كلام

كنت منزل بوست عن حاجه معينه وواحده دخلت كلمتني واقنعتني بوجهة نظرها روحت راجع للبوست تاني ومسحته عشان اقتنعت بوجهة نظرها ورجعت ليها عشان اقولها لاقيت الكلام اللي بينا اتمسح 😂😂معرفش ليه بس يعني مكنش قصدي والله وانا بجد حبيت نصايحها وأسلوبها اوي

انا الوحده مبهدلاني وعايش لوحدي بقالي كتير عايز واحده تبقي صديقه ليا ونتابع بعض ونتطمن علي بعض ونتكلم مع بعض في تفاصيل يومنا ونهزر ونضحك ونخرج ونروح ونيجي ونبقي صحاب بدل الوحده اللي الواحد فيها دي ..

السلام عليكم ورحمة الله وبركاته 🍬. عندي مشكلة كبيرة اوي بجد ومش عارفة اعمل فيها ايه (محصلش). مش حاسة اني محتاجة احكي حاجة محددة بقدر ما انا فعلا محتاجة اتكلم وخلاص، اقول اي حاجة فعليا لأي حد واقعد اهبد كده احس اني مشغلة ذهني في نقاش او حاجة، ف لو حد عنده موضوع مفيد يعني بما اني هموت من الزهق (والرعب) ومش عارفة انام (هنام ف نص الكلام برضو عادي).

حد فاضي يتكلم ف اي حاجه ف اي شي المهم احس بوجود حد جنبي حتي لو هنقول اي حاجه ساعات الانسان بيبقي كدا اصعب فتره ممكن تمر ع حد عموما مش عارف انا بقول اي والله وحتي مش عارف هنزل دا ولا لا بس الحوار رغم وبتمني انه يخلص ع خير بدون اذي

كل يوم بيزيذ جوايا شعور الوحده. محتاج حد اتكلم معاه ونفضفض لبعض...... يا تري وردة حسيت بأية خلها تقول الكلام ده اول مرة أشوف الدنيا . دنيا كبيرة ومش سايعاني . أول مرة ألاقي لعمري . طعم ومعنى جميل إنساني . أول مرة لما أجي أتكلم . ألقى كلامي كأنه أغاني . أول مرة أحس بأني . بعد الحب بقيت شيء تاني . انه الحب يا اصدقائي بكل تأكيد

احساس مش مفهوم كانك عاوز تسمع او تتكلم سواء كان ليها لازمه او لا سواء كان في موضوع او لا مشكله حابين تحكي فيها فكره حابين تناقشوها موقف عاوزين تشوفوا وجهات نظر مختلفه ليه او تتكلم لمجرد الكلام فقط 🌹🤍

انا عارف ان الكلام بيريحك .. عارف انك مش وحشة .. مجرد لهوة و عايزة ترتاحي من غير التزامات و احكام ... بالطريقة الي تريحك اكيد يبقى الموضوع مصاحبة عاطفة و اهتمام لأننا مش حيوانات .. انا خلصت کلام خلاص

محتاج اوى اتكلم مع حد احساس دائم بالوحدة ومعنديش صحاب لو يس اتكلم مع حد يفتح اى موضوع او يحكيلى تجربته فى موضوع الصحاب وهل فعلا فيه صحية بتدوم تلل كلها فترات يا ريت متعدوش البوست وتفيدونى

احيانا بيجيلي وقت بحس اني لازم اكلم حد دلوقتي حالا ايا كان هو مين او الموضوع الل هنتكلم فيه المهم اننا نتكلم دلوقتي ولد بنت مش هتفرق بحس اني لوحدي جداً و لازم احس ان حد جمبي و معايا و جمبي حالا حد حس ب دا قبل كدا ولا انا بس 🚶‍♀️

هس..معكم انا عندي شعور بالضغط والخنقة واعتقد لما اسمع حد او اتكلم مع حد ممكن ده يخف شوية عشان كده هس..مع مش ده دايما الحل بس ادينا بنحاول وربنا يريح بالنا كلنا ويخفف علينا ايامنا التقيلةةةة

عندي 22 سنه عندي رهاب اجتماعي وعندي قلق فوق المتوسط ده بتشخيص الثيرابي روحت 3 سيشنز وعطياني تدريبات تنفس وكده علشان اقلل من الحجات دي بس انا عندي مشكله مش عارف هيا بتبقي مع الامراض دي ولا عادي بس اوقات بيقي لساني كويس وبتكلم عادي وساعات كتصر لساني بيتقل بطريقه بحس نفسي مقطوع واول كلمه مبعرفش اقولها او اول حرف بيتكرر وبتعب ن الكلام وبحس اني ببزل جهد اكتر من اي حد والحوار ده انا متاكد انه ملهوش علاقه بالتوتر يعني لاني بكون قاعد في البيت وبيحصل معايا كده لما قولت للثيرابي قاللي واظب علي تمرينات التنفس والمره الجايه هنتابع مع دكتور تخاطب هو ده عادي ودي مش ممكن تكون مشكله عضويه ؟ مع العلم ان الحوار ده بيروح ويجي

عندي مشكله اني مش بحب احط حدود في الكلام مع الناس الي بحبهم ممكن اكلم في اي حاجه وكل حاجه برحتي منغير ما افكر فيها وده بيخليهم يخدو عني فكره مش حلوه بس انا بحب اكون برحتي مبحبش عيب وميصحش واي الي بتقولوه ده وكده والمشكله الأكبر اني خسرت ناس كتير بسبب ده بس مش فارق معايا انا مبسوط كده

وفي عيني كلام حزين .... وبداخلي شوق اذاب القلب حزنا... وليس الهجر يؤلم ولكن الكلام يوجع ساعات بتبقى عايز تحكى بس الكلام بيرفض يخرج من صدرك وجع رهيب في قلبك دايما وحيد رغم الكل جمبك تايه في نفسك مش عارف ايه يرضيك ولا عارف ليه دايما الالم ماسك فيك ، بتسهر ليل طويل ساكت سهران بس علشان تعبان وفى ايام كتير نايم بتهرب من الوجع بس حاليا النوم ما بقاش بيفيد نفسك ف حد يفهمك من غير متشرح لكن مفيش وانت ما بقتش تحاول في آخر اليوم بتلم شتات نفسك وتبدا تنزل دموعك على مخدتك وتنام عاجز رغم ان شعور رغبه دايما مفقود حتى وانت بتكتب دلوقتي مش عاررف بتكتب الكلام دا ليه يمكن حبيت تتطلع للى جواك في بوست حزين مش مهم حد يشوفه المهم انك بتحكي

جماعه هو حرام ان ولد وبنت بتكلمو على الاب هنا يحلو مشكله يعني مثلا انا حطيت مشكله وحد رد عليا ودخلنا نقاش لحد محد يقنع التاني منغير حاجه كدا ولا كدا دا حرام ولا لا مع اننا منعرفش بعض ولا حاجه غير الموضوع بتاع البوست من ساعه مدخلت الاب هنا والحوار دا بيتكرر بس بحس ب قبضه في قلبي كدا عمري ما اتكلمت مع ولاد قبل كدا ومش عارفه دا كدا محسوب عليا اي مع العلم ان في ناس كتير فادتني على الاب سواء من نصايح او مشاكل قالولي على حلول ليها ولو حد حاول يغير مجرى الكلام بقفل واعمل بلوك وريبورت على طول الذات ان في ناس بيبقو مقتنعين بحاجات غلط تحسهم معميين عن الصح وده بيبقى هدف النقاش اصلا بس مش عارفه بردو

محتاجين نطلع الي جوانا و نتكلم حتى ولو كلام فاضي او مش مهم لغيرنا ف هو ممكن يكون امل لينا او بسبب الكلام و النصيحه شفنى حاجه مش كنا واخدين بالنا منها في مواضيع كتير و اي حد عاوز يتكلم اني موجود

لما بقيت أحس إن مفيش حد فاهمني ،، حكيت زي محكيتش مش فارقة كتير مش لاقي حد فاهم دماغي و مش عندي طاقة اشرح و احكي و اتكلم ف بقيت افضّل السكوت في أوقات كتيرة طبعاً الموضوع مش سهل إطلاقاً بس اهون كتير من إني اتكلم و ملاقيش اللي يفهم كلامي و مشاعري

محتاج اتكلم مع حد كبير يكون فاهم الوضع الي انا في حقيقي مخنوق وقرفان من نفسي بسبب حجات كتيره بعملها انا نفسي اتغير حقيقي وعاوز احكي ك بداية للتغير بس خايف يتحكم عليا واسمع كلام روتيني عاوز حد يقدر يساعد واسف عمتا للي سنهم صغير بس مش هيقدرة يفهمو الوضع

مش بستفاد حاجه لما بحكي بالعكس بندم دايما مشاعري بيتقلل منها ممكن انا بقولها بشكل غلط بس مش المفروض حد يقلل منها و بعديها بحس اني متعريه حرفيا مكشوفه و مش مسترحه حد فاهمني (نكمل الحروف بأي حاجه)

جماعه انا مخنوق خنقه ربنا يعلم بيا ياريت اي حد يهون عليا او نتكلم انا مفتقد جدا للكلام وتعبت جدا من كتر مانا لوحدي وانا فعلا عايش لوحدي بس الحمدلله بحاول اتاقلم بس كفايه هفضل كدا لحد امتي

اي حد محتاج يحكي حاجة او محتاج مساعدة احكي براحتك وانا هسمعك ونساعد بعض نبقى أحسن كل واحد عنده مشاكله اللي مابتخلصش وهي دي الدنيا بس بنبقى محتاجين نتكلم مع حد ونفضفض ونطلع اللي جوانا ساعات بيبقى انك تحكي بس هو الحل اللي يطلعك من خنقتك

بجد أنا أول مره حد ياثر علي مزاجي بالشكل ده ، الموضوع بدأ بواحده بتعدي من ادامي كل يوم بحكم مكان شغلي جمب المكان الي بتاخد دروسها فيه ، هي دايما بتبصلي بتركيز مش بتشيل عنيها يعني مش مجرد صدفه أنا عارف انها قاصده وحاسس في عينيها بكلام كتير ومع الوقت بقيت حاسس اني اتعلقت بيها اكتر منها بكتير أو يمكن هي كمان بتفكر فيا بس انا بجد بقيت بفكر فيها طول اليوم بعد ما اروح ولو يوم مشوفتهاش بيكون يوم وحش اوي ولو بصتلي بيبقي يوم حلو, أنا حقيقي مش عارف اشيلها من دماغي أو يمكن مش عايز اصلا بس مفيش فرصه اني اكلمها الموضوع صعب شويه مش لاقي حل ومش عارف امتي وازاي ده حصل ، أنا مش عايز كلام تقليدي الي حاسس وفاهم بس ياريت يساعدني

المشاعر لا تناقش من هذا الباب الي عنده مشاعر او اي طاقة مش عارف يطلعها ممكن نتكلن ونعبر عن مشاعرنا هنا نحكي الموقف الي هو عب ثقيل علي روحك متشلش هم كله هيروح ممكن لو خايف نزل هنا بوست الكل بيفيد وبيحل والله ليا مده هنا مشفتش حد بيجرح فيك ولا يقلل من مشاعرك وانا هنا اسمع

انا مش بلاقي حد يفهمني نهائي ببقي بتمني حد يفهمني من غير ما احاول اشرح و اوضح حاوليا ناس كتير جدا و اهلي الحمد لله بس مش بقدر اعبر عن الجوايه بحريه و الاقي حد يتفهم بالبقوله و ميفهمش كلامي غلط ولا يستخدمه ضدي

الواحد بجد نفسيته تعبانه انا حرفيا هتجنن كل حاجه ماشيه عكس مانا عايزه كل حاجه ضدي حاسه انى مش بخير بس انا تعبت من الكلام الى ملهوش تلاتين لازمه ومش عارفه انا لى بكتب تانى وبتكلم امي لما بكلمها بتتعب وتمرض وابويا بيلومني ويهزقني ولا عندي صاحبه حتى اكلمها بس عادي مش مهم مش هتفرق كلها كام سنه واتكل ع الله

اوقات بحتاج اتكلم مع حد وميقولش حاجة يسمعني بس اشوف ف عينه انه سامع وحاسس وخلاص مش عاوز نصيحة مش عاوز حل مش عاوزاي حاجة فيها منطق لان انا جاي عشان محتاج اتكلم مش عشان انت نابغة وعندك كل الحلول وجو اعمل كذا وحاول واستحمل ، كل ده ولا بيفرق معايا واله الطبطبة بتكون كفاية بالنسبالي

جماعة انا عايز اتكلم عايز اتكلم اوي أوي أوي انا في قناعة جواية أن الكلام مش بيعمل حاجة كلها بتبقي قوة مؤقتة بتاخدها في لحظتها وبعدين ولا أكنك سمعت حاجة ( أو دا ال بيحصل معايا مش شرط كل الناس ) والله دا مش جنون عظمة ولا حمدان أن انا بقول كدا بس دا ال جوايا فعلا. هتقول طيب ليه بتتكلم اصلا ؟ هقولك عشان هعمل حاجة مجنونة جدا هتقلب حياتي 180 درجة وهتبوظ حياة اهلي وكل الناس ال حوالي. في حد هنا

فكرة إني فقدت اكتر إنسانة كانت فارقالي فحياتي خلتني اسكت، أصل دي البنت اللي كنت بعمل علشانها كل حاجة فبنيت حياتي كلها عليها وبقيش حد او حاجه فارقالي ، فلما هتكلم هقول ايه؟ وهقوله لمين؟ كلهم مش فارقينلي ولا حتى فارق يسمعوني

كنت كدا في الاول بس بعد ما نزلت اشتغلت في الشارع اكتشفت أن سكوتك دا خساره (مش في الشغل بس في اي حاجه في حياتك) وممكن يضيع عليك حجات كتير وممكن تحبس جوا نفسك ودا هيخلي عندك عقد نفسيه مش كل سكوت يبقي هيبه وتكبير دماغ بل سعات بيبقي في نظر الشخص التاني انك عبيط ياريت لو في حاجة ضايقتك ارفع صوتك واكلم بس الموضوع مش بالسهوله دي دا محتاج وقت وتمرين وتتعامل مع بشر وتاني مره اقولك لو في حاجه ضايقتك اكلم وخد حقك ومتسيبوش يضيع عشان لو سبته مره هتفضل تسيبه وهتخسر حجات كتير انت ممكن متستوعبهاش❤️

لما بقي مش مسموحلي اتكلم، لما اتكلمت بيكون في ردة فعل وحشة فا اتعلمت اسكت، عشان اتجنب حاجات كتير لما بقي كل كلمة محسوبة عليا. عدم الكلام بقي راحة و محدش مهتم عمتا، خلينا ساكتين علي طول احسن لينا و ليهم.

زهقان جدا وبجد مفتقد جدا الاب الي فات اه كان غير امان الي حد ما بس بردو كان الذ واحسن مش بقول الي حاليا حلو بس عادي سيب كل واحد براحته والغلط فينا من الاول أننا ادمناه عشان هو كام الملاذ الأخير لينا كلنا من الاخر كنا بنهرب في حته كانت مش امان اه حاليا أمان بس مطفيه وكلنا كنا حابين الكلام عشان كنا بنلاقي الي يفهمنا بسرعه بس حاليا مش عارفين نتكلم عشان نلاقي اصلا وشكرا

عشان عمري ما اتكلمت ولقيت حد فاهمني عمري ما اتكلمت وارتحت دايما بتلام اني بتكلم مع ان انا صاحبه الكل كويسه مع الكل بس لو طلبت ربع اللي انا بعمله هتشاف ان انا كده عايزه مقابل وماديه وقد ايه ان انا مش بعمل الحاجه دي كده لله ايوه.

مش عارف لحد دلوقتي اتخطي خالي الله يرحمه كان عزيز عليا اوي ولما راح خد قلبي معا ومش عارف انسي خالص وبقي مقصر عليا جامد ومش عارف اعمل اي وكل لما ببقي مهموم من الدنيا بروح اقعد معاه ف الترب واتكلم معاه برتاح شويه

جماعه حاسه اني عاوزه اتكلم مع حد يفهمني ويفهمني نفسي علشان انا مش فاهماها! حياتي بايظه بجد والمشكله اني ساحله نفسي في مليون حاجه علشان مفكرش في حاجه عارفه ان كده غلط اني بتجاهل مشاعري لدرجه اني بقيت متبلده المشاعر

بتعملوا ايه لما تبقوا عايزين تحكوا وتتكلموا بس مفيش حد يسمع بتهربوا علي فين أو بتعملوا ايه، خصوصا أن في وقت كتير فاضي والتفكير متعب وفي الجيش والدنيا مش تمام ؟ اه ومعايا التليفون عادي في الجيش

ساعات الحروف بتجمع قلوب، ونظرة عين بتكفي عن ألف مكتوب.. بدور على روح تطمن في الزحام، تكسر صمت الكلام وتبدأ حكاية ماليها الود والاهتمام اوقات صدفة بتغير ملامح ايام فاهماني ولا ارجع بالزمان.

انا عارف انتم في ظروف مش تمام اللي نحب اتكلم انا هنا عشان اسمع و لاي حد لو في حد عاوز يتكلم على حاجه تعالى مش تخبيها تعالى ضحكي اللي في نفسك وانا ان شاء الله هحاول اساعدك اكثر طريقه ممكنه ربنا يسهل

محتاج اخرج من موضوع الانطوائية ده و يبقي عندى صاحب حتى يسمعني و نتكلم مع بعض لانه انا وحيد و جربت كل الطرق و مش لاقي حد محترم نبقي اصحاب و كده هل فى حل للموضوع ده ياريت لو حد يقدر يساعدنى بعد اذنكم ؟؟

بجد الناس الي عاوزه تنصح وخلاص يعني يبق لسا مفهمش وتلقي عاوز ينصح ياعم مش عايز تسمع متخشش تسمع بجد الي بيحكي عارف غلطو مش جي يحكي عشان تنصحو ده ف الاغلب جي يحكي عشان يرتاح من ظية سؤال جوا دماغو سيبو يرتب افكارو بجد الناس الي مبتسمعش كويس وتحكم وخلاص بلاش من فضلحو انتو ممكن نيتكو خير بس انتو بتئذو الي بيحكي

عايزه اتعلم المهارات الاجتماعية ازاي اتكلم و كلام حلو و مليان مش فارغ مش عارفه حد فاهمني ولا لا بس انا عايزه اتعلم مهارات كتير اوي وبس انا مش عارفه ابدا منين أو اقرا كتب أيه ف اتمني تساعدوني

ان ماحدش هيقدر يفهمني و يفهم كلامي زي ما هو جوايا هيشوفه كلام سطحي او أڤورة و ايه يعني مافيش غيرك اللي حصل ده معاه و بلابلابلا مالهاش لازمو و بتدايق اكتر ما بتريح ف بدل ما الفضفضة بتكون باب لتفريغ مشاعرك و الطاقة السلبية و الكلام اللى جوا الانسان بتتحول ل هم كبير من اللى بيسمعه من الناس 💔

اول مره اكون عندي مساحه اني احكي. و معرفش اتكلم ، انا جوايا حاجات كتيره اوي بشكل مش طبيعي نفسي اطلعها كلها و أحكي و أحكي بس مش عارفه أنا ضعيفه جدا والله مش عارفه ابطل حاجات كتير و لا عارفه انتظم علي حاجه صح

مش عارف بس اعتقد أنه عدم تقبل العتاب أو النقد في حاجات معينه اصل انا بحكيلك عن موقف مضايقني ف لما تفضل تقطع فيا اكتر انت كدا مش بتصلح حاجه ف بطلت احكي لأن الأغلب كدا أو ع الأقل بحكي لكل واحد اللي هو حابب يسمعه أو بشيل النقطه اللي هيعاتبني فيها

سكت علشان اتقلي وسط الضحك اهو زعلت وهتروح تعيط بل سعات سعتها عرفت اني مينفعش اتكلم لزم تسكت علشان ممكن ترتاح بعد الكلام بس هتتوجع كتير بعدها وجع يعلم فيك ويكسرك قدام الكل لما قررت اتكلم ضحكو وقالو دي مش مشاكل ساسا انتي بتكربي الوضوع لية هتعدي عادي يعني بقتي رخمة ومملة

سؤالي للبنات اكتر انا دلوقتي عندي تاتاة شوية في الكلام او عدم طلاقة وبتعالج بس هي مش مشكلة عضوية اصلا يعني مش عيب خلقي او حاجة لا انا انسان عادي جدا فمش عارف ليه بحس انها هتمنعني من الارتباط حاسس مفيش بنت هتوافق فانا عايز افهم دماغكوا اكتر عاملة ازاي وهل لو شوفتوا حد كدة عادي تتقبلوه 🥲 والتاتاة بتزيد وبتقل علي مدار الايام يعني انا سعات بتكلم كويس عادي بس اغلب الوقت بتاتا فعايز اسمع بجد رايكوا

انا شاب اعزب وكنت عايز الي اتكلم معاها واحكيلها الي جوايا وهي كذلك تحكيلي الي جواها ونبقي قريبين من بعض اوي ونبقي كل حاجة في حياة بعض وصدقا انا حنين وكويس اوي بس بجد ومن غير هزار لاني محتاجها جدا

عاوز حد يسمعني بجد عاوز اتكلم مخنوق وجايب اخري بس بقولك قبل متيجي تسمعني متحكش عليا انا واحد في عيوب الدنيا كلها حاسس عاوز اكلم عاوز اخد ولو فرصة حد يسمعني منغير ميحكم عليا عاوز احس ان فعلا في ناس بتحب تساعد

"التقدير الحقيقي مش موجود في الكلام… موجود في الأفعال اللي تشوفها بعينك." جربت قبل كدا احساس التقدير الحقيقي مش الكلام ولا كلو في الاخر بيطلع كلام عشان نعدي بيه الموقف مش اكتر يعني هل فيه تقدير حقيقي ولا وهم

جماعه انا ولد عايز مساعدة انا اوقات كثيره مبلاقيش حد اتكلم او اقعد معاه اخد و ادى فى الكلام بيكون عندى مواضيع عايز اتكلم فيها بس مبكونش عايز اكلم اهلى فى حاجة المشكله انه انا معنديش صحاب

ممكن حد يعرفنا الزاي نتجاوز ال مشاكل ال بنمر بيها وقت الكلام / هنا 🙃🙃🙃 الموضع مستفز اوي حد عنده طريقه عشان ال بل اوك ال كل شويه يوقف الكلام دا ؟؟ انا من انت انا من انت انا من انت انا من انت انا من انت انا من انت

حد جرب انو عشان ينسي حد معين يخش علقاات كتير اوي سوشيل وبجد زاي مكون بدور علي حاجة ومش لقيها بجد انا عشت تجربة حلوة بس للاسف اتجرحت وتقريبا دوست علي كتيرر اوي ملهمش ذنب بس حرفيا كنت بخش اي علاقة بلساني بقول كلام عارف تاسيرو بس انا مش حاسس الكلام اسف لو كلامي ضايق حد بس مخنوق من نفسي والله

عندي مشكلة لو في حد يتكلم معايا فيها علشان احساس التوهان والضياع بسببها والاحساس بالذنب كبير ومعنديش حد اكلمه فيها لو في حد يسمعني ويقولي رأيي وهل انا كنت صح ولا غلط ولو غلط ف ايه الغلطد

مخنوق بجد مش عارف اقول اي بس زهقت زهقت جدا أنا محتاج يفهمني ويكون فاهمني وفاهم كلامي وهزاري مش مهم اي حاجه الا أنه يفهم بجد نفسي القي حد كده بس مفيش خالص مش موجود نهائي

مليش حد ف العلاقات لدرجه ان لما قربت الاقي حد يشبهلي اتكلم معاه شويه التطبيق دا قام حاظر الشات 🥲 ....................................................

بتعملو اي لما تحسو انكو لوحدكو تماما ومفيش اي حد جنبكو تقدرو تتكلمو معاه حتي هنا فالابلكيشن مثلا مش عارفين تدو ثقه انكو تتكلمو مع حد منه ويطلع اي كلام وخلاص

الواحد مهما كان سنه كبير برضوا بيحتاج حد جنبه بس للاسف مهما حاولت اقرب من حد مش بقدر احكي ولا اقدر اتكلم مع حد ف للاسف بقيت حاسس ان هفضل لوحدي علطول هل حد بيمر بنفس اللي انا بمر بيه ان هو لوحدة ومش قادر يقرب من حد