نقص

النهاردة عرفت قد ايه الاب مهم مهم جدا وفعلا بياثر فينا سواء للاحسن او للاوحش وعرفت ان ناقصني دور الاب في حياتي وعمري ما هعرف اعوضه هو موجود مش متوفي ربنا يحفظه بس موجود ومش موجود حد فاهم حاجه موجود بس تقريبا هو اكتر. اذاني اذاني علشان هو مش بيادي دوره ك أب انا راضيه بس اكيد بيجي عليا وقت واقول ليه طيب لما بخرج او اشوف حد مع بنته انا بحس بغيره او بحس بالنقص و والله مش بحسدهم ولا اي حاجه ولا بحقد علي حد اكيد هو انا كدا غلط علشان بغير او برطز مع حد لو مع بنته ؟ بس بجد هو في آباء كويسه يعني بيكون تعاملهم ازاي مش عارفه ايه التعامل الكويس انا راضيه في حاجات كتير ممكن مقدرش اتكلم فيها او احكيها بس الحمدلله بفضل الله ثم صديقه ليا انا بنت كويسه ومحافظه علي نفسي وعلي كرامة ابويا واهلي بس اكيد مفيش حاجه تعوض الاب صح المشكله مش في اني اعوضه كمان المشكله فيه هو وجوده مشكله

"بحس إني دايمًا محتاجة الحاجة اللي عند الشباب اللي بشوف دايمًا هما في قمة على آخرهم بسأل نفسي ليه مش عليا؟! أنا دي حاجة بتمناها من كل قلبي، الحليب دايمًا اللي بيقع على الأرض بيكون نصيبي يكون فيا.

انا 21 سنه تالته جامعه حابه اشتغل بعد الجواز ، ولكن انا عارفه اني صغيرة ولسه بدري بس انا مضغوطه جدا لان العين عليا من نحية صحابي عيله بابا ماما وجيران ، اصغر مني مخطوب واللي بقوا امهات واللي هتتجوز ، انا جوايا احساس بالنقص وضغط جوايا شعور بالاحتياج ، انا مش مستعجله ع جواز ع قد ما مستعجله ع خطوبة.. يعني جوايا بجد احني عطشانه لفكرة إن حد يحبني بس المشكلة مش مناسبين او ممكن انا اوفر في طلبي بس الواحد مش بيدور ع ماديات ع قد ما ارتياح وقبوووول** بس الوضع صعب جدا حقيقي انا عارفه انه نصيب يجي لحد عندي وبالدعاء وبالصبر والواحد صابر بس وجود مشاعر عايزة اخرجها دي صعبة احساس داخلي بالعطش دا وعايز اشباع حتي لو شيء مش ملموس مش عارفه بس انا مش عارفه اعمل كنترول ع فكرة الاحتياج دي وانا فعلا مش عارفه اسلك طريق الحرام ، ومش عايزة حقيقي ع رغم من حواليا نماذج فلحت معاها لان انا عارفه حظي وان مش بعرف اعمل زي حد ، بس بجد انا مبقتش عارفه اركز في مذاكرتي ولا عارفه اكمل اتعلم مهارة ولا حتي امور بيتي او اخرج او اتعامل مع حد من شعور بالاحتياج والنقص اللي جوايا ومهما شغلت نفسي بلاقيني في دقائق هجوم وحرب جوه دماغي واحساس بالعجز يعني الواحد حقيقي مش عارف يعمل اي ومحدش فاهم قد اي الموضوع صعب ، الصبر صعب الموضوع دا بذات مأزمني ومحدش اخد باله واخدين عني اني معنديش مشاعر بس بجد شعور بالوحدة قاتلني رغم اني اجتماعية ومهتمه بنفسي يعني عامله اللي عليا وزيادة

عايزه اعرف بتعملوا ايه لما يجلكم احساس "مش قادره اكمل ، انا لوحدي ، محتاجه حد معايا " هقول كلام كتير مش عارفه ارتبه بس حاسه اني ضايعه شوية محتاجه اتكلم بعمل حاجات كتير اوي بدل الشغل اتنين بنزل جيم بدرس ف الكلية و عندي امتحانات التزمت و لبست نقاب بدات احفظ قرآن و ادرس علوم شرعية غير تخصصي بحاول اتعرف على ناس بنات * بس مش عارفه اقرب منهم او اصاحبهم مش عارفه اقرب من حد و لسه الاحساس دا عندي عديت بحاجات كتير اوي لوحدي ديما بفكر ف الارتباط مش عايزه اغضب ربنا اكيد قصدي حلال بس برجع اقول اني صغيره و لسه متمتش ٢٠ غير ان مفيش حد حواليا ممكن يبصلي عشان النقاب غير كل دا بجد بكون محتاجه اتكلم مع حد او حد يسمعني انا فعلا فعلا مش قادرة اكمل ف اي حاجة بعملها و حاسه الحياه صعبه اوي و تقيله عشان لوحدي و برجع اقول اني عملت ف نفسي كدا و مقربتش من كدا ديما شايفه اني مستاهلش الحاجات الكويسه مع اني والله عديت كتير اوي كنت فيه لوحدي و تخطيت حاجات كتير بطلت حاجات كتير متلقش بيا و قربت من ربنا كنت بجد ضايعه انا فعلا عملت حاجات كتير كويسه بس حته جوايا لسه مش راضيه عني و لسه عندي احساس النقص دا مش عارفه ارتب الكلام بجد

قربت على ال ٢٤ معادش عندي غير احساس الندم بيطاردني فى كل حاجة عملتها بعيط كتير فكرت فى الموت كتير مشتت مش عارف انجز اللى ورايا بقالى كتير مش برسم فى دماغي غير سيناريوهات كتير كانت ممكن تحصل احسن ماللى انا فيه كان زماني حياتي تتعاش اكتر ما هى مجرد survival مبقاش فيه حاجة بتبسطني، ولا فيه اهداف زى زمان انا بقيت فى الوقت اللى كان مفترض فيه احقق اهداف زمان، محققتهاش، والوضع بيزداد سوء مختلف عن كل اللى حواليا فى كل حاجة، كنت بحب دا زمان دلوقتي بقا بيحسسني بالنقص، حاجات نقصاني عن كل الناس، انا مش فريد ومفيش فيا مميزات مجرد عيوب، ملهاش حلول

ممل-نفسية-متوحد محدش هيحبك - هتفضل وحيد وكتير حاجات بالاول كانت تجرحني اما دلوقتي بقت عادية وجزء مني وبقيت متعود عليها واحس بنقص اذا ما اتقالتلي النقطة انو ما نسيب هل الكلام يتحكم فينا وبنفسيتنا بالعكس

عاملين يارب يارب تكونوا بخير انا عايزة أقول حاجه انا ديما بقارن نفسى بالناس المحيطة بيا فى كل حاجه وبقول ليه انا مش كدا ليه مجبتش القدير الفلانى انا ناقصنى اى وليه ما مهما ذكرت نفس النتيجة انا مستوية حتى طول سنين الدراسية 19/20 27/30 48/50 الدرجات دى ديما مفيش مرة احاول اوصل لتقفيل حتى فى الجامعة تقديرى نفس الامر لا جيد جدا ولا جيد جيد مرتفع بذاكر مهما اذاكر بقول يمكن بذاكر غلط مفيش حتى الشكل بحس انى مش حلوة مهما اشتريت كريمات غسولات اهتميت برضوا مفيش النتيجة انا حسه انى مريضة كمال بس بقول مادام حد عمل الحاجه دى انا ليه لا ويمكن ارجع اقول دى قدراتى اتقبلها بس حقيقى مش متقبلة اى شىء لا أنا ولا شكلى ودراستى والناس المحيطة ولا حد اى الحل بجد انا بقعد كل يوم اقعد اعيط ومش عارفة افكر بطريقة صح او حتى اكون انسان عادى يستمتع بكل لاحظة وخلاص

هو ليه انا دايما شايف نفسي قليل مع ان كل حاجه بتقول عكس كدا وانا عارف بس مع ذالك دا مش بيغير النقطه دي عندي وبرضو حاسس اني قليل اوقات كتير مش ببقا طايق نفسي وشايف اني اقل من حاجات كتير بتحصل حوليا

كوني مرتبطتش ولا مرة ولا حتى حد أبدى اعجابه بيا ولا حتى حد اتقدملي من ٣ سنين محسسني بنقص كبير جدا رغم اني على قدر حلو من كل المميزات و بحس بخذلان و انا شايفة كل اللي حواليا بيرتبطو بدون أي معايير من المجتمع فارضها

أنا بجد تعبت من حياتي ومن احساس إني غير مرغوب فيا وفشكلي اللى أنا مختارتوش دايما مابحبش اتكلم ف الموضوع ده عشان محسش بالضعف أو النقص انما انا تعبت وبقيت حاسه كل حاجه فحياتي مربوطه بشكلي ولازم ابقى حلوه عشان يبقى مرغوب فيا من اي حد💔💔

احس ان الكل عندو شي يتقنو او جيد فيه ، جسم او شعر او وجه حلو ، عندو موهبة في الرياضة او الرسم او اشياء زي كذا ، او مستواه الدراسي حلو على الأقل ، او غني، او علاقاتو حلوة ، او عندو شخصية حلوة ، سواء واثقة او اجتماعية، و الأشياء لي زي كذا ، بس انا ما عندي ولا شي من هذو الأشياء ، و لما احاول احسنهم اتعب لأني احاول احسنهم كلهم مع بعض ، و تجيني كذا زي حالات استسلام مؤقتة بعدين بعيد المحاولة

عندي مشكلة وحابب اخواتي الجدعان يدوني نصايح بس بلاش حد يقولي زور دكتور وكدة انا طول عمري انطوائي وبتحرج اوي ومبتكلمش كتير ورغم كدة كل الناس كانت بتحبني وتقدرني بس مؤخرا من بعد الثانوية بقيت اجتماعي زيادة عن اللزوم وبقيت بحب ارغي كتير اوي واحس بضيق لو حد مخلانيش افضل اتكلم كتير رغم ان معظم كلامي بيكون نصايح لحد او حد بيطلب مني يعرف حاجة ف انا بقوله بالتفصيل الممل حتى هو ممكن يزهق ف انا يفسر ده مش على انه مساعدة انا بفسره اني حابب اثبت للكل اني صح واحب انه يتقال عليا بعدين ان انا كان عندي حق وغالبا ده شعور بالنقص المهم اني بعد ما بقيت برغي كتير فقدت هيبتي وتقديري اللي كان الكل بيقدرهولي زمان وكمان في حاجة تانية انا بعد ما بقيت اجتماعي فده زود اوي عدد المرات اللي بقى بيحصل فيها مواقف محرجة لدرجة ان بقى في مواقف عادية بقيت بالنسبالي محرجة ومببقاش طايق نفسي وانا كل شوية افتكرها ومؤخرا بقى ظهر حاجة جديدة اني بقيت بكلم نفسي بصوت عالي كل ما افتكر موقف وابتدي اشتم بصيغة الجمع يعني مثلا افتكر موقف عادي بس بالنسبالي محرج ف ابتدي اقول يلا يا ولاد كذا كلكم كذا وطبعا مكان كلمة كذا بيكون شتيمة وفي البيت بيقعدوا يستغربوا ومحدش عارف ايه اللي بيدور في دماغي في الأول كانو فاكريني بشتمهم يعني بشتم كل اللي في البيت لأني بشتم بصيغة الجمع بس دلوقتي لما بيلاقوا مرة واحدة قولت كدة بقوا بيستغربوا الفكرة بقى ان الموقف ملهوش علاقة بالشتيمة يعني انا مثلا اكون مفتكر موقف محرج حصلي مع شخص واحد مثلا مدلي ايده وانا مخدتش بالي ومسلمتش عليه ف ابتدي اتضايق واقوم قايل يلا يا ولاد الكذا بصوت عالي انا عايز حد من اخواتي اللي هنا يفهمني ويحاول يديني نصيحة وبلاش مرة تانية ارجوكم حد يقولي زور طبيب

​"يقولون إن العين ترى ما في القلب، لكن ماذا لو كانت عيناي ترى تفاصيل الجمال في العالم.. وفي قلبي لا شيء؟ ​أعيش في عالم من التقنيات والفنيات التي لا تخطئ، لكنني أقف عاجزاً أمام 'غدر' المشاعر. لم أحب يوماً، ولم يلمسني شعور الطرف الآخر، وكأنني أراقب العالم خلف زجاج عازل. هل هذا نقص فيّ، أم أن العالم أصبح يفتقد الصدق الذي يستحق أن نقع في حبه؟" ​الخيار الثالث:

انا شاب عمرى 20 سنه وانا طفل كنت بحس دايما انى مميز وذكى بس لما كبرت شويه الموضوع اتغير بقيت بحس دايما انى قليل وان كله احسن منى لدرجه ان لما حد بيمدحنى بحس ان انه بيتريق عليا او بيستهزا بيا بدخل نفسى ف مقارنه مع كله لدرجه بمشى فى الشارع بقارن نفسى مع كل الناس سواء اعرفها او لا

متجوزه بقالي سنه ونص زوجه تانيه حاسه دايما اني قليله ناقصني حاجات كتير وهو معامله بقيت وحشه اووووي معايا كل اما ابقي عايزه ابعد يرجعني وفي نفس الوقت مش ببغير معامله معايا مش عارفه اعمل اي بشوفوا كل يوم ماينفعش اقطع علاقتي بيه

من فترة كدا بداء يظهر عندي احساس ان عندي مشكلة بسبب عدم وجود طرف تاني في حياتي خصوصا بعد ما خطبت وفشكلت خطوبتي بداء يظهر الاحساس ده عندي بسبب اني بشوف معظم اللي حواليا بيخطبو ويتجوز او حتي يرتبطو انهم بيعيشو قصص حب حقيقية وان انا مفتقد الجزئية دي في حياتي ومفتقد فكرة ان ممكن واحدة تعجب بيا اصلا فهل فعلا دي مشكلة فيا ؟!

مساء الخير انا بحب الكتابه جدا ويبقى عندي افكار حلوه كثير بعطل كده في الاحداث الفكره نفسها بتبقى حلوه وفي نفس الوقت بحس ان في حاجه ناقصه لو في حد مثلا بيحب الكتابه زيي او يعرف اماكن بتدي ورش كتابه تكون حلوه لان عندي افكار فعلا حلوه وحابه ان الموضوع ده جدا وشكرا

انا من صغري حلو ما شاء الله وجميل ولما كنت صغير كان بنات العيلة كلهم عايزين يكلموني هل عشان مكانش في ولد غيري في العيله ولا عشان كنت حلو مش عارف .. المهم لما كبرت دلوقتي بنت عمتي لمحتلي مليون مره انها معجبه بيا وانا كنت حمار تلميحات لحد ما بدأت الاحظ وكنت بحاول اعمل نفسي عبيط برضو .. المهم جيت في مره قولتلها اني عارف انك نفسك تقربي ليا بس مش هينفع لأنك اختي وعمري ما اقبل ان ابقى كده بالنسبالك راحت قلبت الطرابيزه وفضلت تقولي اقرب ايه وفضلت تنكر وشككتني في نفسي وحسيت اني موهوم وخايف ابقى موهوم في حاجات تانيه كتير .. هل كنت موهوم فعلا ولا هي عندها نقص ؟

ان بقيت ديما خايف من الفشل وحاسس ديما احساس بالنقص وان موصلتش لاي حاجه وبسبب دا انا في كليه بكرها لمجرد ان مكنش ينفع ابقي اقل من كده وهمي بقا ليا لوحدي محدس ينفع يعرف عنه حاجه بقيت شخصيه حساسه عن اللزوم من اي حاجه مهما كانت صغيره بحس ان بتخنق بالمعني الحرفي كان نفسي امي تفهمني ان مش في سباق مع حد ولا حتي مع نفسي وان ساعدتي وراحتي اهم كان نفسي وقت اما كنت بحكلها عن ان الشخص ده اذاني تاخد رده فعل زي ما عملت ما اخويا بس هي سبتني بكل دا يتراكم جوايا من وانا ٨ سنين لحد النهارده مس قادر اتجاوز وياريتها فهمتني ان المحاوله لا تعنب حتميه الوصول وان اهون دا علي نفسي وانه عادي معامله اهلي خلتني طفل مكتئب ديما لحد اما كبرت اوقات بحس اني بكرهم وديما عندي احساس ان عايز اهرب