انا عمري ما عرفت اقول لاهلي لا على حاجه و هم دايما نفسهم اكون انا و اخواتي اتقياء في الدنيا و احسن حد في الدنيا و قرييبين من ربنا بس انا مش فهمه هو ايه المغزى عندهم انهم يرفضوا استايل لبسي الي انا نفسي البسه معرفش ليه مع انه حلو اوي انا كنت عرضت على ماما من شهر ثمانية الي فات و لمحت ليها عن اني بحب النقاب اوي و نفسي اجرب البسه و بتاع المهم بعدها بشهر فضلت اتكلم عنه و قولتلها كذا مره تقول لبابا و كنت متوقعة ان بابا هيوافق لقيته رفض و رفض اكتر من ماما و كلامهم معجبنيش ابدا المهم قولتلهم ماشي و ريحتهم و هم لحد دلوقتي فاهمين اني اقتنعت برايهم لكن انا مقتنعش بي ولا واحد في المية حتى و نفسي يسيبوني لرغبتي و الموضوع داخل دماغي اوي و مأثر فيا جدا و حاسه اني مش هعرف اوصل للي انا عايزاه و في مية حاجز قدامي عشان اقنعهم انا دلوقتي حاسه ان اهلي عقبة بالنسبة ليا مع ان اهلي مش مقفلين ابدا في اي حاجه و بيسيبوا ليا انا و اخواتي حرية الراي مش فهمه ليه بقى عند دي و وقفت انا الموضوع مضايقني اوي انا كل ما افتكر اضايق و قد ايه حاسه ان الموضوع صعب اقعد اعيط ان مفيش ملجأ دلوقتي خالص غير لربنا و والله اعلم هلبسه امتى انا لما اتكلمت معاهم عليه كنت تميت ال ١٦ و حاليا قربت على ال 17 و الموضوع مضايقني اوي اوي بغباء مش عارفه اعمل ايه بقى نفسي البسه نفسي والله نفسي
الاباء والامهات بتوعنا مس نفس الجيل ف بالتالي مش نفس الأفكار ولا نفس القابليه لتقبل الأفكار زينا واحنا لازم نراعي حاجه زي دي ف تعالنا مع اهلنا
بصي هما ممكن شايفين انك ممكن لو جربتيه دلوقتي تقلعيه مثلا او شايفين حاجة انتِ مش شايفاها بس حاولي تقنعيهم لو انتِ مثتنعة فعلا بجد وهيقتنعوا واحدة واحدة حاولي تاني
بصي ياحبيبتي انا كمان نفسي البسه اوي وحاولت برضه ونفس الرفض بس اكيد هما شايفين انك لسه صغيرة وممكن تكوني هوائية شوية اللي هو هلبسة شوية وبعدين هقلعو تاني والجو دا استني شويه تكبري حبه كمان ان شاء الله وتفكري ف الموضوع دا تاني انتي ممكن برضه تلبسي زي شرعي وواسع ومافيهوش حاجه ملفته كانك منتقبه بالظبط لحد ما ربنا يأذن انك تلبسي النقاب لو ليكي نصيب فيه
والحمدلله اني مسمعتش لدماغي يومها لأني تعبت جدا و دوخت و قررت هرجع البيت مش هلبسه تاني بس ربنا وفقني و معملتش كده الحمدلله و حاليا والدي حبه جدا و لما يشوفني في الشارع بيتبسط إنه عرفني وأنا لابساه اللي عايزة اوصلهولك انك متيأسيش ابدا هما دلوقت هتلاقيهم محدش مقتنع نهائي لكن ادعي ربنا كتير و حاولي تاني وتالت و عيطيلهم وبيني انك فعلا عايزاه و متمسكة بقرارك و هاتيها بالتدريج لو مش لابسة الخمار البسيه قربي من ربنا اكتر و سمعيهم فيديوز لشيوخ بتتكلم عنه خليهم يحبوه الاول يمكن تيجي منهم هما لكن لو محصلش الجأي لأخر كارت وهو إنك تحطيهم قدام الأمر الواقع قوليلهم دي حاجة هتقربك لربنا مينفعش حد يقف فيها
حاسة بيكي بجد كنت مكانك انا قعدت 3 سنين اتحايل وانا حتى مكنتش لبست الخمار بس لبسي كان ساتر الحمدلله هما كانوا شايفين إن لي اصلا تلبسي خمار وانتي لبسك كويس طب النقاب؟ لا ده مرفوض تماما مفيش نقاش واحدة واحدة لبست الخمار في تالتة ثانوي و كنت ناوية بعد سنة بالظبط البس النقاب ورفضوا بردو ف لما دخلت الكلية قررت البس الجوانتي بعدها بشوية بدأت اكبر الخمار كل ده هما مش موافقين بس معترضوش وانا كنت بجيبهالهم واحدة واحدة بعد شهرين من الكلية لقيت اللهم بارك بنات كتير جدا لبساه و قررت البسه قولت لماما انا هلبس النقاب وانا بقولك بس عشان متتفاجئيش ف طنشت اول مرة بعدها قولتله عرفي بابا بقى هنا اعترضت وقالتلي إني لسة صغيرة طب و الجواز طب هتتعاملي ازاي في حياتك طب احنا بنتجمع مع قرايبنا في الاخر قالتلي طب انتي عندك مشكلة في النفس مينفعش بقى خلاص ف فضلت اعيط كتير اوي لحد ما عمي قالها هاوديها وخلاص بعدها قولت لوالدي فضل بردو معترض كتير اوي و ساعتها انهارت من العياط لحد ما قالي اعملي اللي انتي عايزاه ( زهق من المحاولات) تاني يوم كنت لبسته و نزلت الكلية الحمدلله الحمدلله
ما شاء الله ربي يبارك فيكي يا اخت ادعو الله لكي ان يهديهم لهذا الخير وادعو ان التقي بمثلك يوما ما فتكون حلالي نصيحه بقي انك تصري عليهم لما بلاقو انك مهتمه جدا بشكل كبير اكيد هيوافقو حتي ده من باب انك بتجتهدي ع فعل الطاعه وربك لن يخذلك ابدا وبما امذ بتقولي انهم متدينين ف ان شاء الله ربي يلين قلبهم لا تتكاسلي والله العظيم اني لما بشوف فتاه منتقبه قلبي يرفرف تجد الشباب يحبو النظر للبنت العاريه وانا أجد في نفسي سرور عند رؤيه منتقبه اكيد لا ابحلق النظر 😂 فقط اقصد النظره الاولي وف حتي هنا تأتي من باب اللي هو الحمد لله في بنات كتير من اللي انا عيني عليهم وكده عشان نكبر دايره الببحث ف في فرصه الاقي مواصفاتي يعني انا بحب الموضوع ده جدا عشان كده قلت كل اللي ف قلبي 🌺
هو النقاب مش فرض طلاما انتي محتشمه ولابسه لابس محترم ومحجبه عادي مفيهاش مشكله هما ممكن قصدهم عشان في الزمن ده النقاب بيبقا مش امان للناس لان في ناس حراميه ومجرمين بيلبسو نقاب وبيعملو جريمه تحتيه فا عشان تبعدي عن الشبهات مثلا ووجع الدماغ
اعتقد ان هم خايفين عليكي من عيون الناس