وحده

مش عارف انام مش عـــــــــــارف انــــــــــــــــام الوحده قتلاني صاحي من امبارح ومش جايلي نوم وتعبت من التفكير والزهق والملل مين صاحيه ندردش بس الملل ده عشان زهقت زهقـــــــان

عايزه اوصل لحل بدل ما اتجن بجد🙂..عايزه اعرف ليه انا كتومه انا مكنتش كداا كنت عيوطه اوي وبعيط علطول وف اي وقت وعلى اي حاجه بقالي حوالي من شهور كتيره مش قادره احدد من امتا بقيت كتومه مش بسهوله اقدر افضفض الاول من اقل سؤال بطلع كل ال جوايا دلوقتي مش مرتاحه واُفضل اني ابقا ساكته ومحكيش حاجه واداري زعلي ب ضحكه وهميه والمشكلة إني ممثله ف دا واقدر اتقن اوي الفرحه والضحكه ومحدش مهتم ولا حد بيعرف ال فيا ومفكرني إني خاليه من الهموم عايزه ارجع لنفسي العيوطه دي ومش عارفههههه دا مدايقني اوي

لما بروح مكان بيحبوا وجودي اه بس غيابي مش فارق دي اكتر حاجه بتوجعني و حقيقي بجد ازاي يبقي وجودي حلو بس محدش حابب يتعمق و يتعرف عليا اكتر انا شخصيه هاديه ولازم اتعود علي الشخص عشان اعرف افك واكون علي طبيعتي كله بيقولي اني شخصيه جميله بس ازاي مليش اثر زي الهوا بالظبط وجوده حلو بس ملوش شكل الحاجه الوحيده اللي بتصبرني أن علاقتي بأهلي كويسه و ليا شخصيه وسطهم بس برضو اكيد هحب يكون ليا شله صحاب من ساعه ما خلصت اعدادي و شلتي كل واحد راح عمل شله جديده في ثانوي وانا دلوقتي في ٢ ولسه ملقيتش مجموعه اكون انا جزء منهم ❤️‍🩹

لسه موجودين زي منتو لسه في صياح ولسه في مشاكل لا حصر لها لسه الكل بيعاني من الوحده لسه الكل بيعاني من مشاكل نفسيه مشاكل بيت مشاكل مجتمع مريض يعشق الخداع والكلام الي بيتقال وخلاص لسه في ناس عندها وحده والم زهق وخنقه لسه كل ده لسه عندكم امل في الواقع سوال لكن لي محدش بيواجه الحقيقه لي محدش بيقتنع لي كلو علي تلفونو وبس بيكتب وخلاص لي محدش بيواجه نفسو بالمشاكل والشهوات والعيوب الي فيه قدام نفسو ويشتغل عليها وبعدين يتكلم ويشوف راي الناس كده كده راي الناس مش هيقدم واله هيعمل اي حاجه كلو كلام وخلاص من وجهت نظر كل واحد فيكم لكن ده مش صح محدش فيكم في المشكله محدش فيكم عاش التجربه كامله علي شان يقول رائيو اي ضمنك اني الي هتقولو هيكون مناسب اي ضمنك انو هيكون حل اصلا وتعيبو وتلمو الواحد لما يبقا بيتكلم بدون قيود او خداع او نفاق تشفو عيب كخه لكن الي ينفاق ويخادع يبقا حلو رجعت بعد فترت غياب بس زي منتو بنفس حالكم

انا لواحدي مليش حظ في اهل ولا في صحاب و في شغل ولا في علاقات مع اني عايش في حالي جدا مش شاغل بالي بحد نهائي بس كل حاجه ضدي بحب الوحده جداا وبرتاح وانا لواحدي بس الفتره دي محتاج حد اتكلم معا مش بعرف اشرح احساسي عموما بس محتاج حد جمبي يحسسني اني لسه عايش يرد فيا الروح لاني حقيقي تعبان جدااا و نفسيتي صفر حد يبقي جمبي يبقي معايا

اليومين دول الواحد حاسس انه محتاج حد يشاركه كل حاجه يحكيله اي اللي مضايقه يرجع ف اخر اليوم يحكي اي اللي حصل ف يومه يعني شخص يكون ونس ليك ويطمن عليك وكدا وطبعا مفيش الشخص دا ف حياتي حاسه الموضوع مأثر عليا أوي ومخليني حاسه اني مش مبسوطه وكدا مش عارفه اتعامل ازاي الموضوع شاغل تفكيري ومش عارفه اركز ف أي حاجه وعندي امتحانات بس تركيز صفر انصحوني اعمل اي

انا حاسه بالوحده وبعدم الامان والخوف من اي حاجه ممكن تحصل وده بسبب اني حاسه ان مليش ضهر بقيت طول الوقت حزينه وكئييه وده بسبب معامله بابا وماما ليا طول الوقت بيحسسوني امي قليله واني بنت وحشه وان مينفعش اعبر عن مشاعري بقيت بكتم مشاعري وده اثر عليا دلوقتي لما كبرت بقيت بنهار جوايا ومحدش حاسس بيا

مفيش حد بيسمعني و لو حد سمع بيفضلوا يتكلموا عن اد ايه بقوا جامدين في الحتة اللي انا ضعيفة فيها بكون شايفه انه سبوني اتكلم احكي اللي جوايا بس مفيش كد ولا حد حتى جرب يشوف أني زعلانه بجد واني جوايا مكسور دايما شايفين مشاعري مش حقيقيه محدش لما بعيط بيقولي حتى معلش ! مش عارفه امتى هيكون عندي حد يسمع ؟

بجد حاسه اني مخنوقه قوي نفسي ربنا ياخذني ما حدش فاهمني ابدا وكل ما يبقى عندي امل في حاجه ان حياتي تتحسن الامل ده يروح وما فيش فرحه بتكملي عايزه اعيط واصوت وانتحر حاسه ان هو ده الامان ما فيش حد فاهمني ابدا على وجه الارض وحاسه ان عمري ما ده هيحصل نفسي لو حد واحد بس شخص واحد بس يفهمني شخص واحد مش الناس كلها كل اما يبقى عندي امل ان الشخص ده هيفهمني مش بيفهمني وبيصدمني في الاخر وما فيش امل ابدا اني اتحسن انا عارفه وبقى لي يومين ما نمتش اصلا من كتر التفكير والصداع

ازيكم عاملين ايه عندي مشكله كده ممكن تبان تافهه انا حاسس اني لوحدي جدا كميه وقت بيعدي وكميه صدمات في ناس واكيد اخيتاراتي كانت فيها مشكله بس بجد انا وحيد جدا الفتره دي مش عارف اعمل كل حاجه لوحدي يعني مفيش حد بيعيش لوحده

وحده وملل وفقدان شغف الواحد نفسو يلاقي حد يسمعو حد يفهمو ميستغلهوش او يفرض عليه حاجه لما يتكلمو اكتر بقينا بنهرب وره شاشات وحتي وراها مازلنا خايفين من اسرارنا او مشاكلنا مش عارف لي تكون عاوز الناس تتكلم تاخد احلي مهاجمه وكلام ملهوش اي داعي تسكت يقولو عليك مش متقبل حد ومش فاهم حد 1053121502