مراجعة الذات

هذا ما وجدنا عليه أباؤنا بستغرب من معظم الناس انها اتولدت علي أسلوب حياة معين ومعتقدات معينة وبتعيش حياتها كلها من ما تجرب تفكر هل ده صح ولا لا وهل دي الحقيقة ولا انا عايش في وهم ، بحس ان الناس بتخاف من التفكير بس لو حياتك ومعتقداتك هشة لدرجة انك تخاف من شوية افكار فاعتقد انك محتاج تراجع نفسك كويس

بلاش لو شوفنا حد بيعمل حاجه وحشه او بيعمل حاجه غلط نتريق او نعيب فيهم او نغلط لان حرفيا الزمن هيدور وهيجي عليك وقت تلاقي نفسك بتعمل نفس الحاجه وقتها هتبقي قصاد نفسك اللي هو هيحصلك هو "الذهول". فجأة بتلاقي شريط كلامك القديم، أو نظرة الاستعلاء اللي كانت في عينك وأنت بتعيب، بتتعرض قدامك زي المراية. الصدمة هنا مش من الذنب نفسه، الصدمة من أنا؟ معقولة أنا بقيت الشخص اللي كنت بنتقده؟