مواصلات

عاوزه نصحتكم انا فرح صحبتي اعز اصحابي قرب وهي نفسها اكون معاها حتي هي قالتلي كدا وكمان هي صحبت الكليه واقرب حد ليا مشارعنا كل حاجه سوا المهم فرحها قرب وللاسف هيكون يوم جمعه يعني مفيش مواصلات وهي الفرق بين بلدها وبلدي ساعه يعتبر او ساعه ونص ومعنديش اخوات ولاد يروحو معايا وبابا ممانع حتي نروح افراح في البلد فاستحاله اعرف اقنعو واهلي اصلا مش من النوع اللس بيقدر مشاعر اصحاب والحاجات دي بيشوفها لعب عيال انا قولت لاهلي ان هروح حاجه تبع الكليه وفيها مابيت وكدا لان هتاخر ومش هيكون في مواصلات الجمعه فامي قالتلي معنديش مانع وهكلم مع ابوكي طلامه حاجه تخص تعليمك انا شايفه ان مش بحب اضحك عليهم او اكدب عليهم وزعلانه من كدا جداا وكمان حاجه اما اكلمت مع صحبتي عرفت ان اصحاب اخوها هيباتو في نفس البيت بس هيكونو في شقه فوق وانا هكون مع خالتها في الشقه اللي تحت انا مرعوبه من اهلي وكمان ان في شباب فكرت ان اعتذر ليها بس هي هتتقبل ؟ ملحوظه صحبتنا التالته هتروح لان مامتها مساعدها وقالت ليها هاجي معاكي ونجيب حد قربنا يودينا ويجبنا بالعربيه لان استحاله يكون في مواصلات في البلد دي فانا حاسه بزعل حتي صحبتي اما عرضت عليها اروح معاهم حاستها الموضوع تقيل علي قلبها كدا فانا مش عارفه اعمل ايه

مقدرش اكمل في شغل اكتر من شهرين بجد بستغرب جدا من الناس اللي بتعرف تكمل ياريت تدونا نصايح ازاي بتعرفوا تكملوا في اي شغل وتستحملوا الروتين والمواصلات بتاعت كل يوم وايه الحاجات اللي لما نلاقيها في الشغل منكملش ومندوسش على نفسنا زي عدد ساعات العمل او المرتب او تعامل الاستف والتيم وياه بقا لو نصيحة كمان للناس اللي عايزة تشتغل في فترة الدراسة (طبعا اكيد الناس اللي فاتحة بيوت ده اكبر محفز انهم يشتغلوا وميبقاش عندهم حرية الاختيار)

عندي مشكله كنت قولت هبدا رحلة تغيير ف اول حاجه جت في بالي وانا راجع من الامتحان النهارده وانا بدفع الاجره في العربيه لو اللي قدامي بنت ف انا مضطر اديها ف انا مش بلمسها بس بخبط على كتفها بالفلوس يعني اللي بيلمسها الورق مجاش ف بالي قبل كدا خالص ان الحركه ممكن متبقاش لطيفه وكانت نيتي خير واني ملمسهاش ف قعدت افكر كدا وقوقلت طب لو اختي راكبه هوافق يحصل دا ؟ والاجابه طبعا كانت لا انا لو طولت اشتري عربيه عشان اختي متركبش مواصلات من الاساس هعملها ف قررت اول خطوه اني ابطل الحركه دي تماما واشوف اي طريقه تانيه غير اني اخبط على كتف البنت وختاما الحمدلله امتحان النهارده كان رائع فاللهم يسر في الباقي يارب

دنيا زحمه و مواصلات و كله بس انا نفسيي اخرررج انا من ضغط فضلت اعيط بجد و بقالي شهور مخرجتش و فرصه اجازة العيد بتضيع اهي فعايزه انزل بس بكره الزحمه خصوصا لو مش امان و هروح فين و مع مين صحابي مش عاوزين ينزلوا و اهلي تعبانين بفكر انزل اتمشي لوحدي

انا بقيت بحس بخوف دائم من أن حاجة تحصل والخوف دا من مامتى بالذات انا من صغرى وانا بخاف منها جدا والخوف دا كبر معايا لحد دلوقتى (حاليا أنا فى الجامعة ) لو مثلا وانا مروحة باجى اركب ومش بلاقى مواصلات بخاف تزعقلى لما اروح عشان اتأخرت لما مثلا فى محاضرة زيادة جات فجأة بخاف عشان هيا هتعمل مشكلة انى اتأخرت وانا دايما فى الضغط دا وزهقت من احساس الخوف دا مشعرفة ايه الحل

هو يعني ايه الشتا خلص بجد؟؟ هنرجع للحر تاني والجو ده تاني بجد وان الواحد ميبقاش طايق نفسه بسبب الحر والتلزيق والعرق والحما كل خمس دقايق يعععع متنسوش تحطوا ديودرنت يجماعه مش هينفع يبقى حر وصهد ومواصلات ودروس وريحه نتنه كمان دمتم سالمين

يوم كليه ملوش لازمه تلت محاضرات اول اتنين بدون فايده والاخيره هي اللي تمام خسارة اليوم ٤ ساعات محاضرات ٢ مواصلات ٦٠ جنيه مواصلات هنام دلوقتي عشان مطبق من امبارح على ولا حاجه متفائل النهارده مع كل العبث دا بس متفائل هقوم من النوم اكل والم الاسبوع دا كله وامسك ماده او مادتين الهم ف اللهم عفوك بفكر اخلي البوست بعد كدا ريكورد عشان بكسل اكتب مش عارف دمتم في امان الله H

- استبدال المواصلات العامة في مصر بالمواصلات الخاصة هو من الرفاهيات المنسية! من أول إنك تطلب أوبر، أو حتى تاخد توكتوك لوحدك بدل م تتزنق ف ميكروباص حاجة بتحافظ على كم مش طبيعي من الوقت والجهد والطاقة والصحة، وبتحافظ على شكل الواحد يفضل مش مبهدل ونضيف مش مترب ومجهد ولبسه باظ حزينة والله وأنا بقول من "الرفاهيات"، بس المواصلات العامة نفسها غليت بشكل مش طبيعي فعلا، وبقت تعجيزية لشريحة كبيرة.. ربنا يرحمنا برحمته ويرزق الناس كلها عموما، والبنات خصوصا، مواصلات وعيشة سهلة ويسيرة. يارب عربية جي كلاس من حيث لا أحتسب يارب يا واسع )"😭💗💗💗💗🦆

حد وقع من باص قبل كدا؟ وقعت من ست شهور وانا نازلة اتحرك مش عارفة وقعت ازاي ورجلي اتكسرت وايدي ووشي اتعور بقيت اخاف اركب موصلات ومش عارفة ازاي جالي كل الاصابات دي وكان عندي ارتجاج وكل ما حد يعرف يستغرب الوقعة وانا بقيت اتكسف عشان مفيش حد غيري حصله كدا وحسا اني متخلفة هو انا كدا معرفتش اخلي بالي من نفسي؟ هو اتحرك وانا بنزل وانا كملت وحطيت رجلي فالارض مش عارفة ليه كل حاجة حصلت بسرعة وانا كنت بنزل بسرعة وموجهة تفكيري ناحية النزول لما مشي مغرفتش اتصرف وبجلد نفسي عشان. بسبب كدا رجلب تعباني بس انا كنت نايمة ولسة صاحية ساعتها وكنت دايخة بجد انا مدايقة جدا

ممكن تعرفوا الشخص من عنيه ؟؟؟ من نظراته ؟؟ اه دي والحمدلله موهبه عندي ب اختصار ممكن ابص للشخص أفهمه هو عايز ايه او يعني افهم نظراته بتدل علي ايه بس الا. الشخص داااا مش عارفه احدد هو عايز ايه كل اللي اقدر اقوله أنه حد محترم جدا جدا جدا يعتبر جيران بس بيتنا بعيد عن بعض شويه مش كتير يعني ... كبير عني ب ٣ سنين . مفيش بنا اي كلام أو اي تواصل . بس مؤخرا ب الصدفه بنتقابل ف المواصلات حسيت أنه فيه نظرات من ناحيته واخدت بالي من دا وهو عرف اني اخدت بالي بس برضو كررها كذا مره وبرضو مش عارفه احدد هل دا اعجاب من ناحيته ولا لا. بس اللي متاكده منه أنه حد محترم اوي يعني ميقصدش اي حاجه غلط بنظراته دي .. لحد ما من اسبوع اتقالينا انا وهو والاستاذ اللي بيدرسلنا . هو أول لما شافني وعرف أن دي انا بص للناحيه التانيه كدا جائز علشان الاستاذ مايخدش باله من كل دا ؟؟ برضو مش عارفه وحسيته اتوتر وعايز يمشي باي شكل . وبعد م كان بيتكلم مع الاستاذ بطل كلام خالص وكأنه بيقوله خلص عايز امشي . تفتكروا دا طبيعي ولا فيه حاجه بس هو متردد؟

وسط الاوڤرثينكينج افتكرت موقف لوالدي فقولت احكيه لعله يجيبله دعوه كنت راكب معاه مواصلات واحنا بندفع الاجره ركبت جنبه ست كبيره وباين عليها غلبانه وبتقوله الاجره كام يبني والناس قالولها وبتجمعهم بالجنيه قام ابويا دفع لها وقالها خلاص يا حجه انتي دفعتي قالتله الله يباركلك ولما رجع الباقي اداهولها بتقوله ايه دا يبني قالها باقي الفلوس اللي اديتيهالي قعدت تدعيله مش منزل دا رياء ولا نيتي سيئه ابويا انسان نظيف من جواه والله وبيعمل خير كتير بس ربنا ابتلاه بلسانه وعصبيته بالله ادعيله لعلك اقرب مني ومنه وربنا يستجيب دعائك

انا بكره الاستغلال يعني مثلا جايين انهرده في الموصلات سعر الاجره الاساسي 80 بعد غلاء البنزين السواق قال قبل ميطلع 100 بقولوا كام علي اساس الناس اللي موجوده تكلم وكده لقيتو بيقولي السواقين كلهم مركبين بمية ولقيته وقف ومحدش اكلم من الناس سكت لاني في ناس كتير واقف وعايزين يركبوا غيري فا معرفتش اقول اي الصراحه

شباب هل طبيعي اني اشتغل كل يوم 12 ساعة +4 ساعات مواصلات رايح جاي أنا مش يشتكي بس بسال هل في حد بيعمل كدا ووسط دا كله مطلوب منك تقعد مع أهلك وتشوفهم وتفكر في جواز أو خطوبة وغير كل دا مطلوب منك تطور من شغلك عشان متتركنش أنا حرفيا كل يوم 16 ساعة برا البيت واحيانا ببات في الشغل اكتر من يوم طب أنا كدا مقصر حاسس اني مقصر عشان مش بطور من نفسي مش عارف انا في دوامة بقالي فترة انا تقريبا كل مشاعري استنزفت مبقتش بتضايق من حاجة أو بزعل مش بشوف اهلي مش بشوف حد حتي اجازتي بنامها عشان اقدر اكمل الاسبوع الجديد اللي هيبدا لو حد عنده إجابة يفدني

جماعة انا كليتي بعيدة عني ساعة مواصلات هي في نفس المحافظة يعني بس انا مش عارفة اذاكر في البيت لأسباب كتير الدنيا دوشة عندي اطفال و بيتنا على الشارع وفي مشاكل في البيت و ده مأثر على نفسيتي اصلا وهكذا بعرف اذاكر بليل بس وكدا هقلب يومي مش هينفع و كمان بكسل اذاكر لوحدي حاسة لو معايا تيم مثلا هعرف اذاكر بحب جوهم يعني والسنتين الجايين سنين تخصص مش تقال اوي بس مهمين ومش هينفع الحال ده و كليتي عملية ف بفكر اخد سكن تبع الجامعة بحيث اكون وسط ناس زيي ف هضطر اذاكر زيهم و مش هتبهدل في المواصلات كل يوم و هعتمد على نفسي عايزة أشيل مسؤولية واجرب حاجة جديدة اصلا ف انتو شايفين اي لأني بعد ماكنت متحمسة بقيت خايفة