هشاشة

رحله التعافى غريبه جدا يوم تحسسك انك مالك كل حاجه وذكرياتك دي كلها تحت رجلك حرفيا ويوم تاني تكون هش جدا واصغر تفصيله تألمك بجد قرات وسمعت كتير عن ان اللحظه الي بتتعافي فيها هي اصلا مش موجوده يعني انت مش بتصحي تحتفل انك نسيت لا انت بتصحي بعد فتره معينه بتعيش من غير م تفتكر ولو افتكرت مش بتزعل وساعتها بتكون خفيت ..

معرفش اي الي صلني للوضع الي وصلتله دا اتكسرت اكتر من مره انهزمت اكتر من مره اتوجعت عمري كله مرض امي موت ابويا اني لوحدي ف كل حاجة اخويا ف وادي وانا ف وادي الاعمال و السحر الي بواجههم الحقد و الكهره من ناس لمجرد انهم شايفيني احسن منهم حاجات كتير غيرتني اه قوتني قصاد الناس بس خلتني هشه و مدغدغه مليون حته جوايا

حاجة من الحاجات اللي مضايقاني في تربيتي ان الحب غلط والمشاعر ضعف والتعبير عن حبنا لبعض كأسرة ممكن يكون محل للسخرية والشك يمكن دي جملة بنسخر منها بس 'ماتحضنش وهو صغير' دي مش حاجة تضحك ان أول ناس بتتعلم منهم الحب وبتبقى متأكد من انهم بيحبوك بيحاولوا مايعبروش عن ده بأبسط الحاجات عشان تطلع ناشف وقوي بس الحقيقة انكم بتطلعوهم يمكن ظاهريا اقوياء بس من جواهم قمة الهشاشة والضعف ويمكن يفضلوا يحلموا بالحب والاحتواء طول عمرهم وبردو مايلاقوش ولو لقاه يا اما الشك يفضل مالي قلبه ان اللي قدامه ده بيحبه بجد يا اما يدي قدر كبير اوي من المشاعر ممكن تستغل غلط يا اما يبقى جامد و(قوي) زي ما أهله علموه