مشكلتى انى بخاف أغلط فمبجربش.. يعني مثلا بقالى سنين كتير بقول هروح اخد كورس إنجلش بس مش بعمل دا بخاف أحس نفسي مش فاهمة حاجة لان زمان وقت المدرسة كنت لغات وقتها بابا الى كان بيذاكرلى وهو كان عبقري ف بيشرحلى بمستوى دماغه هو مش الى اناافهمه ف طلعت ي دوب ادخل الامتحان احل وبعدين انسى لدرجة فيه مواد مكنتش بعرف احل فيها اوى لانى مش متمكنة من اللغة.. في كورس cctafl ف الAUC تعليم اعاجم حد رشحهولى فانا حبيت الموضوع واتحمست بس لازم هدخل امتحانات تحديد مستوى عربي وانجلش وانا عندى فوبيا من الامتحانات اصلا.. بخاف حتى أكمل فالحاجة الى بحبها نزلت كذا مرة كورسات رسم كنت مش بكمل وبتضيع عليا الفلوس والادوات مهما ألزمت نفسي مكنتش بكمل ايوا برسم كويس جدا بس كان نفسى تكون دى شغلتى بس مكملتش.. بخاف اخد قرار عشان ميكونش غلط ف أتلام ف اندم وانا دماغى بتبقى شغالة طول الوقت اصلا .. من كذا سنة لبست النقاب فجاة بقيت حاسة انى بيضغط عليا نفسيا بسببه لا عارفة اكمل بيه ولا حابة انى اقلعه لانى بحبه فعلا ومقتنعة بيه بس حاسة ان نفسيا بقيت مضغوطة بس خايفة اخد قرار غلط ..عارفة ان هيتقالى اعملى الى مقتنعة بيه والى يريحك ..جماعة انا مبعرفش اكون مرتاحة انا دايما عقلى شغال وبحاول اعمل الصح بغض النظر هيريحني ولالا.. حتى ففكرة الارتباط ساعات بيتقال عليا ان افكاري خيالية او مستنية حاجة مش موجودة مع ان ع ارض الواقع انا بقيم الشخص زى م هو ومش بكون متوقعة حاجة اوفر لكن مش برتاح لحد م بقيت ٣١ سنة بالنسبالى مفيش اى موضوع فات ممكن اندم عليه بالعكس لكن كمان ممكن خوفي من انى اختار غلط هو الى مخليني بخاف اخد الخطوة .. فملخص كل دا انا مش بعرف اكمل فاى حاجة
