مهارات اجتماعية

عملت صحاب في الجامعه بس مبقتش بعرف اتعامل معاهم واتقفلت منهم ودايماً بحس إني مش على طبيعتي خالص وفي حاجه بتظاهر فيها أياً كانت حاجه سلبيه ولا إيجابية. أنا عندي وعي كافي يخليني أعرف إن الجامعه مش المكان الأمثل إن الواحد يعمل فيه صحاب حقيقين بس دا المكان الوحيد الي بتعامل فيه مع ناس من سني خصوصاً إني مش بعمل حاجه تاني في حياتي غير الدراسه... فعملتوا ايه عشان تحسنوا مهاراتكم الاجتماعيه وتبطلوا تتقفلوا من الناس بسرعه كده

عندي مشكلة انا جسمي ومظهري الخارجي كويس جدا الحمدلله بس بالرغم من كدة لما بحاول افتح كلام مع بنت بتصدني او ترفضني ساعات بقول اني ممكن مش بعرف اتعامل مع بنات كويس خصوصا اني البنت الوحيدة ال كلمتها كان كل كلامنا واتس بس اصلا لو حد يقولي ازاي اعرف اطور مهاراتي فالكلام وريأكشانات الوش

حاسه بجد ان حياتي ملهاش لازمه انا عمري م حد حبني بجد اهلي مش بيحبوني بيعاملوني كويس اه لكن اداء واجب مش حب فيا و اصحابي كلهم بيمثلوا وبتوع مصالح وناس مش كويسه لكن للاسف مليش غيرهم و دخلت علاقه مرتين ولا مره اتحبيت بجد كلها تسليه و وعود كدابه وفي الاخر برجع لوحدي تاني انا مش عارفه لي انا مش وحشه للدرجه دي يمكن تكون مهاراتي الاجتماعيه قليله لكن بجد انا مش بتضايق حد و بحاول دايما ابقا لطيفه مع كل الناس بس محدش بيحبني في الاخر بتحط في دكه الاحتياط

عايزه اتعلم المهارات الاجتماعية ازاي اتكلم و كلام حلو و مليان مش فارغ مش عارفه حد فاهمني ولا لا بس انا عايزه اتعلم مهارات كتير اوي وبس انا مش عارفه ابدا منين أو اقرا كتب أيه ف اتمني تساعدوني