انا الحمدلله علي قدر من الذكاء و بذاكر بس دايما بحس في مستوي احسن مني ، مش مشكلتي في كده .. مشكلتي اني مكنش عندي هدف من صغري و دايما بذاكر و بس و اهلي مبسوطين أن درجاتي حلوة لكن لما كبرت و دخلت كلية بقيت حاسة اني تايهة و الموضوع اصعب كتير من ثانوية عشان الدكاترة بيتحكموا في أعمال السنة و منهم الرخم بيسأل ف حاجات مش علينا ف المنهج .. انا حاليا ف كلية طبية محتاجة مجهود و بحس مهما اعمل ف درجاتي متوسطة و مبقتش زي الاول و عندي احباط رهيب.. خصوصا اني باخد مواد رياضة و انا كنت علمي علوم و الرياضة بالنسبالي عذاب و الدفعات اللي قبلنا بيحذرونا من دكاترة الرياضة و ناس كتير شايلين موادهم من تالتة و رابعة و بياخدوها معانا.. ف حقيقي مرعوبة و عندي احساس دائم اني عايزة اسيب التعليم .. مستوايا متوسط و ناس كتير جايبين أقل مني بس عندهم شغف و بيحاولوا .. ف انا صعبان عليا نفسي في الحتة دي حد مر بتجربة زي كده؟ و اعمل ايه في مواد الرياضة بجد مش بأفور بس هي بعبع بالنسبالي و درجاتي فيها الي الان لا تبشر
