منذ يوميشعر بـ متعب
بجد حاسه اني مخنوقه قوي نفسي ربنا ياخذني ما حدش فاهمني ابدا وكل ما يبقى عندي امل في حاجه ان حياتي تتحسن الامل ده يروح وما فيش فرحه بتكملي عايزه اعيط واصوت وانتحر حاسه ان هو ده الامان ما فيش حد فاهمني ابدا على وجه الارض وحاسه ان عمري ما ده هيحصل نفسي لو حد واحد بس شخص واحد بس يفهمني شخص واحد مش الناس كلها كل اما يبقى عندي امل ان الشخص ده هيفهمني مش بيفهمني وبيصدمني في الاخر وما فيش امل ابدا اني اتحسن انا عارفه وبقى لي يومين ما نمتش اصلا من كتر التفكير والصداع
طب متجربي حاجه جديده بدل متقولي انا محدش فهمني جربي اقعدي مع نفسك واعرفي ايه فعليا اللي مضايقك مش لازم تكوني انتي المشكله او ان محدش فاهمك انتي بالذات ممكن يكون الموضوع ابسط يعني زي انك مش بتعرفي تعبري بطريقه مناسبه
اولا انا شاب.. و ثانيا.. انا قلت اني حاسس نفس احساسك بالظبط.. بس يعني
مش هقولك نصيحه او اعملي كذا.. يمكن عشان حاسس بيكي و بمر بنفس مشكلتك.. من كتر ما الواحد لوحده بيحس انه فاقد الثقه في الكل.. و ان مش من السهل حد يفهمك مهما قولتي او عملتي.. احساسك واصلني عشان انتي قولتي اللي يمكن مش عارف اقوله.. نفسي اقولك حل.. بس على الاقل كنت نفعت نفسي.. مانا كمان لوحدي.. بس الفكره اني بدأت ابطل ادور على حد يفهمني او يكون ونس.. عشان مهما دورت مش بلاقي.. نفسي اطمنك.. بس بحاول اقولك الكلام اللي مفروض اقوله لنفسي.. بس خليني اطلب منك طلب.. جربي انتي تقوليلي اعمل ايه.. بما انك حاسه نفس احساسي.. انا معاكي و سامعك..
حاسه اني فاهمه نفسي كويس وبعدين هو انا لو فاهمه نفسي مش هحتاج لحد
مممم بصي خلينا نتفق ع مبدا مهما حصل مش هننتحر انتي مش قد انك تخسري اخرتك محدش قدها المشكلة ان معلومات الي كاتبها قليلة فهحاول انصحك ع قدها مشكلتك انك مش مدبا نفسك الثقة الكافية فكرة انك بتقولي مش هتتحسني وعارفة ومفيش حد هيفهمني دا عقلك هيخزنه تلقائي وهيحاول يثبت دا فابعدي الفكرة عن دماغك ومدوريش وهتلاقي حد باذن الله انتي عاوزة حد يحس نفس احساسك يفهم تصرفاتك ليه عملتي كدا مش بعيد تكوني عاوزة حد يقرأ افكارك احب اقولك مفيش حد كدا والاهم من ان حد يفهمك انتي تبقي فاهمة نفسك عارفة عاوزة ايه واخترتي دا ليه وعملتي كدا ليه دائماً بندور ع الحاجه النقصانه ف ناس تانيه فيمكن دا ناقصك انك مش فاهمة نفسك
حد عارف لما يكون حاطط امل على شخص واحد بس والشخص ده يخزله
عندك فكرة من وجهة نظرك العيب فيهم ولا فيكي الحالة دي مش بتحصل غير لما بيكون الشخص دماغه مختلفة تماما عن البيئة المحيطة كاملة وعنده تطلعات كبيرة وطموح غير الوضع التقليدي المناسب للباقيين انا حاسس بيكي لاني عايش كده بقالي سنين كتير اوي
نفس مشكلتي والله
مفيش حاجة اسمها مش هييجي ولكن اللي انتي قولتيه دا بيوضح انك مختلفة عنهم ، ومش بالضرورة تكوني مختلفة يعني اوحش ممكن تكوني أفضل ! ودا حصل معايا شخصيا ف فترة من فترات حياتي ولكن انتي لما ربنا يرزقك بالشخص اللي هيكمل معاكي حياتك ، ان شاء الله يكون بيفهمك و شاعتها مش هتحتاجي للباقيين دول كلهم
مين الاشخاص اللي بيبقي عندك امل يفهموكي ؟ يعني مين هم ؟ صحباتك ؟ قريباتك ؟ ولا تقصدي علاقات ؟!