مواقف

انا ولد مش بنت في هنا بنت بتحب السيطره او التحكم؟ منغير اي حاجه خارجه يعني عادي فيتشابهه كبير بين البشر في كل البلدان و الثقافات و الطبقات بس كلهم واحد تشابه مش طبيعي ف المواقف و طبيعة الحياه الي بنقابلها

طبعا، عشاني مخت،لة، ف انا عندي امتحان بكرة، بس حاسة بالم،للل. هو امتحان عادي عامة مش بيتضاف، فاا مش صعب كده كده. المهم، عندكوا دلوقتي خيارين؛ نتخا،نق (انتوا اللي هتحددوا السبب؛ ف ممكن مثلا حد يدخل يقولي وجهة نظر جاهلة رجعية مش لازم تبقى عنده بس عشان السسبنس وكده)، او او او، تحكولي موقف مخ،تل حصلكم قبل كده. فاا بس.

بحس اني مش عارفه اخد موقف من ناس رغم انهم بيدايقوني كتير سواء صحابي او اهلي حتي معرفش ليه بس ليهم مواقف بتدايقني وبردو مش باخد موقف جامد شبه ما انا عايزة ف دماغي عشان مش عايزة خناقه و مش عايزة اخسرهم رغم ان المواقف تستاهل اني اخد فيها موقف و هما لو مكاني كان اخدو موقف

"انا لما بفيد حد او ببعت حاجه مفيده ببعتها لسبب واحد بس ، وهو اني لو مت بعد سنه شهر او حتي مت بكرا تبقا ده صدقه جاريه ليا ، اذا مات ابن آدم انقطع عمله الا من ثلاث ..... علم ينتفع به ، انا كدا كدامش عايز منك ريأكت قلب مثلا ، انا عايز نيتي فالاول والاخر تكون خالصه لله وربنا يرضي عني وبحاول اعمل اي حاجه او اي عمل يقربني من ربنا ويبعدني عن عذابه ، مش مستني منك مثلا شكرا حتي من بعد ما عملتلك ربلاي ووضحتك اللي انت بتسأل عنه عشان اساعدك ، وكونك انك معندكش ذوق ف ده حاجه تخصك فالاول والاخر مش هقدر اعلمك تكون عندك ذوق معايا او مع غيري ، ممكن الموضوع يكون استفزني بس لما افتكرت هدفي فالاصل من مساعده الناس مبقتش مستاء من الموقف👍 وانا بإذن ربنا همشي من الجامعه وهحول السنه الجايه ف كان نفسي لما افتكر اي حاجه تخصها افتكر الحلو بس مش الحلو والوحش لان اوقات الوحش بيكون اكتر مالحلو ف بيغطي عليه. وفالاخر انا مش قصدي علي حد بعينه لان الريدي الموضوع حصل معايا اكتر من مره فانا مقصدش اخر شخص عمل معايا الموقف ده ، يمكن مبشيلش حاجه وحشه لشخص بعينه بس الموقف نفسه مش بيتنسي ، وانا مش ملاك ممكن مفتكركش بس افتكر موقفك الوحش معايا" ده الرساله اللي كنت عايز ابعتها علي جروب الدفعه بعد ما حصل معايا موقف معين من حد وحتي انا مش فاكر اسم الحد دا اي بس فاكر الموقف ومش بس دا لا كل المواقف اللي كانت شبه كدا ، اترددت عشان ابعتها بس مش هبعتها ، عادي يمكن اكون مكروه بس يكفي اني مأذتش حد قبل كدا ف يكرهني بسبب كدا

احساس إن مع الوقت احيانا معظم الناس بتشتري دماغها وبتتنازل في أوقات ومواقف مستحيل تتنازل عنها زمان بس زي ما بيقولوا كده خلاص كده بقيت أهم حاجة وأول حاجة راحتي ادور عليها فين لأن كدا كدا معظم الناس مبتتغيريش فتغير انتا عشان تعرف تعيش اشتري دماغك

نفسي دماغي تسيبني في حالي،، انا باجي كل يوم فنفس الوقت ده كده و بفضل افتكر كل المواقف اللي مريت بيها طول اليوم و اربط في خيوط و ارسم سيناريوهات و للأسف حتى فكرة إني اسحل نفسي في الشغل مش كفاية

بنفضل نتحمل فوق طاقتنا لحد ما بيجي وقت منقدرش بنعمل اي حاجه والنتيجه ان نفسيا بنكون مش قادرين نتعامل مع اقل المواقف وبنرجع في الأخر نلف علي دكاتره عشان نقدر نتخطي كل دا وامتي هنقدر نتخطي منعرفش كل الي بيحصل مجرد محاوله

بما ان النهاردة الخميس و كله قاعد زهقان غالبا فانا عندي فضول دايما اني اسمع و اعرف أسرار الناس و المواقف اللي عملوها / حصلتلهم و مقالوش لحد عليها ايا كان نوع السر او الموقف ايه و ايا كان بردوا سبب انه مقالش لحد عنه حاجة و بدون اي judge خالص

في مره كنت مرتبط بواحده جدا و كان في كلام بيني و بين ماماتها يوميا انا و هي و ماماتها بس في مواقف مش قادر انساها زي انها شافت حد معدي دابت و قعدت تتمتم ب الكلام و مش قادر اتخطي الموقف نهائي سبنا بعض و اكتشفت انه بتلبس لبس مش كويس اطلاقا و اتقالي من كذا حد دي كذا و كذا و انت ما تعرفش بغض النظر هي كده او لا بس ازاي بتتخطوا المواقف دي عموما

مساء الخير من فترة حوالي 3 شهور حصل الموقفين دول في يوم واحد عايز اعرف انا صح فيهم ولا غلط لأنهم حصلولي في يوم واحد وانا مكنتش عارف اعمل ايه يوم ماتش مصر والسنغال كنت بتفرج على الماتش في القهوة وجاي من سفر لأن كان عندي امتحان واحد زميل مهنة مش اكتر وعمري مقعدت معاه انا 20 سنة وهو 45 قالي انت اسم القهوة اية واسم المنطقة قولتلو كذا وكذا قالي هيجيلك قولتلو مش هقدر إستقبل حد اسف قالي لا هاجي انت بخيل لية ومش عايز تعزمني وجه بالعافية وقهوة تحت بيتي اتصلت ب 2 صحابي يعرفوه قالولي ممكن يعملك مشاكل ده إنسان غريب اوي حاول تخلص الدنيا معاه لاقيته بيشد كرسي وقعد جنبي رغم اني مرديتش عليه وهو قاعد يرن عشان يعرف العنوان بالظبط لاني قولت اسم المنطقة والقهوة فقط دخل قعد جنبي وطلب من القهوجي حلبة حصا سكر برا اتصلت بصحابي قولتلهم مش هحاسبله اية رأيكو عشان حركته قالولي تمام انت صح وعملت كده وهو اتكل على الله بعدها صاحب تالت كلمني قالي بهزار خطوبتي بعد العيد يعم قولتلوا ركز بس دلوقتي مش وقته هزار حصلي كذا وكذا وحكيتله على اللي فوق قالي نعم؟؟ يعني انت متصلتش بيا أول واحد لية هو انا مش اولوية عندك واعز حد؟ قولتلو يا حبيبي كلكوا واحد وكلكو اخواتي حط لايك وسكت قولتلو انت مقولتليش تصرفي صح ولا غلط قالي طلاما هما قالولك صح يبقى صح قولتلو مالك يابني انا عايز رأيك انت قالي رأيهم اهم قولتلو طب خطوبتك يوم اية تحديدا قالي ميخصكش وياريت مشوفكش فيها روح خطوبة صحابك وزعل مني اوي بجد وقعد تلات ايام ميتكلمش معايا وكل مكنت اكلمه يقولي روح لصحابك وانا ماليش دعوة بأي حاجة تخصك بعد كده انت لصحابك مش ليا وفضل زعلان مهما أكلمه. انا والله معارف انا كنت عملت اية لكل ده كنت جاي من سفر عايز اشوف ماتش وانام لاقيت نفسي داخل في حوارات انا في غنى عنها رغم اني بعيد عن الكل انا عايز أسألكو لو انا كنت غلطان في حاجة هصلحها وحتى مخدتش اي قرار من غير مرجع للناس حد، اولاني رغم أنه فرض نفسه سألت اعمل ايه التاني بحكيله عادي زعل وسمعني كلام زي ده، هل انا عملت حاجة غلط؟