قيمة

ولله ي جدعان انا خت درس من الدنيا حلو كنت حابب اشارككم يعني احنا اللي بنعمل قيمه للناس ملهاش قيمه وبنخليهم يجوا علينا و يؤذونا يعني ما تعمليش قيمه لحد غير لما تشوف منه الوحش قبل الحلو علشان ما تاخدش درس يفضل معلم عليك طول حياتك وما تبلغش في حبك للناس ولا القيمه اللي انت بتديها لهم وخليك دايما عارف ومتاكد ان لازم الشخص ده يمشي باي شكل

هي فضفضة بائسة ملهاش لازمة والله بس أهو أحس ان كلامي بيوصل لحد أصلا انا حاسة بجد احساس رهيييب اني ماليش قيمة عند أي حد خالص اللي هو لو اختفيت دلوقتي ماحدش هيحس ولا هيفتقدني بالمرة أنا بابا وماما متوفيين عايشة لوحدي .. أختي متجوزة ويعني علاقتنا مش قريبة اوي أصحابي أو زمايلي كلهم بعاد كل فين وفين اما بنتكلم عندي شغل والله والحمد لله ماشية وناجحة اعتقد يعني بس مش ممكن احساس انك شايل دنيتك بفرحك وزعلك وخنقتك وهبلك وجنانك لوحدك دي موبايلي ده مابيرنش ولا بيجي له notification غير لشغل كل فين وفييين بقى لو حد افتكرني وسأل .. بالمناسبة أنا بسأل كتير والله بس التأخير والبرود في الرد بيخلي الواحد مايكررهاش كتير حاولت كتير اعمل لنفسي دواير بس بتفشل وبتتفكك بسرعة اوي وبعدين انا نفسي والله في حاجة سهلة شوية يعني ليه لازم البس وانزل واقابل ناس واعمل مجهود اني ابني علاقات جديدة تاني انا نفسي في الطبيعي والله اللي هو الونس الموجود عادي ده في اي بيت ..صوت بس كدة دوشة وخلاص خناقة ملهاش لازمة اي حاجة انا بجد يوم الاجازة ده ممكن كله مايطلعليش صوت اصلا ولو عاوزة اريح في البيت يبقى عقاب بجد انه لا ازهق افكار وذكريات كتير تهجم عليا فلا لازم انزل وألف واسحل نفسي وجسمي عشان احاول افصل شوية .. وفي الاخر منا بنزل مع نفسي اصلا حقيقي زهقت وتعبت بس

هو انا عايش ليه؟ سوال مش بلاقيله رد و بيدور ف دماغي كتير مش معترض اني عايش بس ليه برضو مش حاسس ان في حاجه ف حياتي ليها قيمه و تخليني اكمل علشانها بحاول اخلق سبب و ممكن يقعد معايا فتره بس ف الاخر السبب بيختفي او بنساه اصلا او بغير رايي عنه و برجع ل نفس السوال انا عايش ليه

بقيت حاسس اني بقل في قيمتي مع شخص اعمل ايه؟ هحاول اختصر بس انا ليا واحد صاحبي معرفة سنتين اهو بداية معرفتي بيه خناقة قال عليا كلام وحش بعدها بفترة فضل يرخم عليا وانا اصدو لحد مبقينا صحاب وكان جدع جدآ جدآ معايا وكنا رغي 24 ساعة مرة واحدة اتغير معايا بدون سبب وذلني باسراري وقالي اقسم بالله بكرهك واختفى شهر وبعدها ساب شغله رجع اعتذرلي كتير وقالي اسف بعدها اتكلمنا شهرين طلبت منه مساعدة في الشغب عاملني وحش راح طلب مني مساعدة عاملتو وحش راح قطع معايا اسبوعين ورجع اعتذر والعلاقة بقت عادية بعدها بدأنا تاني نرجع رغي 24 ساعة وكان كويس جدا معايا ورغي 24 ساعة برضو ومرة كنت مخنوق ومش واكل قالي عشان خاطري كل وبعدها بيومين عزمني وكنا كل اسبوع بنتقابل أسبوع اعزمو اسبوع يعزمني شتمني بامي وسط قعدة رديتهالو لما روحنا راح قالي متتكلمش معايا تاني عشان هفش*ك وقطع برضو انا الشخص ده كان الأقرب ليا لكن حاسس اني بقل في قيمتي بيكون كويس ووحش على حسب مزاجه مبقاش ليا طاقه له انا مختصر جدا جدا جدا جدا على فكرة لكن هو كان بيتصل بيا قبل وبعد كل امتحان مليون رنة في اليوم بعد كده بقى بمزاجه قولتلو مرة انت عايز كل حاجة بمزاجك تقطع وترجع بمزاجك قالي انت مجنون ومريض نفسي

هو ليه دايما احنا الجيل الوحش ليه ديما بيجو علينا وبيحسونا ان احنا موفهين مع ان احنا شايلين بجد احمال كبيرة قوي وتعبانين كلنا بجد تعبانين نفسيا الجيل ده كله تعبان نفسيا كلنا عندنا مشاكل مش بنحكيهالكو علشان انتو مش هتفهمونا في سنانا الصغير ده شوفنا حاجات كتيرة قوي ممكن تشيب الراس وماحكش يعرف اي حاجه من دي غيرنا بنفكر كتير قوي وبنتعب وبنتضايق وبنكتئب مش علشان كلنا فراخ كده خلاص الدنيا تمام يعني نفسي اهلينا حسو بينا شويه و يحسسونا اننا متشافين وموجودين يحسسو ان احنا بجد لينا قيمة

منذ كنت صغيرة كانت كلمة اصمتي هي اكثر ما اسمعه، كبرت بشخصية تسمع اكثر من ما تتكلم، كل افكاري كانت مختلفة عن من حولي و يبدو ان هاذا خاطئ لأنه من انا حتى اعارض، لكن الشيء الذي جعلني اصمت للأبد هو حين قلت اني متعبة حين بكيت من الالم و بقيت اقول اني اتألم لأيام عاملني الجميع على اني باحثة عن الاهتمام و امثل فحسب، ذلك اليوم رغم صغر سني استوعبت انني بلا قيمة لذا حتى اذا طلب مني شخص الان التحدث سأفكر بما سيفيده رأيي؟ ماذا سيستفيد اءا عرف المي؟ ليس علي ان اكون كثيرة الشكوى، انا مزعجة و هذه الافكار اختلطت تدريجيا مع فكرة ان الناس لا يستحقون اي جهد لذا لن اتحدث فحسب

متعلّقش نفسك بحد وجودك مش فارق معاه… إنت مش مضطر تدي قيمة لناس أصلاً مش شايفين قيمتك. ومتفكرش إنك محتاجهم لا. إنت بس محتاج تفتكر أنت مين وهما مين عشان كل واحد يبقا في مكانته الطبيعية وميفكرش أن هو أكبر من أننا نستغني عنو عشان نفسنا

"أكتر حاجة بقت تضحكني إن الناس بقت عايزة احترام وهي مش عاملة أي حاجة تستحق بيها الاحترام… داخلين حياتك بالزور، وعايزين كمان تعاملهم كأنهم قيمة. اللي محترم نفسه مش بيستنى حد يعمله حساب… وجوده أصلاً بيعمل الحساب لوحده."

من الحاجات المهمه في حياتك انك ترتب علاقاتك ، تفلتر وتشوف كل الناس اللي في حياتك وتشوف قيمتك عند كل واحد في حياتك وانت اي بالنسباله وعند أنهي نقطه الشخص دا ممكن يتخلى عنك ، وتتعامل معاه علي الاساس دا، عشان متتصدمش في حد لان صدمة العشم مؤلمه جدا ، وأكيد طبعا لا ترفع سقف العشم حتي لا تصطدم بواقع الخذلان