقول يارب وصدقني هو الوحيد عالم باللي جواك واللي بتحس بيه من تعب ربنا كريم اوي ورحيم اوووي اوي فوق م تتخيل كفايه راحه البال اللي بتحسها بعد كل صلاه كده وانك مبسوط اوي ان ربنا راضي عنك دي بالنسبالك المفروض تبقي حاجه كبيره اوي عارف ليه عشان غيرك بيحاول يقرب من ربنا بس مش عارف يعمل ده ولا عارف ينتظم ف صلاته ومش معني كده ان هو وحش بالعكس ربنا مديله فرص كتيره اوي تخليه يعيد حساباته الف مره عشان ربنا يثبته قرب منه صدقني عمرك م هتخسر لكن الخساره اللي بجد انك تبقي عارف ان ده فرض عليك ومتعملهوش♥️👌..

لا إله إلا أنت سبحانك إني كنت من الظالمين اللهم انت تعلم كيف حالي فإهديني و يسر لي امري و ارزقني من حيث لا احتسب لا إله إلا انت سبحانك اني كنت من الظالمين اللهم اني ظلمت نفسي ظلما كثيرا لسامحني و ردني إليك يارب لا إله إلا انت سبحانك اني كنت من الظالمين اللهم اني استغفرك و اتوب إليك يارب قربني إليك يارب حاسيت اني عايزة اقول كده والله بحاول و ربنا حاسس بيا و بيكم ما تنسوش تدعوا و ادعولي معاكم عندي امتحان كمان شوية و لسة فاتحة المادة بس ان شاء الله هلحق ادعولي

بتمنى من ربنا يصلح حالي و يراضيني بقالي كتير اوي بدعي من ربنا انه يهديني و يصلح حالي و يساعدني اقرب ليه اكتر ، لكن دايماً ببعد تاني و اكتئب و بحس ان ربنا مش قابلني ، حتى في حياتي معظم اللي بطلبه من ربنا مش بيحصل ، و دي حاجة محسساني اكتر اني مقصر ، التفكير في كل حاجة بقى يتعبني ، ياترا ربنا مش حاببني او أنا هوصل للي بتمناه من ربنا ولا لا ، مبقتش عارف اعمل ايه

أعمل اي لو كنت مرتبط بواحده لما كنت صغير عندي 18 سنه و دلوقتي في تالته جامعه و سنينا بعض من تلت سنين اصلا و لحد دلوقتي مش عارف اتعايش حاسس بفراغ مفيش حد اتكلم معاه نفسي اتكلم مع حد احكيله كل حاجة المهم مكلمش البنت الي كنت معاها عشانه حرفيا معناديش الجرأه اني اكلمها و اقولها كل الي جوايا بعد أعمل أي حاسس بفراغ كبير جدا و مش قادر اتعايش و الحمد لله قريب من ربنا و كل فروضي في الجامع و مهتم بقراءة القرءان و جامعتي ماشي فيها أعمل أي جدا

انا تايهه وفي شخص بعشقو حرفيا بس معرفش افك التعلق ده ازاي وكنان تالته ثانوي مش عارفه اعمل اي وفاضيه. ولا عارفه اقرب من ربنا ولا اذاكر ولا اي حاجه وفي تعب جسدي الفترة دي حاولت كل مرة انتكس.... وو

السلام عليكم انا اول مره ليا اكتب حاجه هنا بس حسيت اني في مشكله كبيره و انا مش مستوعبه كاني في غيبوبه انا طالبه ٣ث و في أهم سنه ليه طبعا لأنها الي هدخلني الكليه الي انا عيزاها . بس المشكله في أن انا مش عارفه اركز فقد الشغف و في قلق و خوف و اضطراب نفسي لدرجه وصل بيا الحال أن يجيلي نوبات هلع بالرغم اني بصلي و مقربه من ربنا الحمدالله ... كنت عايزه حل لو حد يعرف .. يبقا ربنا يباركلك بجد .. ( انا خايفه أن ملقيش حد ذي أو الاقي علي الاقل حل )