لوحدي

كله بيتكلم عن الوحده و قد ايه هو احساس صعب طب حسيتوا قبل كدا ب الوحده وانتو معاكم ناس يعني عندي صحاب عندي زمايل في ناس عارفه انها بتحبني عندي شغل و دراسه عندي تمرين كل دا و لسه حاسه بفراغ لسه حاسه اني لوحدي مفيش حد ولا حاجة عرفت تملى الفراغ دا ديما في حاجة ناقصة مش عارفه ايه هي ديما في حاجة انا لسه محتجاها

ايه الحل لو مفيش حد بيصدقك مهما حصل أو مهما قولت حتي لو انت ف مصيبة و حاسس انك لوحدك و حكيت لأهلك مش مصدقينك يقولولك ماشي ماشي و يسكتوا اكنهم بياخدوك ع قد عقلك و مستعبطينك أو مستهبلينك عموما بالرغم سني ٢٧ مش صغيرة ... حاسة اني لوحدي بطريقة بشعة ومش لاقية حد معايا ومش عارفه اعمل ايه حرفيا

اعمل ايه طيب ف العلاقه النهارده الخميس والواحد لوحده وكل واحد متجوز. ومحدش فاضي لحد يعني الفورمه اللي بنعملها دي هتروح لمين عشان الواحد زهقققق من الوحده واني لوحدي واخرتها ايه بقا اوووف

مساء الخير بتتعاملو ازاي مع شعور الوحده و انكم لوحدكم و مافيش دعم من اي حد الواحد تعب من أنه لوحده جدا انا كمان مش صغير انا دكتور و عندي 25 سنه و الحمدلله شغال بس الفكره إن الواحد لوحده و الموضوع بيكون صعب بتتعاملو ازاي مع الحوار ده

بتعملوا ايه وقت صلاة العيد او بعد الصلاة ، بتروحوا فين ومع معين ؟ لو انت لواحدك معندكش عيلة او اصحاب بتعمل ايه في العيد.. ايه الأنشطة الي ممكن تعملها او بتخرج ازاي وفين وبتعمل ايه ؟ او عموماً حتي لو مش عيد ؛ لو انت لواحدك إزاي ؟

وبعدين بقي في الكابلز الي ف كل حته دول مش عارف استمتع بأجواء العيد لوحدي ، يعني انا لما كنت صغير كانو الكبار الي بيرتبطو ولما كبرت بقت كلها عيال طب ايييي أنا فاصل يعني في النص ، ياريت نوزع م الاول يا جماعه عشان في ناس معاها كتير وناس معهاش خالص ، ولا اروح انام زيكو ف البيت وخلاص

اول حاجه كل سنه وانتوا طيبين و يارب دايما تكونوا كويسين و مبسوطين بلاش حد يزعل لو هو العيد ده لوحده انزل لوحدك عادي و روق على نفسك يا باشا مينفعش نبقى معتمدين على الناس ان دول اللي وجودهم معانا هما اللي بيخلونا نحس اننا مبسوطين و اتعلموا تتبسطوا وانتوا لوحدكوا عشان مش كل الفترات في حياتنا هيكون حوالينا ناس ممكن في اي لحظه نبص حوالينا منلاقيش حد ولا حتى حد يقولنا كلمه واحده ولا يطمن علينا و حاولوا تستمتعوا و تعملوا حاجه بتحبوها حتى لو مش هتخرجوا اعمل اي حاجه بتحبها او حتى بتفرق فمودك و لو واحد في الميه ❤️

هاي.... احساسي اني لواحدي دة قاتلني دايما عاوز حد جمبي قريب مني ولما اتكلم او اعبر عن مشاعري واحساسي بيتقال غلط وعيب هوه موضوع محرج شوية بس احساسي ومشاعري اكيد حقي اعبر عن الي جوايا سؤالي للبنات

احيانا بيجيلي وقت بحس اني لازم اكلم حد دلوقتي حالا ايا كان هو مين او الموضوع الل هنتكلم فيه المهم اننا نتكلم دلوقتي ولد بنت مش هتفرق بحس اني لوحدي جداً و لازم احس ان حد جمبي و معايا و جمبي حالا حد حس ب دا قبل كدا ولا انا بس 🚶‍♀️

اوقات كتيره وبقا معظم وقتي او كل وقتي بقيت بحس اني قرفانه من البشر والناس وكل حاجه حواليا ومش طايقه حد حرفياً بقا عندي اشمئزاز من اي شخص برجلين بقيت عصبيه اكتر من الاول بس ف نفس الوقت بارده بقيت بنفعل ع اي حاجه بس بارده فيها بردو معرفش هل دا طبيعي ال انا فيه ولا ايه...حقيقي مخنوقه من البشر بقضي يومي كدا عشان ممسكش حد اعجنو واطلع كبتي فيه..بقا عندي ارق..مبقتش مركزه..بنسا كتير اوي..حاسه جوايا كتير مكتوم وحاسه ب حاجه كبيره كاتمه ع قلبي اكترها عياط مش قادره اخرجو اتغيرت اوي ف حته العياط بقيت كتومه ومبعرفش اعيط خالص زعلانه من حاجات كتيره واولها نفسي زعلانه ع نفسي النهارده ماشيه ف الشارع حسيت عايزه اعيط وعيني دمعت حسيت محتاجه طبطبه حسيت ب حاجات كتيره اولها ليه احس اني عايزه اعيط ف الشارع وسط الناس مع اني عمري ما عيطت قدام حد ولا بينتلهم ضعفي انا تايها ونفسي افهم السبب..حاسه اني لوحدي اللي كدا

لاول مره في حياتي احس اني لوحدي قوي كنت مرتبط ببنت بقالنا 7 سنين روحت اتقدمت لها 3 مرات وفي كل مره كنت برجع مرفوض مره يقولوا لسه صغيره ومره لما تخلص دراستها والمره الاخيره عشان عايزه تعيش جنب اهلها في البلد المشكله اني كنت فاكر انها هتكون معايا وهتقف قدام اي حد عشاننا بس الصدمه انها اتخلت عني تماما في الاخر انا بجد حسيت اني اتقتلت وعملت مشاكل كتير مع اهلي عشانها وكنت بقول مش هتجوز غيرها مش قادر افهم هي ليه عملت كده وفي نفس الوقت انا من ساعتها متدمر حرفيا كنت دايما بطور من نفسي ومن شغلي عشان اكون احسن واحد في نظرهم بس كل ده مشفعش الموضوع فات عليه سنه بس انا لسه مش عارف اتخطى ولا عارف ادخل في علاقه جديده ولا احب ولا اهتم بحد تاني ومش متخيل غيرها اصلا هي دلوقتي اتخطبت ونسيتني وانا لسه مش عارف انساها وحاسس اني في متاهه سني بقى 28 سنه وحاسس اني مهدود

الوحده شعور صعب انك تحس انك لوحدك مفيش حد جنبك مفيش حد يفرحلك او يزعلك ملايين القصص مكتومه مش عشان انت جامد وكده لا هو ببساطه مفيش حد تتكلم معاه وتبدا تفكر هل المشكله فيا؟ هل انا فعلا وحش اوى كده عشان استحق اكون لوحدى؟ وده مش معناه انى بقول انى شخص بيرفكت وكويس لا ولكن يكفينى انى مش مؤذى وبساعد قد ماقدر لو ليا دعوة واحده فا هى ان ربنا يرزقنى الونس

بشكر لتاني مره الناس اللي ساعدوني و اتمني يكون موجودين و شايفين كلامي و انا عنده مشكله هنزلها كمان شويه و اتمني انكم تشوفها و تلاقوا ليا حل بجد انا بعدي بفترة صعبه و مقدرش اعديها لوحدي لاني مش هعرف

بتتعاملو ازاي مع اللخبطه اللي في حياتكم بالذات لو مافيش حد معاكم انا دكتور متخرج من سنتين وحاسس بتوهان صعب و تعبت.من كل حاجه سواء كلام أهل او انى لوحدي اعمل ايه تنصحوني بيه