مصارحة

أنا مش ملاك ولا شيطان ومش بقول اني كل حاجة بعملها صح ده بالعكس والله أنا بقعد أراجع نفسي وأغلط نفسي كتير أوي ويمكن في الأخر أخلي الذنب كله ذنبي أنا طب هو حد بيعمل كدة والمواقف والحاجات اللي عمالة اراجعها اللي قدامي بيراجع نفسه فيها كدة طب ليه الدوشة دي كلها وليه مايبقاش دايما فيه مصارحة أول بأول ان ده زعلني منك وان انا مش صافية ليك دلوقتي ليه تسيبوا الواحد لدماغه بجد يقعد يراجع فالموضوع من كل الزوايا ويستنى الاشارات وطريقة الكلام وردود الفعل والتلميحات ما نصارح بعض يا جماعة الدنيا هتبقى أبسط كتير حتى لو جيت قولتلي أنا مابقتش طايقك ومش عاوز أعرفك تاني وكدة من غير سبب هيبقى أريح من الانسحاب والبرود والحجج الفارغة وأقصر والله