هي فضفضة بائسة ملهاش لازمة والله بس أهو أحس ان كلامي بيوصل لحد أصلا انا حاسة بجد احساس رهيييب اني ماليش قيمة عند أي حد خالص اللي هو لو اختفيت دلوقتي ماحدش هيحس ولا هيفتقدني بالمرة أنا بابا وماما متوفيين عايشة لوحدي .. أختي متجوزة ويعني علاقتنا مش قريبة اوي أصحابي أو زمايلي كلهم بعاد كل فين وفين اما بنتكلم عندي شغل والله والحمد لله ماشية وناجحة اعتقد يعني بس مش ممكن احساس انك شايل دنيتك بفرحك وزعلك وخنقتك وهبلك وجنانك لوحدك دي موبايلي ده مابيرنش ولا بيجي له notification غير لشغل كل فين وفييين بقى لو حد افتكرني وسأل .. بالمناسبة أنا بسأل كتير والله بس التأخير والبرود في الرد بيخلي الواحد مايكررهاش كتير حاولت كتير اعمل لنفسي دواير بس بتفشل وبتتفكك بسرعة اوي وبعدين انا نفسي والله في حاجة سهلة شوية يعني ليه لازم البس وانزل واقابل ناس واعمل مجهود اني ابني علاقات جديدة تاني انا نفسي في الطبيعي والله اللي هو الونس الموجود عادي ده في اي بيت ..صوت بس كدة دوشة وخلاص خناقة ملهاش لازمة اي حاجة انا بجد يوم الاجازة ده ممكن كله مايطلعليش صوت اصلا ولو عاوزة اريح في البيت يبقى عقاب بجد انه لا ازهق افكار وذكريات كتير تهجم عليا فلا لازم انزل وألف واسحل نفسي وجسمي عشان احاول افصل شوية .. وفي الاخر منا بنزل مع نفسي اصلا حقيقي زهقت وتعبت بس
ربنا يهون على قلبك ويرزقك الرفيق اللي يعوضك عن كل أيامك الصعبة وكل فترات يأسك وضعفك ٠٠ بتهون ان شاء الله ❤️
ربنا يهونها عليكي ويقويكي بس خلي في دماغك ان الله عزّ وجل خلق كل واحد فينا لهدف ودور معين في الحياة كل شي خلقناه بقدر والوضع اللي انتي فيه ده باب من أبواب الشيطان علشان يحاول يتكمن منه
ربنا معاكي ويفرحك ديما ويرزكك ان شاء الله
الانس الحقيقي هو الانس بالله ابداي احفظي قرآن واقرايه وصلي كتير وادعي ربنا يرزقك بالونس 🤍
ربنا يهونها عليكي و يفرح قلبك و يعوضك كل خييير يجمييييله و يرزقك بالزوج الصالح و العوض و السند و البيت الهادي مع اسره و عيله تعوضك عن كل د بصي شوفى بتحبي تعملى ايه و اعمليه فى اجازتك
ربنا يهون عليكي ويرزقك شريك حياتك الحنين
أنا ايدي مش في المايه علي فكره انا عارف احساسها دي وعارف التشتت ده شوفت ناس كتير وانا كنت هبقي بالتشتت ده
حاسة بيكي ربنا يهون عليكي يارب
اول م تبقي قادرة تقوليلي 😂 وربنا يهون على قلبك
ماتيجي نبقى صحاب انا تقريبا نفس حالتك ❤️
ربنا يعوضك خير في حياتك ويجبر بخاطرك ويديكي كل اللي نفسك فيه ❤️
ولو ع الخناق ف انا عاوز اتخانق بصراحة
ربنا يهون عليكي ويرزقك بونس العمر كله ويرزقك باللذرية الصالحة 💙.
طيب ما يمكن انتي الي عامله كده في نفس كنت بقول ديما حاجه أن انت مش هتسال أنا هسال اسالي انتي كلمي اختك وديها وكده كلمي صاحبك حاولي تحبي حياتك اكتر من كده