معنى الحياة

ازاي الإنسان ممكن يطور من نفسه ويوصل نفسه انه يكون احسن نسخة من نفسه ، خايف الحياة تعدي واحس اني معشتهاش عاوز اوصل لما اجي اموت اني اقول اني عشت حياتي فعلا ، ازاي اعرف اعمل ده واهرب من فخ الحياة الروتينية وان الواحد بيعدي يومه ؟

الشعور العالم بالخواء كنت فاكره ان دا شعوري لوحدي انما دا طلع شعور جيل كامل ان الحياه خلصت و هي لسه في البدايه الملل العام و الاحساس ان الحياه عديمه القيمه و انعدام ظهور خطوط مستقبل واضح علي انعدام الشغف و الابداع معقول هي دي الحياه الحقيقيه واننا مخلوقين عشان كده وبس ؟؟؟

هو انا عايش ليه؟ سوال مش بلاقيله رد و بيدور ف دماغي كتير مش معترض اني عايش بس ليه برضو مش حاسس ان في حاجه ف حياتي ليها قيمه و تخليني اكمل علشانها بحاول اخلق سبب و ممكن يقعد معايا فتره بس ف الاخر السبب بيختفي او بنساه اصلا او بغير رايي عنه و برجع ل نفس السوال انا عايش ليه

تفتكرو ليه يا جماعه بجد ؟! بحس ليه دا سؤال صعب اوى او سؤال وجودى عموما كل انسان عنده تجربه مختلفه و حاجات مختلفه جت ف باله اول بس ما فكر ف السؤال دا عندى فضول جداا تجاه الموضوع داا جاوبو على اساس اول حاجة جت ف بالكو 🫵

اووووف بجد جبت اخري من كل حاجة وكل حد مفيش حاجة عدله ولا نافع ف حب ولا صحاب ولا بطيق حد في العيلة ولا نافع فشغل هوا ايه انا اتخلقت ليه لما حياتي هتكون بايظه كدا انا موجود عشان اشتغل واتهان واسد جمعيات وخلاص هوا اكيد ده مش سبب وجودي بجد

لازلت مستمر مش فاهم ايه معني الحياه معني عميق مش حب جواز فلوس لا! ايه الهدف الحقيقي للحياة و ازاي توصل للسعادة لأن فكره الان ت حار للأسف بقت بتجيلي كتير و لولا اني عارف ان اخرها هموت كافر كنت عملتها انا مكنتش كدا زمان بس بعد وفاة امي كل حاجه اتغيرت و محدش بيقف مع حد ولا اخ ولا اب ولا قرايب ولا صحاب ايه الحل هل في حد مر بنفس المعاناه دي؟

كنت بفكر مؤخرا ان أحيانًا ما بندركش قيمة المشاعر الجميلة ولا جمال اللحظات وإحنا عايشين جواها، لكن لما نبص من بعيد، كأننا بنشوف المشهد من خارج الزمن، بنكتشف قد إيه كنا في لحظة دافئة، جميلة، ومليانة معنى. ساعتها بس بنفهم إن بعض الأشياء ما بتبانش قيمتها إلا بعد ما تتحول ذكرى.

دايما عندي اسئلة وجودية مكنتش عاوزة اكون موجودة دايما ببص لاهلي نظرة لوم لانهم خلفوني وفي بينهم مشاكل الدنيا والاخرة .دايما بفكر ليه ناس تخلف اولاد ويعانوا في الدنيا ويكونوا ضحايا اهاليهم والمجتمع والناس والظروف ليه بنخلف لمجرد اننا عاوزين نخلف مش بنفكر قد ايه ممكن اللي جاي دا يعاني محتارة بين الدنيا والمغريات اللي فيها وفي نفس الوقت بخاف من ربنا. دايما بقول لنفسي مش لو مكنتش موجودة هيكون احسن ( انا مش عندي اي افكار انتحارية ) بس الموضوع شاغل دماغي مش اكتر. الموضوع دا مأثر عاليا في رغبتي في الخلفة في المستقبل كل لما اقول لحد كدا ميفهنيش ويستغرب كأني بقول حاجة خارقة للطبيعة وبيكون الرد دايما ( ما كل الناس بتخلف )

فكره صعبه اوي لما تبقي بتراقب الحياه مع غيرك بس انت مش بتعيش قانون ان الحياه بتعوض كل انسان بحجم الم الفقدان بس الرحله منتهيه معاك بالالم بس لسه في مستقبل بس مش عاوز تعيش فيه بصيت لصورتي وانا صغيره وقولتلها موتي وبكيت وفعلا الموت لاحقني وخوفت منه اول مره علي الرغم اني بتمناه بس مش مستعده ليه لاني شايفه ان الحياه قاسيه وده الطبيعي بس انها تبقي قاسيه و مش بتعوض ده الاسوء كنت مستنيه تعوضني في اي حاجه اتمنيت ابسط حاجه وبرضو مرضتش بيا كل طرق الحزن لاحقتني بكل الاشكال ومستغربه ان لسه جسمي بيتحرك وحاملني اني اصحي كل يوم اعيش واشوفني بتالم وبفقد بس لو كنت لقيت معنى واحد لحياتي مكنتش هدور علي الموت يمكن لما الاقي الموت هلاقي المعنى بس العوده منه بنفقد كل حاجه تاني وعلي الرغم من كل ده انا الشخص اللي كل الناس بتلجأ ليه عشان تحل مشاكلها التافهه مش قصدي انها تافهه بس شعوري بالمي اكبر من كل شئ علي الاقل لما ببص في حياتهم بلاقي الحياه واخده جزء ومعوضه جزء وهنا انا بتمني لجزء التعويض كل خير بس بتمناه برضو لنفسي ليه كل ما احاول الاقي طريقي نهايته الألم بس ومحدش بيسمعني لاني متعودتش اتكلم انا العلاج لكل شخص حتي الغريب بس انا مين يسمعني مين غير نفسي قدام مرايتي

ماعرفتش اعمل صاحب واحد من ساعة ماجيت الدنيا دي، ولا حتي في معارف او قرايب عدله، ماعنديش غير ابويا واخواتي وعلاقتنا مش الي هي برضو بس الوضع يمشي يعني، الموضوع مش فارق اوي في العادي لأنه دا وضعي من بدايه حياتي فا واخد علي الوضع ومتأقلم، بس لما بفكر وبحسبها وببص حواليا بزعل الصراحه، الي هو ليه الواحد مش من حقه حاجه زي دي يعني، بس بقول عادي برضو اهي ماشيه وادينا عايشين مش مشكله، بس للأمانه انا مش لاقي لحياتي معني ، مجرد عايش وخلاص

هي الحياة ليها معنى ؟ ايه معنى الحياه ليه بنقوم من سريرنا ليه اعافر عشان اعيش اكيد مقصدش ام9ت من٠حر اقصد ايه اللي يخليني اخرج من اوضتي مفضلش فيها لحد ما يجي دوري انا بكره نفسي

مطلغبطه شوي عارفه أن الجواز سنه الحياه وان لازم الإنسان يستقر وكل ده جميل بس انا عندي مشكله مع العيشه نفسها مش قاصدي مدينا قصدي في الحياه يعني الكل عايش ذي بعض ذي ما يقال اليوم بيومه مفيش طموح لحاجه ينجح فيها ويطور فيها عايشن بس موظف ثم معاش وخلاص بس انا مش عايزه اعيش كده هتقولوا هيجيلك شخص كويس وفي ناس طموحه بس هو هيقبل اني اشتغل هيقبل اني اعمل حاجه نفسي وانجح فيها ولا اول ما اخلف هقعد بقه واكررث حياتي ليهم هي اه ده شئ كويس بس كده في انانيه الان الست الظغط عليها بيبقي اكبر من الراجل بكتير وبرضه وهي بتشتغل الظغط عليها كتير بس اي ده لا انا مش هكرث حياتي ليهم واعمل كل حاجه وهو يبقي دوره اي تي ام بس